حامل جفاف جسمي شنو استخدم اخاف من الكريمات مضره

[قرمووشه]

السلام عليكم

حامل وجسمي جاف

بنات انا ماحب سوالف اللي شغلات وايده

يعني بس كريم مع جم شغله يادوب اتحمل

خفت استخدم كريمات تضر بلجنين

اللي ولدو وكانو يستخدمون اشيا ريحتهم من ناحيه الجفاف

الله يجزاكم خير يارب


في خلطه بنات
اللي هي
كريم الحلسيرين مع زيت الجلسيرين
مع زيت اللوز ينخلطون مع بعض
يكون لوشن ينعم

بس مادري يضر ولا لا

ناطره تجاربكم

 

[كيكة عسل]

عليج بزيت الزيتون الاصلي مافيه مثله ترطيب ونعومه وتفتيح وفوق هذا طبيعي مامنه مضره
استخدميه وبتدعيلي حطيه وقت النوم وﻻ قمتي غسليه ﻻتطلعين بالشمس وهو فيج
سوي سيرج عنه وراح تشوفين تجارب البنات معاه رووووووعه

 

[Aloe Vera]

عادي استخدمي اي كريم من قال كريمات الترطيب تضر؟؟؟

في كريم سيتافيل طبي من الصيدلية ممتاز

 

[Ranoon]

أحسن شى فازلين بزبدة ككاو استخدميه على طول للجسم

 

[music_teacher88]

صيدليه بوتس رةحي طبي وتخيري
وماركة بالمرز عندهم ترطيب للحوامل وتوخر خطوط اابطن

 

[سمراء كويتية]

انا حاشني جفاف مو طبيعي لا كريم ولا فازلين ولاشي لدرجة قعدت عند اهلي اكثر من اسبوعين لا ويهي كان ماله حل
بعدين استخدمت كريم من بوتس ايفو ن اسمه كول كريم للبشرة الجافه الحساسة والله اني شفت العافيه عقبه وااااايد نفعني

 

[جـــواهر]

فازلين زبدة الكاكاو

 

[حرم راشد الماجد]

انا عندي مرطب qv وبيبانتين لوشن حلويين وما منهم خوف

 

[قرمووشه]

كيكه عسل
الوا فيرا
رنووون
ميوزك تيجر
سمرا كويتيه
جواهر
حرم راشد

مشكورين وايد وايد
على ردودكم

 

[ريـ’ـآنـهـ‘]

عندج ماركة بالمرز تلقينها بلولوهايبر او سنتربوينت وصيدليات اهيا متخصصه للحوامل وفي انواع شكثر

 

[امـ خــزامـى]

حبيبتي وش هالمبالغه بالخوف اقلها كان سألتي دكتورتك ولا تخلين جسمك يجف

انا كنت استخدم فازلين بزبدة الكاكاو وزيت الجلسرين مع اللوز المر وزيت زيتون مقري فيه
وزبدة الكاكاو من بالمرز وهالشركه خاصه بالحوامل

كل هاللكريمات احطها ويالله نفع


وكثري سواااائل

 

[منار123]

شوفي تلقين بمركز سلطان زبدة الككاو من فازلين تكون بيور مو اللوشن
واخذي قطرات من بيبي اويل ضيفيها بايدج عالكريم و ادهني جسمج ك لوشن بعد السباحة
وخليها يوميا افضل
دلتني وحده على هالطريقه

 

[M!SS.LOBY]

الله يكون بعونج

 

[Mrs.H]

لا مامنه مضرة بإذن الله

الزيوت احسن من اللوشنات.. عندج بيو اويل من بوتس والصيدليات وهم منتجات سيباميد و بيبي اويل ريحته حلوة واغلب لوشنات الجمعية ومنتجات جونسون وزبدة الكاكاو والشيا اختاري اللي يناسبج

 

[French Vanilla]

بالمرز حلو

 

[مسـك]

فازلين زبدة الكاكاو استخدمه بكل حمايلي ومرتاحه عليه الحمدالله

 

[قرمووشه]

مشكورين حبايبي

(شيخه) اي شريته فازلين زبده الكاكاو
روعه حيل حيل حبيته

والحمدلله نعم جسمي وفرررق فرررق عن قبل

قبل كله جفاف ويقشر
استعملته ونعم جسمي

جزاكم الله خير

 

[انتيكا]

انا كنت استخدم زبده الكاكاو بالمرز او زيت زيتون او فازلين هذول ماتوقع منهم مضره و ترطيبهم قوي

 

[basma81]

الكريمات ما تضر و هم أحسن شي أخذي نوع طبي و يكون للحامل أحسن من الخلطات و غيرها الي يمكن جسمج يتحسس منها

 

[ريتاج_90]

اذا خايفة استخدمي لوشن مو معطر
او استخدمي اويل جونسون حلوو وترطيب طول اليوم
اخذي الوردي اناا الححين استخدمه