حامل خارج الرحم يستمر حملي؟؟؟

[سراااب]

طاف موعد دورتي 18 يوم وما حللت ولا اهتميت لين نزل دم بالأول علي بالي الدوره
وكانت متقطعة وشوفها طولت اكثر من عشر ايام وما نظفت دقيت علي دكتورتي لقيتها مسافره اسبوع وبعدها نظفت خمس ايم ورجع نزول الدم الاسود وانتو بكرامه
قلت لازم اروح اراجع اخذت موعد عند دكتورتي نداء بو خضور
قبل كانت تهتم بمرضاها الحين من الزحمة اللي عنده بحياة رويال تخليج تنطرين لين تزهقين
ولما تدخل بسرعه بسرعه تتكلم وتخليج الله يسامحها معني احبها وايد اسلوبها حلووو
قالت بالفحص عندج كيس دم وكتبت وصفه حبوب تنزل الدم وقالت خلينا نشوف قبل لا تاخذين الحبوب يمكن حامل لا مو باين عندي شفتها متردده قالت يمكن خارج الرحم بس لا تطلعين لين تسوين التحليل وندق عليج . قلت اوكي
حللت ورحت البيت نطرت ساعتين يدقون ماكو احد معبر لين دقيت انا عليهم وانصدمت عرفت اني حااااااااااااااااااااااااااااااااااااااااامل؟
دقيت علي الدكتوره وكلمتها وما اذكرتني الا غصب قتلها شنو الحل قالت سوي تحليل هرموني وبعد 48 ساعه سوي الثاني وتعالي اشوف انشالله خير عدد الهرمونات.

والحين ناطره اسوي التحليل الثاني ادعولي :yaaaaaarb:وقولولي شسوي؟؟؟؟؟؟؟؟؟؟؟؟؟؟؟؟؟؟؟؟؟

 

[توكلت على الله 22]

اوكي يعني مابين اذا خارج الرحم اولااا

ان شااء الله انج حامل طبيعي ومو خارج الرحم يمكن حملتي متاخر
لكن اذا خارج الرحم ما اعتقد يستمر لازم ينزل

 

[سراااب]

مشكورة كويتيه ماسيه
اظن ان الدكتوره مو مأكده علشان جذي طلبت التحليل الهرموني
بس شسالفه العوار ونزول الدم هذا يخليني اشك ان خارج الرحم!
بس
الله كريم والله يرزقنا ويرزقكم بالذريه الصالحة
و لا اعتراض علي حكمه رب العالمين

 

[الأميرة جوري]

ان شاء الله موخارج الرحم لان ماينزل الا بمنظار ولاتخلين نفسج سوي سونار وتاكدي واذا بطانه الرحم متينه معناها داخل الرحم

 

[ام ساره 4]

الله يطمن قلبج إن شاء الله ويكون الحمل داخل الرحم

 

[سراااب]

مشكوره (الأميرة الجوري ) بشوف بعد يومين انطر التحليل الهرموني وبعدين اشوف بالسونار

مشكوره( ام سارة4) الله يطمن قلبج انشالله ويخليلج ساره يارب

مشكورين علي الردود وانكم ما خليتوني بروحي احاتي
عقب باجر بكتب شصير معاي وانشالله محد يصير فيه مثلي.

 

[أم ملاس]

ان شاء الله ماكوو الا العافيه وتطلعين حامل

ليش حطيتي في بالج انه خارج الرحم ...اللي ذكرتيه من اعراض الحمل خارج الرحم ..او من الخووف حطيتي في بالج ..انا والله مااعرف اعراضه

كثري الاستغفار والله يطمنج ..وطمنينا عليج

 

[tbola]

الله يثبته لج ياربي

 

[miss.bee]

حبيبتي اذا حمل خارج الرحم لازم ماتنطرين لان احتمال باي لحظه يسير انفجار بالانبوب روحي اي دكتوره ثانيه مايكون عليها زحمه

واعراض خارج الرحم تحسين بعوار بمبايضج ونغزات ماتقدرين تقعدين من العوار يعني العوار حيل قوي يكون مرة ولد خالتي حملت مسكينه ماكانتت تقدر تقعد من العوار وبنفس الوقت سولها منضار نضفولها الانبوب

 

[ام محمد***]

الله ييسر امرج
ويطمن قلبج

اذا خارج الرحم خطر عليج ...

ان شاء الله
يكون حمل عادي وتعب بسيط
ويثبت
حملج

 

[Q 8 Y A t]

حبيبتي مثل ما قالوا البنات روحي لدكتورة ثانية
لانه حمل خارج الرحم مشكلة اشوي

ضروري ما تنطرين روحي لدكتورة ثانية اقلها اقلها روحي طواريء مستشفى الامومة

ان شاء الله مستوصفكم اذا فيه نساء وولادة

 

[حظ من عنده انا]

ديري بالج


ترا حمل خارج الرحم اذاتعدا الشهور الاولى اسسم الله عليج وعلينا يشيلون المبيض يصير بس عندج مبيض واحد


3 اعرفهم اهملوا نفسهم لين وصلو اللي لشهر السابه انفجر المبيض عندها وشالوه

والثانيات نفسها


وكله من الدكتوره كانت تعطيهم مثبتات حسبي الله على بعض الدكاتره مايخافون الله همهم الفلوس

