حامل بتوأم واحد اصغر من الثاني.....

[anooma_86]

السلام عليكم.... انا حامل توني داشه الاسبوع الثامن.. سويت سونار و قالتلي الدكتوره توام واحد منهم الحمدلله زين حجمه و نبضه بعد وايد زين بس الثاني اصغر و ليلحين ماله نبض :0bee2e8d89: الدكتوره قالتلي ننطر اسبوعين يا يبين النبض او يكون الجنين ميت... الصراحه انا وايد خايفه, في وحده صار معاها هالموقف؟؟؟؟ و انا خايفه ان اذا نزل الجنين الضعيف يأثر على الثاني... فبلييييز الي عندها او خبره عن هالموضوع اتطمني

 

[أم عبود 2011]

رد : حامل بتوأم واحد اصغر من الثاني.....

إن شاء الله اتطمنين عليهم وتفرحين بشوفتهم بصحة وعافية يااااااااااااااااااااارب

 

[anooma_86]

مشكووره ام عبود ماقصرتي

 

[anooma_86]

uppppppp

 

[المزاج الرايق]

رد : حامل بتوأم واحد اصغر من الثاني.....

الله يطمن قلبج يارب

 

[ZajiL]

مساء الخير
الله يتمم عليج يارب بصحه وسلامه


ان شاء الله ربي يطمنج عليه وتسمعين النبض وبالنسبه للحجم عادي لاتحاتين
يمكن كان عندج بويضتين وحده طلعت قبل الثانيه من جذي يصير فرق بالحجم



ولد حماتي جذي صار بمرته
بس اهي مو اكبر من الثاني لا اجهضت وحده من الاجنه بالثالث والثانيه تمت
الحمدلله ولا اثرت عليها

 

[pink_dream]

رد : حامل بتوأم واحد اصغر من الثاني.....

ما عندي فكره
بس ربي يكحل عيونج بشوفتهم
و تشوفين بكامل صحتهم و عافيتهم

 

[anooma_86]

مشكووورييييين كلكم عالردود ماقصرتو حبايبي

 

[شقرا كويتيه]

رد : حامل بتوأم واحد اصغر من الثاني.....

الله يطمن قلبج حبيبتي وتفرحين فيهم ويهون عليج

 

[anooma_86]

امييييييييين يارب

 

[عاشقه الاسمرانى27]

إن شاء الله اتطمنين عليهم وتفرحين بشوفتهم بصحة وعافية يااااااااااااااااااااارب

ولا تحااااتين يا عمرى ما يأثر شىء ان ششاء الله الله يحميهم من كل شر يارب

 

[anooma_86]

انشالله الله كريم

 

[ام عفاف الكويت]

حياتي والله لاتحاتين ان شاء الله
ادعي وتعوذي من ابليس الوسواس يجنن الانسان
عاد تأخير تبووويض لانه شكله كل واحد مشيمه وجيس

 

[فرفشه منعنشه]

رد : حامل بتوأم واحد اصغر من الثاني.....

الله يطمن قلبج وانشالله خير نطري بعد اسبوع وعيدي السونار يمكن مثل ما قالوا البنات تبويض متاخر

 

[أم وليد الشمري]

ان شاء الله فيه نبض ...
ولا تحاتين الحجم اختي جابت واحد مليان والثاني ضعيف
وكاهم الحين الحمدلله ....
وصار الضعيف اسمن من الثاني..
يارب ...تكحلين عينج بشوفتهم وتفرحين فيهم

 

[شيخة الحلوة]

الله يتمم عليج يارب

والله ماادري بس انشالله انه مافيه الا العافيه


واذا لا سمح الله لا سمح اللللللللللله وواحد فيهم ماالله كتبله يعيش لا تحاتين انارفيجتي جذي وولدها اللي بقا مافيه الا العافية


بس ادعي ربج ياقلبي
والله يتمم عليج ويرفع عنج كل مكروه قولي امين

 

[@ام يوسف@]

رد : حامل بتوأم واحد اصغر من الثاني.....

الله يطمنج ان شاء الله

 

[كميثره]

ما عندي فكره

الله يطمنج ياااااااااااااااارب

 

[دلوعة بنتي]

حبيبتي عادي انا اعرف وحدة نفس حالتج واحد منهم ماكتمل وحتى مانزل عليها دم ولا شي من الشهر الثالث والثاني عادي الحمدلله اولدت ومافيه الا العافية .. لاتحاتين هالشي طبيعي

 

[anooma_86]

مشكورييييييييين كلكم طمنتوني.... وفعلا اهما جيسين منفصلييين و الله كريم انشالله