حامل وابي أفطم بنتي ماني قادرة

[النورة]

بنات أنا حامل بالشهر الثاني وبنتي عمرها سنة تبارك الرحمن وترضع طبيعي
ماني قادرة افطمها تصااارخ وتهجم علي وتبجي بجي يتعبها
حاولت كل الطرق ماني قادرة
احط ليمون على حلمتي تقاومة
انخش عنها
تعبت بنتي وتعبت معاها
حييل كاسرة خاطري والله أني ابجي معاها
ولي رضعتها احس حييل تعب وعوار في بطني

منو الي مرت بتجربة او تعرف احد مر بتجربة الفطام
تفيدني وتاخذ الأجر

ولاتنسونا من الدعاء

 

[_زينه_]

ماعندي فكره


اب

 

[ام عثومي]

استغفر الله بنتج اكسرت خاطري ليش حملتي عليها بس هذا الله اللي كاتبة لج الطفل لازم يكمل رضاعة سنتين هذا مذكور بالقرآن بعدين شلون حملتي وانتي ترضعين سبحان الله

 

[أنوار الامل]

الله يعينج
والله ماعرف
فديت بنتج قطعت قلبي الله يحفظها

 

[عسل مرت قيمر]

واااي عورت قلبي حييل مسكينه


جان نطرتي عليها ليما تكمل سنتين



بس بعد هذا الي الله كاتبه


خيره لج


مادري شقول او شنو الحل


بس جربي تحطين اشياء طعمها خايس على طول على صدرج


اشوف الناس جذي يسوون


كسرت خاكري بنتج لان حاسه فيج


انا ارضع وبنتج بعمر ولدي


الله يساعدج حياتي


بس ترا كلش مو زينه عليج الرضاعه

 

[ملكه نفسي]

عادي رضعيها شدعوه

في حريم كثير نفس حالتج وكملت بالرضاعة لما ولدت

بس حاليا عوديها علي المميه ودوري لها حليب خفيف مثل حليب الام يكون خفيف

وصدقيني راح تعود خلاص. بس المسأله يبيلها صبر شوي والله معاج ان شاءالله.

 

[^بنت الدوحة^]

حبيبتي الله يعينج ويتمم عليج على خير حاولي تخفين عليها الرضاعة يعني الغي اول شئ رضعة واحدة والافضل تكون بالنهار وبعدين رضعة ثانية اساسا مو زين تفطمينها مرة واحدة لازم بالتدريج وحاولي تطلعينها وتلهينها وبعدين طبعا هي ما راح تتقبل الحليب فحاولي تحطين لها في الكوب المخصص للاطفال اللي بعمرها عصير او لبن وحاولي قد ما تقدرين انج ماتتوترين والله يسهل امورج ان شاء الله

 

[alhnan]

روحي الحواج ( العطار) قولي ابي صبره شكلها تشبه المره بس لونها غااامج
كانوا يستخدمونها الحريم قبل عشان يفطمون عليالهم
من أول مره بتنفطم
أنا جربت المره ومانفع
اللي نفع معاي من أول يوم الصبره
جربيها و بتدعيلي
تذوبينها بشويه ماي و تمسحين حلمتج فيها

 

[كويتيه مذهله 87]

ميخالف بتتعبين يومين ثلاث بس غصبيها علي المميه ويوعيها لمن تاخذ المميه بروحها من اليوم بتصارخ بتبجي تحملي لا يعورج قلبج وتعطينها صدرج مثل ما تخافين علي بنتج خافي علي الي ابطنج وااااس بنتج عورت قلبي مسكينه جان حسبتي حسابج ودخلتي من قبل الصناعي والحين بنتج عمرها سنه وكليها اكثر شبعيها علشان لا ترضع*

 

[(حكاية قلب )]

انا بنت خالتي نفس حالتج بالظبط ولدها مو راضى الا من سدرها
عاد حطت دقوس لوووووول لا تستغربين بس علي طوول هدها وصار يشرب من المرضاعة

=)

 

[عاشقة امريكا]

اب اب

 

[AVE.NJ]

