حامل بالرابع وعيالي فيهم عنقز

[أم ورود]

السلام عليكم بنات
عيالي حاشهم العنقز واخذو العدوى من ولد عمهم الي فيه حزام ناري
و لمن وديتهم المستشفى قاللي الدكتور عادي دام انه ياج وانتي صغيرة ماراح ييج مرة ثانية
بليز بنات انا خايفه عالجنين وبنفس الوقت ماقدر اخلي عيالي عند امي
شسوي ؟؟ خايفه تكون مناعتي ضعيفه

 

[زين ودلال]

هم انا اللي اعرفه اذا يايلج من قبل عادي

والله اعلم

الله يتمم عليج ان شاء الله

 

[طيشن على جديه]

اذا جاج من قبل ماعليج خوف ان شاءالله ..
بس اسالي اذا في ابر وقايه او شي ..
وماعليج شر ان شاءالله والله يتمم عليج ..​

 

[@أم يوســـف@]

الله يتمم عليج وماعليج الا العافيه

 

[أم ورود]

الله يطمن قلبكم ويخليكم والله الوسواس شاغل بالي والعياذ بالله وقاعدة اتحكك

 

[حبيبي مالكني]

حبيبتي انا نفس هالموقف صادني
دكتوري قالي حاسبي لا يتعادى الجنين
والحمدالله
الله سلم جنيني
وانا طرشت بناتي بيت امي اسبوع
بس هاي اهو الحل
مع العلم انا كان صايدني وانا صغيرة
فراق جم يوم يهون لان اذا حاش البيبي واهوفي بطنج
الله لا يقول
الدكتور يقول في مخاطر على البيبي وعليج

 

[.:lady bug :.]

والله مامن خوف
حاش عيال اخوي وانا وامهم حميل ولله الحمد ماضرنا
24 ساعه عندنا لانها حماتي
وانا كنت ابي عيالي يتعادون واخلص بس ماعاداهم
ولمن خلصو عادو عيال حماتي
ويزورونا وعادي

ارقي نفسج وعادي الحافظ الله

 

[Aloe Vera]

ماعندي فكرة
الله يحفظ حملج

 

[درة التاج]

سلام عليكم
استودعي حملك الله
ومافي الا الخير ان شاء الله
لا تحاتين لان انتي يالك العنقز وانتي صغيرة خلاص

 

[أم ورود]

الله يسلمكم بنات ويخليكم

 

[M!SS.LOBY]

ما تشوفون شر ان شاءالله انتي وعيالج والبيبي

 

[M!SS.LOBY]

ما عليج شر ان شاءالله
بس لا تحاتين خلاص ياج العنقز من قبل ما ييج تالي

 

[انصاريه قمره]

لاااا تخافين بناتي توهم قبل اسبوع طابوا وقالي الدكتور ما يضر دام يالج وانتي صغيره ودامج بالنص الثاني من الحمل بس لا تلمسين حبوبهم بيدج وانشالله مافيهم الا العافيه

 

[أم ورود]

لاااا تخافين بناتي توهم قبل اسبوع طابوا وقالي الدكتور ما يضر دام يالج وانتي صغيره ودامج بالنص الثاني من الحمل بس لا تلمسين حبوبهم بيدج وانشالله مافيهم الا العافيه

الحمدلله مع اني مو قاعدة احتك فيهم بس قاعدين معاي 24ساعه والله يعيني لان العنقز حيل متعب مع اليهال

 

[انصاريه قمره]

الحمدلله مع اني مو قاعدة احتك فيهم بس قاعدين معاي 24ساعه والله يعيني لان العنقز حيل متعب مع اليهال

حبيبتي اخذيهااا مني محاتاة لا تحاتين انا من الخرعه كنت احس بحكه مو طبيعيه بجسمي واقعد من النوووم احس جنه في نمل ولا حشرات علا جسمي اقول يمكن هذي بداية العنقز لكن الحمدالله طلع كل هذا من الوسواس وبالنسبه للعيال الله يحفظهم لا تخافين كلها اسبوع 10 ايام ويخف منهم بس بليل عطيهم ادول وزتك حرام علشان الحطه والحراره وفي مضاد ينصرف بالامراض الساريه ويناع الصيدليه على 17 ب 3 او 4 ايام يطيره وديري بالج لا يعدون الخدامه لانه العنقز لي يا على كبر يهد الحيل واحتمال ينومونها بالمستشفى

 

[أبكاني ذنبي]

حبيبتي انا ولدي فيه العنقز

بس ع نهايته واناحامل


قالتلي دكتورتي دامه ياج ماعليج شر


والحمدلله عدت ع خير

 

[فراوله توت]

حبيبتي لاتسكتين سألي مجرب ولاتسالين الطبيب أختي عمرها فوق 30 طايحه بالعنقز قبل لما أعيالهأ طاحو بالعنقز كانت حامل وانعدت منهم حراره وحالتها حاله وتحك الله يبعده عنج يااارب

 

[أم ورود]

حبيبتي اخذيهااا مني محاتاة لا تحاتين انا من الخرعه كنت احس بحكه مو طبيعيه بجسمي واقعد من النوووم احس جنه في نمل ولا حشرات علا جسمي اقول يمكن هذي بداية العنقز لكن الحمدالله طلع كل هذا من الوسواس وبالنسبه للعيال الله يحفظهم لا تخافين كلها اسبوع 10 ايام ويخف منهم بس بليل عطيهم ادول وزتك حرام علشان الحطه والحراره وفي مضاد ينصرف بالامراض الساريه ويناع الصيدليه على 17 ب 3 او 4 ايام يطيره وديري بالج لا يعدون الخدامه لانه العنقز لي يا على كبر يهد الحيل واحتمال ينومونها بالمستشفى

هههههههههه اهم شي النمل وبالنسبة للمضاد قاعدة اعطيعم عشان يخلصون بسرعه الدكتورة قالت لي عشاني حامل وما اتلعوز معاهم
يزاج الله خير حبيبتي

 

[أم ورود]

حبيبتي لاتسكتين سألي مجرب ولاتسالين الطبيب أختي عمرها فوق 30 طايحه بالعنقز قبل لما أعيالهأ طاحو بالعنقز كانت حامل وانعدت منهم حراره وحالتها حاله وتحك الله يبعده عنج يااارب

كان حايشها من قبل ولا لا؟؟؟؟؟؟؟؟

 

[فراوله توت]

أي كان حايشها حاولي مايقربون منج ولاتدهنينهم أنتي خلي الخدامه أو أي أحد واللي يدهنهم لإيقرب منج