حامل بالتاسع وثقب بالقلب؟

[حنيت إلك]

السلام عليكم
بدخل على طول بالموضوع
ان حامل بالشهر التاسع
عندي 3 اطفال 2 طبيعي والاخير عملية
السبب للعملية بالثالث نقص الماء والاكسجين وبالتالي تعب الجنين ..
بعد ماجبت ولدي الثاني ..وبالصدفة اكتشفوا ان عندي ثقب بالقلب بين الاذينين
طبعا حملت المرة الثالثة وكانت تعب علي ومثل ماقلت لكم ولدت قيصرية بس مستشفى الولادة مايدرون بالموضوع او بالاصح كنت اقول لهم بس ماجبت تقرير اكثر التركيز على موضوع الثقب كان وقت العلملية والحمد لله مرت بسلا طبعا وقت العملية قلت للدكتور وسألني اكثر من مرة عن موضوع الثقب..
اللحين وانا اخر الثامن كان عندي موعد في مركز القلب وقالي كلام حسيته يخوف من ضمنه ارتفاع في ضغط الشرياان الرئوي اللي اساسا يمنعون الوحده انها تحمل لما يكون مرتفع...
وقالي تابعي باستمرار مع دكتورة النساء...
وطبعا متفقين على عملية عشان يسكرون الثقب بعد الولادة...
المهم خذت تقرير من مركز القلب واليوم وديته المركز الصحي ...
سوت لي تصوير وقالت البيبي صغير وهذا احسن لوضعي الصحي والبيبي متوجه راسم ونازل بس قالت لي اذا ولدتي طبيعي ماراح تقدرين تدفعين لانه بيكون جهد على القلب فاحتمال يشفطون راس البيبي..هالكلام موتني خوف...
المهم حولتني لمستشفى الولادة..لانها قالت هم عندهم اطباء قلب مختصين للحوامل..
رحت وسويت الموعد وعطوني بعد اسبوع يوم ااحد الجاي...
رغم انها كاتبه في التقرير ان التحويل فوري يعني المفروض على طول في نفس اليوم بس شنسوي ..
وقبل اسبوع رحت خاص وقالت لي نفس الكلام انه في مجال اختصاصها |(دكتورة نساء وولادة) ماتقدر تشخص الوضع بشكل كامل لانه لازم مختص بالقلب والولادة...
سؤالي:
تعرفون احد عندها ثقب بالقلب وولدت طبيعي وما أثر لا عليها ولا على البيبي؟
طمنوني احس اني مخنوقه وبصيح ..ماقلت لاحد ربي يشهد...حتى امي طمنتها ماقلت لها انه في صعوبة بالولادة قلت لها لي اللحين ماقلوا شيء لين الموعد.
ودعواتكم لي ولكل الحوامل والله يرزق المحرومات ويفرحهم.

 

[آشوآآآق]

الله يشفيك يالغاليه

 

[زين ودلال]

حبيبي ماتشوفين شر ان شاء الله بس ليش تجازفين!!!!! اذا القيصريه اضمن حق وضعج لا تفكرين بالطبيعي

اهم شي السلاااامه سواء طبيعي ولا قيصريه

 

[حنيت إلك]

اذا قرروا لي قيصرية اكيد بوافق
بس تدرين الحكومة
الله يستر منهم

 

[حنيت إلك]

الدكتورة اللي بالمركز الصحي كانت حيل مهتمه
وقالت لي اذا عطوك موعد بعدين روحي الطوارئ وخل يجيبون لك دكتور فورا
بس لما رحت الطوارئ الدكتورة لو تشوفينها ولا هامها شيء لما عطيتها التقرير قطته على الطاولة وانا جلست ادور عليه تخيلي؟
الله يرحمنا برحمته
ارواح ناس ..وهم ماعليهم
مشكورات لاهتمامكم

 

[ELFAD3Ah]

يارب يشافيج وتولدين بصحة وعافية

 

[Vip qatar]

والله عورتي قلبي ان شاء الله تقومين بالسلامة انتي والبيبي يارب

 

[روح الأحزان]

حبيبتي الله يقومج انتي والبيبي بالسلامة وان شاء الله ماكو الا العافيه ليش ماتروحين خااص وتستشيرينهم

 

[احلامي غير]

الله يشفيك ويعافيك ويقومك باالسلامه انتي والبيبي ياقلبي بعد ماتتاكلين على الله عزوجل اختاري عمليه
الطبيعي اخاف يصير لك اشياء وعواقب مو زينه وبعدين القيصري رحمة من الله لاتنسين الدعاء وصلاة الاستخارة

 

[حنيت إلك]

الحمد لله
مشكورات خواتي الله يعطيكم الف عافية
موعدي الاحد وبسأل الدكتور او الدكتورة اذا في اي نسبة للخطورة حتى لو بسيطة او شفط مثل ماقالت دكتورة المركز الصحي بقول لهم عن العملية وبشوف رايهم هذا اذا هم ماقرروا عملية اصلا...
دعواتكم.

 

[ام ساره 4]

عسى الله يقومج بالسلامه يارب

 

[حنيت إلك]

شكرا لك اختي ام ساره

 

[ام عبدالله زوزو]

الله يقومك بسلامة ماعليج شر

 

[غرام القمة]

ابد ما فيج الا العافيا باذن الله اعليج منكلام الدكاترة يكبرونالموضوع ويخربطون علي راسج
توكلي علي الواحد الاحد وكثري استغفار وصدقات وباذن الله تولدين بسهولة وحفظ الرحمن
لا فكرين ولا توسوسين وبالاخير اللي الله كاتبه بيصير

 

[@ام يوسف@]

الله يقومج بالسلامه انتي والبيبي

 

[sunshine22]

سلامتج

انشالله ماكو الا العافيه
والتقرير يطلع غلط