حامل ........ شسوي مع زوجي ؟!

[GofiSho]

السلام عليكم ..

كيف حالكم ببنآت ؟ إن شاء الله كلكم بخير

اليوم جآ في بالي موضوع حبيت أفيدكم فيه و ممكن أيضا أنتوا تفيدوني فيه بردودكم ..
من بعد ماشفت جهل بعض اللي حوالي فيه . .


للأسف مع التطور اللي صاير و الثقافة الجنسية اللي ماشاء الله منتشرة و صايرة في متناول يد الكل
من صغير لين كبير
و من أعزب لين متزوج


لآزال هناك جهل في بعض الامور اللي ممكن نقول عنها أنها أساسية و البعض للاسف من الرجال وو ممكن من النساء يراها غير مهمة ..
اللي هو ...........

الحمل و الجنس
..

من كم يوم أسولف مع صاحبتي , أختها ولدانة و مسوين حفله . رحنا ..
تسولف الولدانة تقول زوجها خلال التسسسسسع شهور كاملة من حملت زوجها ماقرب يمها أبد !!
خايفين على الجنين و على الحامل و طبعا هي بكر !! :eh_s(4):

و لما راحت الطبيب بتولد .. الدكتورة عصبت عليها !!!
تقول لها إن مكان الولادة عندها مسكر . كأنها بنت !!!
و لما قالت لها السالفة , الدكتورة عصبت , تقول لها ان الجنس اثناء الحمل مرررة مفيد للحامل ولا عاد تكررينها !!

:eh_s(11):

إن شاء الله يكون كلامي مفيد للعرايس اللي توهم و للجميع بعد ..

الانسان هو المخلوق الوحيد اللي يمارس الجنس مع النساء و هي حامل .. لان الجنس عنده ايضا متعة مو بس حمل و اطفال !!

لكن الحمل ممكن أنه يعطل الجنس في الحياة الزوجية سواء من الرجل او المرأة
ممكن هو يرفض و ممكن هي ترفض
..

فيه ناس كثير عندهم معتقدات..

إن شكل المرة الحامل يسد نفس الرجل جنسيا .. و طبعا هالنظرية الرجال متفقين عليها كثير :eh_s(14):

و هناك من يعتقد ان الجنس يؤذي الطفل و هالنظرية من الجنسين متفقين عليها ..
للاسف :eh_s(4):

منهم من يقول ان ممكن يضر الجنين و منهم يقول ان السائل يخنق الجنينن إلخ ..

بالرغم من ان فيه دراسات علمية ان السائئل فيه مواد مغذية للجنين و مفيدة له .

*****

للاسف كثير من الرجال مايراعون ولا يفهمون معاناة المرأة وقت الحمل ..
لان ماعندهم ثقافة و لا علم بهالشيء ..


فيه رجال تقول يوم تحمل المرأة مستحيل اقرب صوبها لان شكلها يصير بشع

و هناك من الحريم للاسف ما تقدر تتعامل مع تغييرات جسمها اثناء الحمل
و تنصدم من شكلها و تظل حزنانة و غير انها صارت ام ! ككأنها حامله هم !

..

جزء من الرجال ينثار لزوجته جنسيا و هي حامل لان اللي في بطنها يحسسه انه رجال
و انه ابو و عنده مسؤولية
لاشعوريا طبعا
و هاذي نقطة يا بنات خلوها من صوبكم
و هم بعد تخلي الرجال يحس بالسعاادة
:eh_s(9):

و على حسب انتِ و حكمتك تخلين الزوج يحب هالفترة و ممكن لا ..
يعني قصدي مع تكرار الحمل

البنت اللي عرفت تتعامل مع الموضوع و بحكمة .. ممكن زوجها يصير عنده خبره أكثر و حرية أكثر و يحب الامر . .
حتى تلقون بعض الرجال حتى بعد سنين و عيالهم كبار تلقينه يقول لزوجته اشتقت اشوفك حاامل !! :eh_s(22)::ggdw:

و البنت اللي ماعرفت للموضوع و ماتصرفت معاه عدل .. تلقون زوجها يكره هالفترة و من يسمع ان زوجته حامل .. يقوول ياللله رديناااا للموضوع مرة ثانية و ممكن تشوفون أكثر حملها مخليها في بيت أهلها او يستغل هالفرصة بالسفر :eh_s(16):

**

فـ قبل الحمل و اثناء الحمل و بعد الحمل

لازم تتعاملون مع الموضوع بحكمة و حذر أكثر
لازم زوجك يعرف أنه قبل الحمل يتعامل مع شخص واحد و بعد الحمل و أُثنائه يتعامل مع شخصين

..

