حامل بالسابع وابي اشترك بنادي ؟ منو عندها خبره !

[ام جديده]

سلام عليكم

انا حامل بنهاية السابع

ومابي امتن زوود .. ابي امشي واتسبح

شفتو حوامل مشتركين بنادي !! عادي او خطر او شنو !

بسوي رياضه عاديه ..

انصحوني بنادي .. وشرايكم بالمرأه الرشيقه ! يستقبل حوامل ؟

 

[أم _ أيون]

حبيبتي الله يتمم عليج حملج وتولدين بالسلامة ان شاء الله
وصدقيني لو اعرف جان قلتلج بس مادري احس جنها صعبة حامل ونادي انا اقوول لاحقه لي ولدتي بالسلامة بعديين يصير خير
نصيحة لاتجازفين
والله يوفقج

 

[ام جديده]

مممم مو انا قالو لي المشي زين للحامل وانا حاليا قااعده بالبيت ماكو حركه .. اخاف انفجر زود بس اكل وانام

وعقب الولاده خو تدرين والله ماكو وقت اتحكين راسج .. اهي خلطاات تفتيح ولا رجيم ولا مجاابل ياهل لووييييييييه

فقلت خل احافظ على وزني من قبل ما اولد والله احسن عالاقل لو متنتي .. تمتنين شوي مو وايد



اب اب بناات فيدووني عفيه

 

[الفلبينية]

اول شي الله يسهل عليج يارب ويتمم عليج ... ثاني شي اهو فعلا المشي حيييييييل مهم خاصة بالاشهر الاخيرة عشان يسهل عليج الولادة بس هاااااااا مو المشي العنيف؟؟؟ولا ركض ولا الرياضه العنيفه.. لا يعني مشي خفيف ... ولأنه مشي ماعتقد يستاهل تقطين فلوس على نادي عشان بس مشي ..روحي للممشى خاصة ان الجو حلو الحين ومع زوجج ومشي خفيف وصلى الله وبارك

 

[غنج اهلها]

لاحرام تبين هالاشياء وتوج حامل

صبري لبعد الولادة على شان البيبي

 

[cup-cacke]

انا مره كلمت مدربه المسبح على هالموضوع

كانت عندنا حصه اكوا بالماي وجذي عقب ما طلعنا قلت لها الحامل عادي تتدرب

قالت بس لما تتعدى الاشهر الاولى..واحسن لها تكون بالماي يعني تدرب بالمسبح..بس يكون لها مدربه خاصه لها لانها حامل ف تحتاج عنايه خاصه لها

وبس

 

[ام جديده]

مشكورين عالردود فدييتكم

بس انا سألت دكتورتي الخاصه .. فقالت عادي الرياااااضه بشكل زين .. مو عنيف على قولت اختي

بعدين لاعت جبدي من الممشا وعبايه وملفع ولووويه

ابي مكان صج حق ريلاااااااااااااااااااااااكس ..

ابي نادي حلوو ماقلتو لي ؟ .. ومشكورين عالنصااايح بعد عمري والله :*