حامل وقالج ريلج ممنوووووع

[Daleela]

صباح الورد حبايب قلبي

طبعا الموضوع استوحيت فكرته من بارني قصدي الباربي حليمه بولند

شفتها ذاك اليوم ولا حامل ولابسه كعب وهالنفنوف القصير قلت غريبه شلون ريلها
مخليها جذي بالكعب ومطلعه جسمها يعني لو مو حامل اغراء بس مع المتن واللويه مو حلو ابد هذا رايي:bbbiu:


الحين لمن كنتي حامل ريلج منعج من اشياء ولا سهالات والامور طيبة :eh_s(15):


يلا بنات شاركونا

 

[ربي سبحانك]

لا عادي ماقالي شي بس انا ماكنت اقدر البس كعب مكرمين

 

[semsem2031990]

اي كان شوي شديد معاي بس مو بكل شي
مثلا ما كان يخليني اشرب نسكافيه يقول موزين بس بعدين صار عادي
وووووووووووو تصدقين ما اذكر!!!
ان شاء الله اذا تذكرت بقولج

 

[KOKO_284I]

انا ما منت البس كعب ابدا وللحين لمه البس يقولي فصخيه عشان ظهرج

بعدين يت على الكعب والوقفه والازعاج اللي اهي فيه وملابسها الماصخه برنامج لعب شكو نفانيف سهره ما ادري

 

[Om_Ksha]

اي انا شفتها بعد بالمستشفى كعب وقصيييييييير وفلل ميكاب ..

وشوي وتنبط من المتن


وصح عالبرنامج كل برنامج له طبيعه لبسه عاد كان ودي اشوف لبسها شنو لللحوامل مو نفانيف وخرابيط

 

[miss_Ba6oOo6a]

الريال ماله شغل بسوالف هذي
اهو علا راحة المرة وشتو الي يضايقها
كنت البس واسوي كل شي عادي بالعكس خل تستانس بعمرها حامل مو تهمل روحها لازم الوحده تعتني وتلبس
ما اشوف غلط بالموضوع

 

[Sa7aBa]

اكثر شي عجبني صبغتها
بس الله يهديها المفروض ماتطلع يبا بتموتين لا قعدتي بالبيت
اسم الله عليها الله يحفظها شكبر بطنها ما شاء الله وشمتنها صايره شوفي من متى وانتي ماحملتي بعد سنين من زواجها
فالمفروض انها تقر في بيتها ترتاح عشان اللي في بطنها عقب ما تولدين ردي
كلش مو حلو طلعتها بالتي في واهي بهالشكل

 

[ابتسمامه]

الله يهديها

 

[Daleela]

منورين حبايب قلبي

واللي ما ذكرو الممنوعات يذكرون

قصدي خوف الريال يخاف عالمره لمن تكون حامل

ومعروووف الكعب مو رفيج الحامل موزين لها ولظهرها لا واهيا حامل بتوينز بعد

 

[جوري 2007]

هالبرنامج ماصخ مصاخة العالمين وشكلها ومصاختها واااي تبط الجبد

ماعلينا

كان يمنعني من البيبسي والوجبات السريعه اول الاشهر بس ،، الكعب عادي البس بس كعب واطي

 

[Daleela]

هلا والله جوري

اي والله ماصخ البرنامج وانا بعد جذي مثلج ممكن كعب واطي

وحلوه الصوره اليديده بالتوقيع

 

[شذى الحب]

ماشوفه

 

[حكاية شهرزاد]

حليمة هذي مدري ماتحس انها تجيب الحر .. شكثر تتعدل بهالحر ,,

ماتعرف تلبس عباية تستر هالبطن وهالمتون ..

بس حلو عليها المتن ,, ماحب تقاسيم وجها حااااااااااااااااااد يالله جنه كلشي فيها هندسة مصبغه بالطول والعرض ..

خلها تخف ..

يا محلا شمس البارودي

 

[تبطي عظم!]

منعني من الكعب بس ع العموم هو مانعني منه قبل لا احمل لوووووووول

 

[jooosy]

اي والله انا زوجي كان وايد يخاف
تخيلو انا تنسيت بالماي واما اقدر اشربه
فكنت اكل ثلج واهو ماكان يرضى يقولي نو زين
حتى كعب مااااااكو
اذا اشوي سرعت بالمشيه يزفني
وابصراحه واايد اشياء ناسيتهم

 

[عبث طفله]

ما يمنعني بس انا بطبيعتي ما البس كعب دايما بس بالمناسبات ..
انا احب الفلات اكثر واريييح

 

[أحلى البشر]

حليمه تموت ولاتقعد بالبيت

 

[روح سعيد]

مالنا شغل في الناس حرام رمضان

الله يسعدهاااا

 

[كيميائيه87]

لبسها كللللللللللش عكس البرنااااااامج البرنامج بصوب ولبسها بصووووووووب

 

[جديده 1]

الموضوع ابصوب .. و البنات طايحين بحليمه بصوب ههههههههههههههههههههه