 

[&هند&]

ان شاء الله يكون حمل سليم وعادي شكثر حريم ينزل عليهم دم وقطع ويطلع الحمل سليم والدم والقطع تكون كيس دم ونزل ويتم حملهم تسع شهور ،،،،

 

[Um Ritaj]

روحي لدكاترة الهادي وعندج الدكتور عصام عندهم حيل ممتاز بالكشف

واذا لا قدر الله وطلع حمل خارج الرحم لا تنطرين يوم زياده لان الحمل خارج الرحم يعني حمل صار في قناة فالوب

وهالقناة حييييييييل دقيقه وضعيفه فتخيلي اذا كبرت البيضه الملقحه داخل هذي القناة شبيصير؟؟؟ لا قدر الله يصير انفجار في قناة فالوب وهذا خطر علي صحتج

انا ما اقولج عشان اخرعج لا انا اوضحلج شنو معناة حمل خارج رحم وعشان جذي الدكاتره ما ينطرون علي الام اذا صار عندها حمل خارج الحمل

فنصيحتي روحي لاستشاري في الهادي وشوفي شنو بيقولج وطمنينا

الله يقومج بالسلامه ويحفظج

 

[دلوعة كويتيات]

باسرع وقت الحين روحي كشفي اذا خارج الرحم خطير لازم ينزلون الحمل
لاتسكتين عن روحج طمنينا عنج

 

[ام الحلوااات]

اللــــــــه يــــطــــمـــــن قـــلــــبـــــج

 

[سراااب]

مشكورين علي اهتمامكم فيني بس صج انا خايفه ...................
اليوم موعد التحليل الثاني الهرموني علي ساعه 8 مساء والله كريم .
وبروح اشوف عند دكتوره ثانية معني زوجي مو حاب يوديني اكثر من دكتوره يقول خلينا علي دكتورتج والله كريم
بس بشوف شصير معاي ؟
وانشالله كل وحده شاركت بموضوعي
بدعيلها بالستر والعافيه ويرزقكم الذرية الصالحة

 

[سراااب]

برد علشان خاطر االلي ردودكم وطمانكم معني للحين الحال ما يطمن
امس كان موعدي عند دكتورتي الله يسلمها نداء بوخضور ومعاي تحليل الهرموني اللي طلبته مني خلال 48 ساعه
وكنت من الساعه 4 العصر عندها اول وحده والمفروض ادخل اول وحده المهم نطرت لي الخمس ودخلت وخلتني انطرها ربع ساعه داخل علشان بنت فلان من ال وصلت ودخلتها قبلي وانا قاعده انطر وانا داخل اشتكت وحده من المريضات علشان انا دخلت وهم كانت من بنت الفلان ماشاالله الحين بهزمن صارت التفرقه يمشون علي حسب اسم العايله وتشوفين حتي الممرضات خابين نفسهم علشان انها بنت فلان الفلان يا حسرتي انا قاعده وناطرة وشوف...............
المهم !!!!!!!!!!!!!!!!!!!!!
والمصيبة!!!!!!!!!!!!!!!!!!!!!

دخلت الدكتورة الله يسامحها معاها دكتورة ثانيه من فريق العمل علي قولتها تشرح لها حالتي وشافت اوراقي
وقالت اعتبري نفسج مو حامل ولازم تعيدين تحليل الهرموني للحمل بعد يومين وتعالي موعد يوم الاحد الصبح بس مو لي طبعا تابع حالتج الدكتوره الثانيه وقتلها والحل بكيس اللي شفتيه خارج الرحم تقول مو عارفه سبب؟ بس إذا حسيتي بعوار ولا اي شي خطير تعالي الطوارئ طلبيني ولا دكتوره الثانية والله كريم.
طلعت من عنده بدون نتيجه ولا ادويه ولا حل غيلر اني انطر شصير معاي.

قررت ما اروح حق هالدكتوره لانها مو نفس قبل وما تهتم الا حق بنات العوايل علي قولتهم احنا الفقاره مو بنات عوايل لنا الله
معني ندفع مثل ما يدفعون علي انفسنا العيب مو عايله فلان ولا فلان العيب بالتفرقه العنصريه اللي وصلنا لها .


انا تعبانه نفسيا صج ومو عارفه شسوي وبرح اليوم طيبه حق اي دكتورة وعلي الله.


وماتشوفون شر انشاالله

 

[ربيع_الروح]

شلون تعطيج حبوب تنزل إذا أصلا اهيا مو متأكده إنج حامل ولا لأ
وإنتي من نفسج تقولين انها بسرعه بسرعه كشفت عليج وما عطتج وقتج ولا فهمتج شي


روحي عند دكتورة تعطيج حقج بالوقت
بصراحه انا امدحلج دكتورة دلال السالم وايد صبورة وحنونه
مهما كانت العياده زحمه تعطيج وقتج الكافي بالسؤال
وتشرحلج كل شي
وهالشي أقوله لج عن تجربة بشهادة كل وحده مجربتها

بعدين إذا حمل خارج الرحم لازن تتعامل معاه الدكتورة بسرعه قبل ما يكبر
واتابعه لج بالسونار لأن إذا ما نزل بروحه لازم ينزلونه