حامل وخايفه من الاجهاض

[أُم نوني]

السلام عليكم بنات

انا قبل. اجهضت بدون سبب نزل كيس الجنين في المهبل فجأه وبدون الم والحين انا حامل وخايفه تتكرر التجربه مع ان عندي ولادات طبيعيه قبل رحت اليوم حق استشاريه ماشجعتني ع الربط وقالت بنشوف وبننطر وانا التفكير ذابحني

 

[جوزائيه مغروره]

الله يتمم عليج حبيبتي

خلج مرتاحه ولا تتحركين وايد

الربط يسوونه للاجهاضات المتكرره او حمل التوام او قصر بعنق الرحم

لا توسوسين واستودعي جنينج عند رب العالمين

 

[أُم نوني]

انا موظف واحاتي يصير شي في الدوام

 

[جوزائيه مغروره]

اخذي اجازه اذا في مجال او قدمي على مجلس طبي

 

[زينب 12]

شيلي الفكره من بالج نهائيا لان الانسان اذا فكر بشي من كثر مايفكر فيه يصير
وان شالله ماكو الا كل خير يارب .. وماعليج شر وربي يتمم عليج وعلي وعلى جميع الحوامل وربي يرزق كل محروم يارب ..

انا معاج انج تصيرين قلقه وخايفه .. بس خلي كل شي على الله وكلي امرج لرب العالمين .. والله يكتب لج كل خير يارب ..

 

[saroooonh2]

كولي مثبتات باليوم مرتين واستمري عليهم وان شاءالله مايصير الا كل خير
والله يثبته يارب ويجعله عبد صالح

 

[أُم نوني]

الله يجزاكم خير جميعاً

 

[أأأميرة الورد]

الله يتمم حملج على خيييير

اكلي مثبتات وخففي حركه وحاولي تاخذين اجازه لاربع اشهر من الحمل

 

[ملح الكون]

لا تفكرين التفكير بتعبج نفسيا وبتاثر عليج جسديا ..
استودعي جنيج الله والله الحافظ ..
والله يتمم لج على خير يارب ..

 

[# غنوجة بيبي #]

الله يثبته يا رب و الله عند حسن ظن عبده له

 

[omal7lo]

ثقي بربج ولا تحاتين اهم شي ترتاحييييين

 

[ريتاج_90]

الله يتمم للج على خير ويثبته ڵــچ يااارب
وانتتي رقي نفسج وادعي انه الله يثبته

 

[أُم نوني]

الله كريم وجزاكم الله خير