حامل واحسس يسكاكين تقطع بطني

[shy rose]

بنات فزعتكم
انا حامل لي شهرين ..
ولي 3 أيام احس بألم قوي ببطني وظهري
رحت للمستشفى امس وسولي تحليل دم وبول وسونار على البطن
وطلع كل شي سليم..
ولاينزل مني لادم ولاماي
وعندي قبل طفلين مامريت بهالحاله ابد لما حملت فيهم ..
والله مو قادرة انام والالم على طول متواصل .. واحس زي السكاكين تقطعني .. وظهري بقوه يألمني ..
واعطتني الدكتورة موعد بعد اسبوعين ..

قرأت قرآن واستغفرت ومازلت على هالحال ..
الدكتوره تقول هذا الامر عادي .. قلت عادي وانا اتألم واصيح من الالم ..
وماني ببكر هذا ثالث حمل ..

احد مر بالحاله من قبل ..
وش تنصحوني اسوي ياخبيرات ؟

ساعات افكر ان الحمل مايتم من شدة الالم ..
ياربي خفف عني هالالم ..

 

[SHD ..]

ماتشوفين شر

 

[نونه الزعفرانه]

انا جذي و رفيجتي هم مثلي عادي
وحمل عن حمل يختلف مو شرط يكون نفس حملاتج الاوليه

الله يتمم عليج وانشالله ماكو الا العافيه *

 

[مس لوتس]

اخاف هوا اللي هو البرد حبيبتي الهوا بالبطن يسوي جذي جنه سجاجين دام مو نازل معاج شي وكل شي سليم انتي تدفي وربي يسهل عليج

 

["Om 3AzOoZ"]

ماتشوين شر وان شاءالله مافيج الا العافيه.*

 

[مشتطـه]

دام كل شي سليم ليش مايعطونج مسكن للالم اذا يصير؟

وعسى الله يتمم عليج يارب

 

[أم عزيـز]

يمكن الاربطه عندج شاده

ربي يشافيج ويعافيج

 

[ليه الجفآ]

سمله عليج ياحياتي ..

سمي برحمن ان شاءالله مافيج الا العافيه تررى الخوف والتوتر يحسسج بزياده بلالم ..

يالغاليه يمكن غازات او خشت برد قويه بظهرج

شوفي ادهني ظهرج بزيت زيتون دافي مع تدليك بسيط ... واشرربي شي ضد الغازات ماادري اي نوع

من الاعشاب يناسبج لانج حامل .. واشربي الزنجبيل حيل حلو ..

وارقي نفسج ..



الله يستر عليج​

 

[حنيت إلك]

اتوقع القولون
انا كذا اول ماجاني دايما احس كأنه سكين تقطع بطني وظهري حده يألمني
والدكاتره ماعرفوا من الاول تعبت من مستشفى لثاني وبعدين في دكتورة عرفت وبالفعل هو القولون ولي من جاني 7 سنين وهو يزيد في الحمل
المهم جوفي اذا في امساك او اسهال
وراقبي الغازات لانه نادرا ماتطلع اذا كان امساك او تطلع بزياده
وحتى ماتقدرن تتجشئين واذا صارت تحسين براحه مؤقته
اكلي اكل مسلوق بدون زيت ولا معجون طماطم ولا طماطم ولا بهارات ابدا
واذا وان شاء الله حسيتي بتحسن فهو فعلا القولون
اول ماجاني قمت ابد مااكل غير المسلوق وحتى بدون ملح...
الله يعطيك العافية.

 

[حنيت إلك]

وعلى فكة النقطة الاكل الما في القولون هي السره
اذا كانت السره عندك هي اقوى نقطه في الالم فهو القولون
وماعليك الا العافية.

 

[ام الحلوااات]

مــــــا تـــشـــــوفـــيــــن شــــــــــــر

 

[شقرا كويتيه]

ماتشوفين شر

 

[مجنونه هواهـ]

حبيبتي عادي ببدايه جي نغزات تصير لج انا وقت كانت تيني هالنغزات كن اييب ممرخه وتمسد على بطني وقالت لي يوميا حطي زيت زيتون على نار ودفيه شوي بس ودلكي بطنج باخف ما عند وتدفي

 

[Model Look]

ترا صح يمكن هوا من البرد

انا مره قعدت من النوم كنت بالشهر الثاني اقول لامي بطني بطني لحقووووني

ماقدر واتعصر عواااار موطبيعي

لما عرفنا انه هوا ماتو ضحك خواتي

وبنت خالتي بعد

يومين عوار وراحت الطبيب وقالو مافيج شي

اخر شي فيها هوا

 

[shy rose]

الله يعطيكم العافيه حبيباتي
والله مازال الالم فيني وهذا رابع يوم
جارتي تقول يمكن داخلج هواء
انا دهنت ظهري بفيكس ووقت النوم احط كمادة حااااارة على ظهري
خففت الالم
بس ماراح ربي يهونها تعبت

 

[ام ود الشمريه]

انا صار معى كذا حتى لدرجة مااقدر اقتلب على جنب ولا قدرت اروح للطبيب من شدة الالم

وهذا كله من الاملاح كثرى من شرب البيرة واهو يروح

العرفة الفكس مايناسب الحامل ومضر لها

 

[*فرحة عمري*]

حبيبتي روحي اخذي ابرة باسكوبان و خل يعطونج حبوب باسكوبان بعد ماتحسين بالالم تاخذينهم
لا تحاتين الظاهر هوي بس اخذي حبوب الغازات الي تنمص
و اخذي ابرة باسكوبان

 

[auoma]

شربي حبة حلوه تطلع الهوا وممتازه للقولون
انا بداية حملي كان يحوشني عوار ببطني ويشد

 

[ورده عنابيه]

ماتشوفين شر حبيبتي هم انا اللي اعرفه الفكس والزنجبيل موزينين للحامل

 

[tbola]

ماااااااااتشوووووفيين شر ان شاااء الله مافيج الا العافيا