خليه هالفترة تكون من أجمل فتراتت حياتكم

الله يوفقكم يا بنات و يرزقكم الذرية الصالحة و يسخر لكم ازواجكم

و اللي أستفادت من الموضوع أمانة .. ماتنساني من الدعاء

:eh_s(17):​

 

[بتبوتااا]

 

[الجوهرا]

صح في بعصهم فيهم جهل والله رفيجتي اتقول زوجها يحب اكثر لما تكون حامل

 

[لمى الهاجري]

اول مرة اسمع هالمعلومة

 

[ريما الهاجري]

الجماااااااااع بدايت الحمل موزين لاني انا اجهضت بسبته واختي الحيوانات المنويا اهي الي تفتح الرحم سبحان االله يعني لو يجامعها عادي بس لاينزله داخل المرا لانها تفتح الرحم وهذا كلام دكتور لي اتمنا اني افدتكمممممممم وادعولي براحة البال وربي ينصرني علي ظلمني

 

[^SamBateeKa^]

انا كنت بالتاسع والجماع سوالي ولاده مبكره باول اسبوع من التاسع وبنتي كان حجمها صغير بنفس اللحظه اللي صار فيها قمت ولاينبط ماي البيبي وعلا طول دخلت الولاده

 

[أبلة فاتن]

استغفرالله ياربي

 

[ماركة انثى‘]

صـــــــآجــــــةة

 

[مدمنــــة قهــــوة]

أول شي >> ببداية الحمل كثرة الجماع مو زينة .. يعني مرة بالاسبوع ومن تعدي الخامس يغدى شرها ان شالله ,, عاد مو كل يوم لا يعني مرتين بالاسبوع ثلاث ومو بعنف ..

ثانيا >> شلون حامل و بكر حتى لو مايقرب لها طول فترة حمالها .. تسكر !!

ثالثا >> الجماع بالشهر الاخير زين بس مو ببداية التاسع لا .. يعجل بالولادة ..

والله يوفقها يارب

 

[Gifts&Occaions]

مشكوورة

 

[BubbLe87]

الجماع طول الحمل مافيه خطر الا اذا كان في نزيف او التهاب او شي جذي

 

[حلاه الكون]

صح كلامج

 

[مناير ...!]

بالتاسع وقت الولاده الجماع زين ويسرع الولاده

 

[سكوتي بذوقي]

صح كلامك بس في بداية الحمل يكون ممنوع

لحد مايثبت الحمل يعني أول 3 شهور بس

يعطيكِ العافيه اختي

 

[Q 8 Y A t]

الاشهر الاولى اذا في دم
تترك الجماع



وفي معلومات الحمدلله استفدتها من الموضوع

 

[Q 8 Y A t]

وترى السائل يغذي الجنين

 

[دآنة آلرشآيده]

اهو بالاشهر الولى مو زين كثرته بس باخر الاشهر يسهل الولاده
انا اكره الجمااااع بالحمل هواش ههههههه

 

[سارة ة]

اااب

 

[عنووشه]

الجماع عاادي طول فترت الحمل بس اذا لج اجهاضات من قبل او نازل عليج دم مووزين تخففين اول جم شهر بعدين عاادي

 

[ناتشوو]

شوفي كفكرة موضوعج
صحيح
غلط الوحدة تنقطع عن زوجها لي حملت
خاصة اذا غشيم وصدق انه يضر الجنين
الا اذا في محاذير طبيه عالحمل
لا و حتى النفاس متى ما صحصحت خل تعامله مثل الدورة
لا للانقطاع الكلي
بس في جزيئات غلط
سالفة الدكتورة المعصبة
اشهالدكتورة اللي مالها خلق
اصلا في حريم ولاداتهم الثالثة والرابعه توصل التاسع ولا ينفتح الرحم
ولا سم
رغم انهم مستمرين بعلاقتهم مع ازواجهم
الوحدة بالتاسع تجيها الولادة اي لحظة
فالوحدة لي صار جماع وعقبه ولادة تتوقع انه بسبته مع انه مو شرط
كذلك الخروع والمشي
كلها شغلات ممكن ممكن تساعد بس مو قاعدة ولا ثابتة
والتعميم غلط
انا ماعمري شفت او سمعت الازواج مايحبون زوجاتهم بالحمال او مايحسونهم مثيرات
فعلى اي اساس قلت في اجماع ع هالنظرة؟
بس فعلا الحمل مو مرض
استمتعي دام وضعج الصحي زين
وماأأيد البعض لما يقولون مااصبغ ولا اقص ولا اغير بشكلي ولا بغرفتي ليما اولد
استانسي وغيري ولاحقة خير انشالله
وشكرا عالموضوع