عورتي قلبي
انه لما فطمت ولدي لظروف خاصه نفسج
الياهل يحن وانه اكتئبت بطريقه ماادري ليش جني خسرت شي كبير
بس راح تتعبين وبعدين ترتاحين
حاولي تكثرين الاكل واهو اسم الله عليه عود
وحاولي يشرب الحليب كله بعود

 

[منو انت]

اكيد مو زين الرضاعه على الحامل


جربي معاها تاكل

 

[عطرالكلام]

هلا اختي
عندج في الصيدليه مثل المناكير طعمة مررررررررررررررررررر
حطي منه شوي على صدرج

 

[Al-loly]

بنات انا نفس حالتج انا حامل وابي افطمه عمرها سنه ونص واهيه متعوده على الرضعه العاديه المميه بس مشكلتي بليل وقت ما تنام ما ادري تعبت

 

[@ام يوسف@]

اااب

 

[&تعب قلبي&]

حبيبتي
حطي فلفل اسود مطحون بللي حلمه ثم لزقي عليه فلفل مطحون
اول مايشوفه بتلوع جبده بعدين بجرب يمصه بحرقه
وينحااااااش
بعدين تصيرين انتي اذا طلعتي صدرج هو اللي بينحاااااااش منج وبيكرهه???
وحده بوحده
وحطي
روب عندج لانه لامصه بيحرقه عشان تبرين عليه

 

[النورة]

بنات حبيباتي مشكوووورين وااايد وسوري اذا عورت قلبكم دليل على صدق مشاعركم والله
وخاااصة الي ترضع
لأن سبحان الله في الرضاعة الطبيعية في علاقة خاااصة الام مع طفلها
والفطم صعب صعب عالطرفين الصراحة

الحمل صار وماكنت مخططة له أبداً لكن قسمة ونصيب تبارك الرحمن ولله الحمد والمنه
الحمدلله انه بنتي عمرها سنة وشهر مو أقل
هذا الي مريحني انها خذت حاجتها الاساسية من الحليب
لكن أهي حيييل متعلقة ورااافضة الممية تحذفها
أحاول أوكلها اشبعها
أشربها شوية حليب بالموز او الكاكاو اعوضها لأن أهي كارهة الصناعي جربت نيدو وبروجرس
الحيل بس خليت الرضاعة الطبيعية بوقت النوم
بس والله متعبة طول الليل ترضع ومايشبعها لان حليب الام حييل يخف مع الحمل
حاولت ارضعها ممية يوم قامت بليل
عرفت انه صناعي وقامت تصارخ وتسكر بعد
فرديت ارضعها طبيعي مرة ثانية

بحاول اجرب الصبرة من عند الحواي بس متخوفة من ردة فعلها مادري شلون بتنام
يالله تسهل
مشكوورين حبيباتي مشاركتكم معاي جداً مقدرة
ربي يسهل أموري واموركم ويبشرنا وياكم الرحمن. بما يسرني ويسركم
شكراً

الحمدلله الحين في تقدم
قللت الرضعة خ

 

[نونو توتو]

حبيبتي انا مجربه حملت وبنتي عمرها 11 شهر ومسكينه ماكنت اعرف وهي كل تعبانه ومغص وعرفت انه من الحليب لاني حامل
اول شي مب حل انج تحطي شي ولا تنخشي عنها انا اول شي قللت الرضاعه بس لما تنام العصر ولما تنام بالليل وغير كذا على طول اطلعها تلعب واشغلها واذا صحت من النوم اعطيها ماي واذا مارجعت تنام ارضعها وبعد كم يوم صرت احاول فيها تشرب الحليب العلب بالمزاز لانه مابغت الرضاعه يعني جربي الحليب او الرضاعه بعدها صرت احاول انيمها العصر بدون رضاعه يعني اطلعها حوش البيت بالدراجه حقتها والف فيها لين تنام او اركبها السياره ونلف فيها انا وابوها وعلى هالحال لين ماقطعت الرضاعه طبعا طول الوقت تسوي مناحه وصياح ويعورني قلبي بس من مصلحتها خصوصا انه هرمونات الحمل تخلي البنت تبلغ بدري اهم شي انها لما تجلس من نومها تكوني مجهزه لها ماي جنبج وتشربيها وبتشوفيها ترجع تنام

حاولي تاكليها رز بالليل علشان يثقل عليها وتنام تطول في نومها