حامل وأخوانج أو عيالج فيهم بوشنيتر (العنقز)!!!!!

[ألماسهABM]

السلام عليكم ،،

منو كانت حامل واللي حواليها صار فيهم بوشنيتر (العنقز)؟؟؟؟؟ وتم حملها على خير !

الله يوفق اللي مجربه و ترد علي ،،،

لأني بالثالث وولدي اليوم بين عليه بوشنيتر وولدي هذا بالذات حبيبي مايفارقني ( صعبه يبعد عني )

باجر بروح للصحه الوقائيه إنشاءالله

بس مادري أحس إنهم بيقولون بعدي عنه !

عفيه اللي صار معاها هالشي وتم حمالها والبيبي سليم تطمني :yaaaaaarb:

ناطــــرتـــكـم :eh_s(21)::eh_s(21)::eh_s(21):​

 

[الصعيريه]

رد : حامل وأخوانج أو عيالج فيهم بوشنيتر (العنقز)!!!!!

مامريت بهالشي

بس اللي سمعته إنه موزين والاحسن تخلينه بعيد عنج
وهالشي صعب بما إنه متعلق فيج
روحي للصحه الوقائيه وشوفي شيقولون
والله يتمم عليج

 

[نرجس 85]

رد : حامل وأخوانج أو عيالج فيهم بوشنيتر (العنقز)!!!!!

اللي اعرفه ان مو زين وخاصه انج توج باول الاشهر
سالي احسن حبيبتي

 

[LiL MaMa]

رد : حامل وأخوانج أو عيالج فيهم بوشنيتر (العنقز)!!!!!

موزين بالاشهر الاولى
بس روحي الطبيب احسن

 

[كويتيه مذهله 87]

صج صعيه
عاد رفيجتي معاي بالمكتب ولدها صار فيه وهي حامل وقالها الدكتور لا يقرب صوبج
بس هي حامل بالخامس

انتي حاولي تودينه عند امج اختج خالتج او حماتج
فتره بس وتحملي حياتي ميخالف ادري صعبه
حتي لو عادي بس الاحتياط واجب
,,,

 

[ألماسهABM]

الصعيريه حبيبتي مشكوره على مرورج وآنا ناويه باجر أروح للصحه الوقائيه

بس خاااايفه وأحاتي وولدي صعبه حييييل يفارقني .

نرجس مشكوره عالمرور ....

آنا الحمدلله مؤمنه باللي الله كاتبه لي بس غصب عني خااااايفه ،،،

عفيه اللي مرت عليها حاله مثل حالتي ترد تطمنني وبدعيلها بكل خير بهالأيام المباركه .

 

[الصعيريه]

رد : حامل وأخوانج أو عيالج فيهم بوشنيتر (العنقز)!!!!!

ياحيااتي
إنتي الحين اي شهر..؟

اذا طفتي الشهر ال3 يمكن يعطونج مضادات ولا أي شي

 

[ألماسهABM]

LiL MaMa مشكووووره عالمرور ،،

كويتيه مذهله ، مشكوره عالمرور ، والله العظيم صعبه يفارقني حتى بزواراتي دايم معاي ،

وأهلي وخالتي ماراح يقصرون بس هم عندهم عيال بمدارس

والحين وقت امتحانات والناس مايبون ولدي يعادي عيالهم بهالفتره

خصوصا العيد بعد أيام .... اهي اهي اهي

الله يستر .

 

[جـــواهر]

شوفي دام انه المرض فيه من البدايه تلاحقي وروحي الصحه
لان بوشنيتر معروف الخطوره فيه بايامه الاخيره يكون خطر وينتشر ويعدي
وانتي توج بالثالث .. ديري بالج .. واخذي حمض الفوليك لاتنسين
انا اذكر لمن جاني بثانيه ثانوي كانت ابلتنا حامل .. وكنت اجي لعندها عشان تمتحني
وتفهمني خخخخخخخخخخ كانت تغطي خشمها وحلجها خخخخخخخخخخخخخخخ

 

[ألماسهABM]

الصعيريه ،،،

الحين آنا بداية الثالث !

 

[hneen2]

حبيبتي ابي اطمنج انا بنتي الاولي صار بعيالي 3 وقاعدين بحضني وانا حامل بالشهر الثالث لووول والله اني كنت احطلهم الدوا الابيض بايدي وهم اخر حمله لي هالمره صار ببنتي وولدي الصغار ولما سالت دكتورتي د.ناهده العلي قالتلي انتي صار فيج وانتي صغيره قتلها اي قالتلي عيل مااااااااافي اي خطوره وكاهم بناتي الاثنين يهبلون فديتهم مافيهم الا العافيه لاتحاتين حبيبتي ان شالله خير

 

[الصعيريه]

رد : حامل وأخوانج أو عيالج فيهم بوشنيتر (العنقز)!!!!!

