حامل وبسافر

[ÃL5jÔōlâ]

السلام عليكم و رحمة الله وبركاته



بنات عندي اسسستفسآر وابيكم تجاوبوني
انا بالشهر الثالث اقدر اسافر بالطياره

خآطرري بعممره


لا تبخلون علي بالرد

 

[ScarletteO'Hara]

سألي دكتورج احسن حبوبة
اهو اخبر بحالتج هل ينفع تسافرين و لا لأ
و لو ان رايي ان العمرة تعب ليش ما تأجلينها لي ما بعد ولادتج؟
انا يتني فرصة اني اروح العمرة و انا بالرابع بس ما حبيت اني اتعب عمري
خصوصا و اني من حملت و ظهري يعورني
انا من رايي صبري و رتبي لج روحة بعد النفاس
الله يبلغج و يبلغني بشوفة الكعبة عن قريب يا رب

 

[السحابيه]

عااااااااااادي انا لحد الشهر التاسع وانا اسافر وبالشهر مرتين رايحه وراده . مافي مشكله اهم شي يكون نبض الياهل طبيعي وتشربين سوائل وايد قبل ما تدشين الطياره .

 

[يا عيون سمي]

سالي دكتورتج

 

[ÃL5jÔōlâ]

فديتكم حبوبات

مشكورين ع الردود

 

[السحابيه]

والله انا الدكتوره بالشهر الثامن قالت لي لا تسافرين وخوفتني وسافرت ودشيت الحين التاسع والحين بنصه وراجعت دكتوره ثانيه قالت لي مافيج شي وكلشي طبيعي .

ساعات بعض الدكاتره يكونون متخوفين .

 

[وتين قلبـي]

شوفي حبيبتي حاله حامل عن حامل تفرق والسفر عااامة ماينصح فيه بالحمل خاصه الشهور الاولى فانتي مو مجبوره انج تروحيين الله يكتبلج انشاءلله النيه
والله اني بغيت امووت على روحة العمره اشوفها بالتلفزيوون وابجي فقلت ليش اسوي شي واخاف اتحسف عليه ماتدرين شيصير فيج هناك مايعرفون حتى حالتج وعسى بعيد الشر عنج

مانصحج استريحي منتي منحده ولنشالله انا وياااج بس نووولد نررح لها عسى الله يكتبها لنا*

 

[ام عبدالله زوزو]

انا بقول لا تسافرين لانك بعدك بالاشهر الاولى بعدين العمرة تعب عليكي دير بالك على حالك

 

[عبث طفله]

الشهور الاولى مو زين السفر فيها .. انا ميته ميته على العمره والله ابجي كل ما شفت الكعبه بس شسوي انا بالرابع الحين .. والصراحه العمره تعب واجهاد .. ليش الوحده تغامر بعمرها .. ان شاء الله ادا ولدتي بالسلامه روحي

لا تقولين اقعد على كرسي بالسفر تصير مفاجأت ماتدري شنو يصير معاج هناك ..

 

[السحابيه]

ليش تخوفونها ؟! انا كنت اسافر من الشهر الاول لين التاسع اذا اهي بصحه زينه والبيبي بعد مافي مشاكل بالسفر

 

[x.Lina.x]

up up up

 

[ام - وهابي]

حتى انا كنت بسافر وسالت الدكتور قالي لا ماكو سفر لي الرابع

 

[Kawaii GiяL]

حبيبتي خطر اول و اخر 3 اشهر

الرابع و الخامس و السادس اقل خطورة تقدرين تسافرين فيهم
و سألي الدكتور اللي متابعج احسن
​

 

[لحظات عابره]

والله حبيبتي أجليها ولا انج تضرين نفسج وتضرين البيبي ... انا نفسج بالثالث وجتني سفره للعمره وللبنان ورفضتها عشان ماأتعب
احنا بدون احماله والفراره تكسر الظهر فما بالج انتي وبوضعج هذا ومع الحماااال أنا أقووول اجليها خيرها بغيرها ان شالله ربي يكتبلج العمره لما الله يسهل عليج

 

[بنت اكابر]

انا حامل وسافرت بس سالت دكتوزتي قبل عن وضعي وطمنتني

بس العمرة ززحمة هالايام اجليها ورا ال 40

 

[غنوة ستايل]

للحين بالاشهر الخطره
براااي نطري

 

[خيشة شكر@]

اجليها الله يتم عليج ويا السحابيه الله يرزقج اصابيعج مو سواا كل وحده وحمالها وكل حماله تختلف عن الحماله الثانيه والله يستر
تقبلواا مني

 

[ÃL5jÔōlâ]

ما قصرتوو بنآت ع الردود

خلاص شكلي بأجلها لـِ بعد الولاده

والله يكتبها لكل حامل بخاطرها العمررره


الله يسسهل علينا الولاده




فديتكم فده فده ،،،.

 

[انجبر قلبي]

على حسب وضعج انتي شنو حاسه قادره ع السفره او لا

انا رفيجتي سافرت واهي حامل و لعبت بملاهي بعد وناططت وماشاءالله ربي حافظ جنينها

 

[ورده عنابيه]

اجليها افضل