حامل وبسافر وباخذ ولدي عمره 4 شهور وخاايفه

[rora_q8]

السلام عليكم ورحمة الله وبركاته
بنات عندي جم سوال وبليز الي تعرف ترد علي :eh_s(7):

1- انا حامل وتوني باول الثالث وبسافر عالعيد يصير ؟؟ ومنو جربت وسافرت واهيا بالثالث؟

طبعا انا ماودي اخذ ولدي معاي بس خالتي حسبي الله ونعم الوكيل وكلت امري لله الظالمه تمسك
عيال بنتها وولد حماي بس انا تحججت وقالت ماقدر وللعلم انا مو مقصره معاها
بولا شي ادويتها انا ايبلها اوديها كل مكان تبي تروحله وانا حامل بولدي اضغط على نفسي عشانها
بس مابين بعينها وبنتها قمت فيها اهيا وعيالها ناكرين الجميل بس كله عند الله ربي ياخذ حقي منها
قاعده افضفض لكم :lkmnkl::lkmnkl:

2- ولدي عمره 4 شهور باخذه معاي لان ماعندي احد يمسكه امي متوفيه وخواتي مسافرين
ضغط الطياره ماراح ياثر عليه؟؟؟؟؟​

:aha: شكرا :aha:​

 

[رضاهم جنه]

تبين رايي مو لازم تسافرين اذا مو شي قوي لاسمح الله لان حمال ومع جاهل صغير ما اظن راح تستانسين

 

[عوااار قلب]

رد : حامل وبسافر وباخذ ولدي عمره 4 شهور وخاايفه

الشهر الثالث يخوف,,وترى يمكن مايطلعونج غير لما تييبي اذن من دكتورج (لا مانع)
و كلام العضوة رضاها الجنة مية بالامية صح ,,ما راح تستانسي
نطري لمن تصيري بالخامس

 

[rora_q8]

اممممممممممممم مشكورين خواتي
الله كريم وانشالله اسمع بعد من عضوات ثانيين

 

[حـوراء]

رد : حامل وبسافر وباخذ ولدي عمره 4 شهور وخاايفه

أنا سافرت وأنا توني بالثاني وماصار شي , بس كانت فترة وجودي بالطيارة قصيرة يعني ما طولت
وأنا سألت الدكتورة قالت لي من الثالث تقل نسبة الخطر من الطيارة بس قبل لا تسافرين لازم تراجعين دكتورتج عشان تعطيج حبوب مثبت تاخذين منها جم وحدة للاحتياط بس
ومرة كنت أشوف باليوتيوب حاطين دكتورة تقول الخطر مو من الطيارة , الخطر من اللي يصير بالسفرة يعني حركة ومشي والحامل ما تلتفت لروحها تقول أنا هني أخاف على الحامل ما أخاف عليها من الطيارة

وبالنسبة حق ولدج أنا ما عندي أي فكرة لو تسألين دكتور مختص أفضل , بس أذكر لما كنت أسافر كنت أشوف أمهات ياخذون بيبياتهم معاهم ومبين أنهم صغار كلش​

 

[_Pure_]

انا احس ان السفره راح تكون متعبه عليج بزياده و مالها داعي

و بالنسبه لخالتج ترا انا امي اللي هي امي رفضت تاخذ بنتي و كان عمرها فوق السنه لان تقول حرام تخلينها و تسافرين مهما كان الياهل يبي امه و ولدج توه صغير تخلينه و تسافرين الصراحه انا ضد هالحركه وااي ما يكسر خاطرج ؟ بس انتي كيفج

 

[noo7a]

بغض النظر عن موضوع خالتج
بس انتي شلون تقدرين تسافرين و تخلين ولدج ماتاخذينه معاج واهو توه بيبي بالاشهر
اكثر فتره محتاجج فيها

 

[Om_Ksha]

الله يعين ..
ماعليه الله يسهل عليج ويوفقج ..

بس براي تسافرين بال5 .. احسن لج .. ومنها ولدج يكون اكبر .. والله يوفقج

 

[مواصله]

رد : حامل وبسافر وباخذ ولدي عمره 4 شهور وخاايفه

عادي حبيبتي سافري واستانسي قبل ماتثقلين وترتبطين بصغار ثنين

انا سافرت بأول الثالث بالطياره ولما وصلت البلده صارت تنقلاتنا بالباص لمدة 21 يوم

والصغير خلي ابوه يعاونك فيه ولاتجهدين روحك وتنسين عمرج

اذا حسيتي انك تعبتي لاتكابرين ورجعي ارتاحي وخلي تمشيكم على رواقه وكل ساعه والثانيه ريحو

ربي يسعدكم

 

[^الاسود يعبر^]

اسم الله عليخ ولدج توه ياهل وما اعتقد بتساتنسين ومعاج طفل بالاشهر والله اعلم

وبالنسبه لخالتج يمكن لانه عيال بنت وحماها عندها ماتقدر تاخذ ولدج عشان الضغط او شي والله اعلم

سافري عقب ما تولدين افضل وخلي حزتها ولدج والبيبي عند وحده من خواتج

 

[jojowa]

حبيبتي انا سافرت يالثالث عادي من تتدخلين الثالث تقددرين تسافرين مافي خطر عليج ان شاءالله بس لازم تراجعين دكتورتج قبل السفر احسن ,,,و بالدنسبه حق و لدج مافيها شي تاخذينه وياج انا ولدي كان عمره شهرين خذيته معاي ,,,وانا بالنسبه لي الياهل بالاشهر مايأذي بالسفر غير عن اليهال الي اسم الله عليهم يمشون هذيلي الي بأذون و يبيلهم مجابل و حوسه وراهم ,,,انا اقولج توكلي على الله و سافري مع ولدج و لا تحاتين و الله يهنيكم بالسفره ان شاءالله ,,,

 

[عذآب إلـ أنآ]

تبارك الرحمن عسا الله يتمم عليج بس ليش تحدين نفسج تسافرين وانتي حامل ومعاج ولد بالشهور !!
ترى كلش ماراح ترتاحين اصلا مو وناسه وشاللي حادج تسافرين الا اذا في شي ضروري