حامل وريلي مشتري قطوه ؟؟

[فلافل وبطاط]

السلام عليكم كروشات

انا في بيت اهلي وبرجع شقتي
وريلي مشتريلي قطوه يبي يفرحني
بس يقولون مو زين للحمل وللاطفال
لان عندي بنوته ماكملت سنه

اللي عندها فكره خل اتفيدني

 

[أم يزيد &سديم&]

إنتي تبينها
؟؟؟
ولا لا
مثل ما قلت يبي يفرحني فيها

 

[فلافل وبطاط]

احب القطاوه
بس بصراحه خايفه وعيزانه
أجابل عيالي احسن من مجابل قطوه

بس مابي اكسر فيه قاعده امهد له ان مابي
بس بتأكد في خطوره علي وعلى بنتي والجنين

عشان ابعدها باسرع وقت ممكن ...

 

[ام زهقانه]

علي راحتكم

 

[kitty eyes]

ان شاء الله ما فيها مضرة

المضرة بعزج الله مع خروج القطوة اذا لمستيه

والا غيره ما في

وانا ببيت اهلي عندنا 8 قطاوة

والحمد الله الحافظ الله

 

[ابدا يالغالي مانساك]

الله يعين حبيبيتي

 

[ام عفاف الكويت]

انا بعد ريلي يقول توه
بس ولدي تنك صدره وانا حامل

 

[زين ودلال]

انا اللي اعرفه ان القطوه مو زينه حق الحامل

 

[noo7a]

امممم
مادري والله
بس انا اشوف الاجانب
عزكم الله قطاوتهم و جلابتهم اكثر منهم بالبيت
و عادي يحملون و عندهم يهال صغار

بس لازم قبل لا تييبونها البيت تودونها البيطري يفحصها

 

[Kawaii GiяL]

لازم رملها يتغير و و بمكان بعيد عن البيبي عشان ا يلعب بالرمل و لا يلمسه مو زين
و شعرها يحت اذا فيج حساسيه او البيبي فيه حساسيه وخري عنها انا جسمي يحكني من القطاوة
​

 

[ام الحوراء زينب]

فلفوله طعموها احسن وان شاءالله ماكو الا الخير

 

[فلافل وبطاط]

الله يعطيكم العافيه يابنات
ماقصرتوا والله

وفعلا لازم ابتعد عن خروجها وما انظف او اغير
لها الا وانا ماخذه احتياطاتي...

ومودينها بيطري وفاحصينها ...

 

[هنـاتي]

اذا قطوة مدربة عدل و نظيفه عادي بس انتي ديربالج تلصقين فيها وايد وانشالله ماكو الا العافيه
شوفي صوب أذونها اذا نظيف يعني اهي فعلا نظيفه واذا وايد وصخ متيمعه هذي ينخاف فيها امراض
وراقبوها اذا شعرها يحت او لا و اذا مودينها الفحص احسن انشالله خير​

 

[ام كوشه منكووشه]

حبيبتي لا تحاتين ماكو الا العافيه

انا كان عندي قطووه وحملت الحمدالله سالت الدكتوره قالت مافي اي مضره منها بس قالت يستحسن اني ماانظف حمامها لكن ساعات كنت اضطر اني اغيره لها والحمدالله ولدت وماصار فيني اي شي ولا البيبي انضر

 

[فلافل وبطاط]

تسلمون لي ياقلبي
لا خلا ولاعدم

ماقصرتوا طمنتوني والله

 

[alhnan]

موووووووووو زيين فيها طفيلي ممكن ينتقل للام الحامل ويخترق المشيمه ويسبب تشوهات بالجنين
ابحثي يقوقل وتعرفين اكثر
اكتبي المرأه الحامل والقطط ناسيه اسم الطفيلي يمكن تراكوسوما شي جذي ناااسيته

 

[باقة ورد]

في دكتورة اعرفها مسوية رساله ماجستير عن هالموضوع وقالت ان القطاوة فيهم طفيليات ممكن انها تسبب الاجهاض للحامل ...فأأمن لج تطلعينها من بيتج

 

[ام حمد 85]

مو زين القطوه تجهض الحامل

 

[فلافل وبطاط]

انا حطيت بيتها براا شقتي عند الباب

وحاليا ريلي يعتني فيها

مشكورين بنات ماقصرتوا والله ..

 

[جديده 1]

جيري بالج مو زيييييييييييين نهاااااااااااائياااااااااااااااااااااااااااااا !!