حامل للمره الأولى وخايفه

[a5tal7zn]

السلام عليكم بنات
انا توني متزوجه وحامل وحيل خايفه من الحمل والولاده ونفسيتي حيل تعبانه من الخوف خايفه حيل من الولاده وانا بالاساس عندي رعب من الطبيب وماروح للمستشفسات من كثر الخوف

 

[مناوووي]

وعليكم ٱڵـښڵـٱمـ ۆڑحـمـة ٱڵـڵـه
الله يتمم عليج ومبروووووك
ليش الخوف لازم تتعودين المره من تتزوج خلاص معرضه للمستشفيات ويصير الوضع طبيعي عندها
كثري استغفار وكثري دعاء ان ربي يسهل عليج الحمال ويتمه ويسهل عليج الولاده
الله معاج لاتحاتين

 

[q8helwa]

لاعادي حبيبتي هاذي ضريبه الامومة
والوحده من تحمل تهيأ نفسها للطبيب
والعوار شي طبيعي بتحسين فيه
بس انتي اذكري ربج وصلي وادعي
والله يهون عليج
كلنا نفسج وكنا نخاف
انا بجري من دشيت التاسع النوم ماعرفه
ساعتين واقوم

والحمدالله ربي هونها علي لاني ادعي الله واستغفر

 

[اخت خالتهم]

الخـوف لازمـ
انا اول حمل قبل لا اجهض اول ما حللت بجيت وخفت
و لما طاح البيبي بجيت عليهـ


ان شاءالله لما تشوفين البيبي يتحركـ بالسونـار بتنسين كل هالخوف

 

[ام يوسف السعد]

حبيبتي لاتخاافين كلها جم ساعة وتكونين مستانسة وتنسين كل شى

 

[# غنوجة بيبي #]

مبرووووووووووووك


يا رب ترزقنا مثل ما رزقكم


ذكرتوني باللي اجهضته

كان كبير اخر الثالث و متكون خالص
واااااي قلبي يعورني

 

[virgo88]

الله يتمم عليج ويطمن قلبج

 

[latkt7as]

اقولها لج باختصار

الولاده تعب منسي


ولا ماتشوفين الحريم

يجيبون ثنين وثلاث ..... عشر

السهاله من ربج

بس عودي نفسج تقرين سوره يس والملك ومريم

مع ادعيه للحمل والولاده

وربي بيسهلها عليج


الله يهون عليج ويفرحج فيه

تقبلي مروري

 

[a5tal7zn]

مشكورات خواتي ع ردودكم الطيبه

 

[ام الحلوااات]

اللـــه يــتــمــم ويــــســهــل عــلــيــج

 

[امـ خــزامـى]

مبروك ياقلبي

الله يتممم عليك وسهاله حبيبتي
اذا شفتيه بالسونار يتحرك وكبر بطنك
سعاده لاتوصف
قولي امين ربي يرزق كل محرومه وتحس بشعور الامومه
ويفرح قلبهم بضناهم

 

[a5tal7zn]

أب أب أب

 

[أنفاسي دخون]

سهالات ان شاء الله عسى ربي يتمم لش على خير وتشيلينه بين ايدينش والتعب منسي وانا اختش

 

[دلال و غلا]

مبروك / الله يتمم عليج

تعب الحمال و الولاده منسي و الامومه احلا شي بالدنيا نحمد الله عليها

 

[-تكفيني الذكرى-]

كذا وحدة اعرفها مثلك

 

[ككوته]

الف مبروك حبيبتي وبالعكس لاتخافين ولا تحاتين ترى مرحله الحمل تجربه وايد حلوه خصوصا لمن ترتفع نساتج وتحسين بحركه البيبي ولمن تسوين سونار وتشوفينه بداخلج سبحان الله هذي عاطفه الامومه ... واما عن الطبيب لاتخافين بالعكس كلنا نمرض ويحوشنا عوار ونروح الطبيب والحمدالله مافينا الا العافيه انتي بس احتسبي الاجر بكل شي