حامل باول شهر والسفر وتجاربكم ولي تجاول لها دعوه بصلات لليل

[Omhamood]

السلام عليكم ياكروشات

منو سافرت وهي حامل بالشهر الاول لان سفرتي جدا ضروريه واكتشفت اني حامل

سبحان الله ضاق خلقي اول مره بحياتي


المهم بنات تكفون الي سافرت باول شهر وهي حامل طمني هل في خطر

ثاني شي سفرتي تقريبا 3ساعات بس وشلون علي اجهزت الكشف بالمطار الاشعاعيه مرتوا فيها وانتوا حوامل عادي

وله قلتيلهم انج حامل وستثنوجً ولي ترد علي لها دعوه بصلاه الليل

 

[دلوعه ززوجي]

هلا حبيبيتي سافري مدام كل شئ زين وأحسن شئ تاخذين رأي الطبيب

 

[ملاك لبنان]

عادي حبيبتي توكلي على الله وباذنه تعالي مافي شي وانتي والبيبي بصحة وسلامة وخذي حذرك بكتر اشياء
اولا الاجهاد والتعب بيضر نوعا ما لان البيبي ما ثبت كويس
وتاني شي اي مكان بتروحيه اتأكدي مافي اشعاع مثل المطار او المستشفى وعادي جدا انك ما تمري بجهاز التفتيش الاشعاعي بالمطار انا صارت معي وعذروني

 

[درة التاج]

مبروك الحمل
حبيبتي بالمطار عطي الموظفين خبر انك حامل
وبالطيارة امشي فيها كل نص ساعة تقريبا
أخذي رأي. دكتورتك قبل لا تروحين

 

[Aloe Vera]

عادي السفر و تقدرين تاخذين تقرير من الدكتورة احتياط
و اجهزة الكشف مالت المطارات مالها ضرر
و اذا خايفة قولي حق الموظفين انج حامل عادي

انا سافرت مرتين و انا حامل بالسابع عادي جداً

 

[اريـ الكويت ـاف]

و الله يا عمري رفيجتي سافرت و هي بالسادس و مدة الرحلة ست ساعات باعلطيارة و كان معاها ضغط مرتفع بس الحمد الله ما ضرها ويابت ولد و لا فيهم الا العافية الله يتمملك بخير و ادعيلي الله ينولني اللي في بالي عاجلا غير اجلا يا رب العابمين

 

[Omhamood]

بعد عمري بنات الله يطمنكم دنيا واخره

والله دعيت لكن من قلب وانا ساجده عسي الله يحقق امانيكم ويوفقكم

 

[اخت خالتهم]

انا سافرت بالشهر الثاني ورديت بالشهر الرابع والحمدلله

 

[امـ خــزامـى]

انا سافرت 3 مرات مره بالشهر الاول ومره بالثاني ومره بالرابع


والحمدالله سهاله

 

[نور دنياه]

عادي السفر ان شالله مابيضرج بس اخذي من الدكتور ورقه انج حامل عشان ماتمرين على اجهزه الامن بالمطار