الحمدالله كلام حنين يطمن

والله يتمم لج على خير ياقلبي ولاتحااتين

 

[ألماسهABM]

حبيبتي ابي اطمنج انا بنتي الاولي صار بعيالي 3 وقاعدين بحضني وانا حامل بالشهر الثالث لووول والله اني كنت احطلهم الدوا الابيض بايدي وهم اخر حمله لي هالمره صار ببنتي وولدي الصغار ولما سالت دكتورتي د.ناهده العلي قالتلي انتي صار فيج وانتي صغيره قتلها اي قالتلي عيل مااااااااافي اي خطوره وكاهم بناتي الاثنين يهبلون فديتهم مافيهم الا العافيه لاتحاتين حبيبتي ان شالله خير

بعد عمري حنين :hjy5jewf:

عسى الله يخليلج عيالج وتفرحين فيهم يارب

طمنتيني الله يجزاج خير ويعطيج الصحه والعافيه

ألف شكر على مرورج يالغاليه :eh_s(7)::eh_s(7)::eh_s(7):

آنا الحمدلله جاني لما كنت بالمتوسط بعد :eh_s(6):​

 

[ألماسهABM]

شوفي دام انه المرض فيه من البدايه تلاحقي وروحي الصحه
لان بوشنيتر معروف الخطوره فيه بايامه الاخيره يكون خطر وينتشر ويعدي
وانتي توج بالثالث .. ديري بالج .. واخذي حمض الفوليك لاتنسين
انا اذكر لمن جاني بثانيه ثانوي كانت ابلتنا حامل .. وكنت اجي لعندها عشان تمتحني
وتفهمني خخخخخخخخخخ كانت تغطي خشمها وحلجها خخخخخخخخخخخخخخخ

ولدي جتله حراره قبل اسبوع واليوم بينت عليه الحبوب ،

والدكتور قال : مدته اسبوعين بدايته حراره بعدها يبقع الجسم

وبعدين إحتمال يعادي اللي حواليه وهذا اللي أكيد راح يصير والله يستر ،،،

والحمدلله قاعده آخذ الفوليك أسيد بانتظام ​

.

 

[*الجادل*]

اهو بشكل عام اذا صاب شخص واهو كبير مو زين فما بالج وانتي حامل

ديري بالج وانتي توج بالاشهر الاولى ... ومعروف اذا صاب الكبير ترتفع الحراره معاه حيل

وحامل الحراره تضرر الجنين


ودي ولدج لأمج ... الين يروح عنه

انتبهي... على نفسج


معلومه عامه سمعتها من جواد الراشد ... (تحنين رجل الطفل عشان ماتطلع الحبوب في عينه ... لأن يقول في حالات منه سببت تلف لعيون الاطفال)

 

[*الجادل*]

الماااسه توني انتبه انه جالج وانتي صغيره

خلاص اهو يجي مره مايتكرر مرتين

يعني لاتخافين

 

[ألماسهABM]

الجادل حبيبتي مشكوره عالمرور 

----------------------------------

بنات رحت اليوم للصحه الوقائيه وقال الدكتور دام إنه جاج وانتي صغيره قل الخطر

لكن لازم تبتعدين عن عيالج وتسوين تحاليل نتأكد إن البيبي مافيه شي

وبصراحه أحس إن الدكتور ماعنده سالفه وماراح ابعد عن عيالي وماراح اسوي تحاليل الحافظ الله

بعد كلام حنين ماتصدقون شكثر ارتحت الله يجزاها خير وين ماراحت يارب

-----------------------------------------

اللي مار عليها مثل حالتي عفيه لاتبخل علي بالتجربه
*

 

[ألماسهABM]

Up

Up

Up

 

[*ريما*]

رد : حامل وأخوانج أو عيالج فيهم بوشنيتر (العنقز)!!!!!

رفع

 

[غلاي غير]

الله يتمم عليج بكل خير يارب

لاتحاتين انا صار بعيالي وانا لي 3 شهور ولا كنت مسافره ومحد عندي احطهم عنده وكاسرين خاطري
والمشكله ماكان فيهم شي بس وحده بالطياره بنتها فيها بمرحلته الاخير وعادت عيالي
وخوفوني الدكاتره
بس توكلت على الله ولما رديت رحت سيده لدكتورتي وقالت مدام صار فيج وانتي قبل لاتحملين عادي

والحمد الله الفال لج ولدت والبيبي مافيه الا كل خير وصحه