حامل واحس فيني التهاب

[امواج الكويت]

السلام عليكم


بنات انا حامل لي خمس اسابيع وتوني مسويه سونار ومطمنه عالكيس مال البيبي واليوم احس بحرقان من تحت وانا اساساً استخدم تحاميل مثبت فلما مديت ايدي احط التحميل لقيت المهبل منتفخ وظهري بدا يعورني واحس ان فيني التهاب بول تكرمون قولولي شسوي ولا تقولون روحي الطبيب موعدي الثلاثاء ومالي خلق اروح وانطر ست ساعات قولولي شنو اكل شنو اشرب وهل صحيح الروب زين للالتهاب؟

 

[امواج الكويت]

بنات اللي كانت تحس نفسي تقولي يمكن مو التهاب والله خفت وقاعده احاتي

 

[منو انت]

شنو مالي خلق اروح الطبيب من صجج لا روحي علشان يعطيج دوا وغسول

وكثري ماااااااااااااااااااااااااي ضروري

 

[hanadi-77]

ماااااااااااااااكو غير الطبيب حل بعدين الالتهاب مو زين على البيبي مدام منتفخ التهاب ولازم كريمات وعلاج ونا اتوقع الالتهاب يزيد بسرعه يعني ماينطر موعد فا احسن لج روحي لانج حااااااااامل

 

[امواج الكويت]

ان شاءالله الصبح ادق عالعياده

والحمدلله احس الانتفاخ خف حيل قعدت اشرب ماي بقلاص وبطل وشربت روب عاد العوار والحرقان راح بس كثر عندي التبول تكرمون

 

[احساس السعوديه]

مبروووووووووووووووك يادبه زعلانه عليك



ربي يتمم لك ويثبته ويبعد عنك الالتهابات

 

[ابدا يالغالي مانساك]

مبروك اولا ياقلبي بالحماااااااااااال
فررحت لج حيل يارب يقر عينج بشوفته
وبعديا شنو مالج خلق تروحي
ليتج عندي لووووووووووووووووووووول لاطقج خخخخخخخخخخ
روحي باجر وطمنينا عليج ياكريم

 

[q8helwa]

صحيح انتي فيم التهاب بالبول والدليل عوار الظهر

كثري من الماي حيييييل اشربي منه


ولازم تسووين تحاليل

لان الالتهاب سبب رئيسي للاجهاااااااااااااااض



وعسالله يثبته



لحقي علا عمرج

 

[ام سلمان]

مرحبالازم تروحين الطبيب لان الالتهابات موزينه للبيبي

 

[كتالونيه]

ابببببببببببببببببببببب

 

[" ام حمود "]

لازم تروحين الطبيب انتي حامل وموزين لها الالتهاب لازم علاج
الله يسهل عليج ومبروك ع الحمال

 

[الاحساس]

لازم تلحقين ع عمرج قبل يوصل الالتهاب للكلى ويعورج

الالتهاب خطر ع البيبي ذكرتيني بنفسي كله لما يصير فيني التهاب بول كله اتحمل وانطر الموعد مال الطبيب لما زفوني وقالولي خطر ع البيبي

انتي اول ماتروحين لها تسويلج تحليل بول وتشوف الالتهاب
وانا والدكتورة وصفتلي تحاميل تنظيف المهبل وكريم للمنطقة وغسول وحبوب مضاد للألتهاب

وقالتلي شربي عصير التوت البري

 

[سوسن1980]

البنات ماقصروا والالتهاب يضر البيبي كثري مااااي

 

[حظ من عنده انا]

كثري ششرب الماي

وماتشووفين شر

 

[جديده 1]

شربي ماي واااااااااااااااااااااااااااااااااااااااااااااااااااايد كثر ماتقدرين ..
و روحي سوي زراعه بول لاتنطرين

 

[امواج الكويت]

حياتي ما قصرتوا الحمدلله الانتفاخ راح والحين بدق عالعياده

ابد يالغالي ما انساك واحساس الله يبارك فيكم وان شاءالله تبشروني بحمالكم

 

[زين ودلال]

حبيبتي لا تحطين التحميله عن طريق المهبل

انا دكتورتي قالتلي حطيهم عن طريق الشرج افضل عشان لايصير التهابات

وانتي سالي دكتورتج

 

[امواج الكويت]

كاني بالعياده ناطره دوري
وصج زين ودلال اذا حطيت التحميله يبدا الحرقان شكلي بقوله بحطها من ورا

 

[امواج الكويت]

دخلت عالدكتوره وطلع من التحميله قالت اخذيها من ورا وعطتني كريم احطه من جدام وسوتلي مسحه والنتيجه يا يدقون علي ولا بالموعد الثلاثاء والله كريم ان شاءالله

 

[cute_batoota]

الاتهابات هذا شي عادي اصير بالحمل. اهم شي تكثرين شرب ماااي بس ترة لازم تروحين الدكتور تسوين تحليل وانتي بكرامة بول عشان يتاكد اذا تحتاجين مضاد او لا بس اهم شي لا تهملين انتي حامل والله أنا اي شي احس فيه لو عادي أطير للدكتور بعد هذي مو قشمرة هذا حمل والله يهون عليج يارب