حامل المسك 2

[ورده القرين]

مرحبا بنات امهات شلونكم شخباركم
شرايكم بحضانه حامل المسك 2 القصور حق اولى روضه انا ولدي بالحضانه بس شفته
استفاد منها يعلمونه الحروف وبعض الحروف يميزها وابي استفسر عن مرحله الروضه عندهم شلون تدريسهم قوي واحسن من الروضه العاديه لاني ودي يكمل فيها ؟؟؟؟

ومشكوووورين

 

[جذابه بنت ذيابه]

اب لعيونج ..

 

[Q8_QT]

رفع رفع

 

[شيماء المطيري]

داشة عرض سامحيني---من جم عمر تقبل حامل المسك 2 وجم رسومها والرقم لو سمحتي----لا بكون ثقلت عليج بس لووووووووول

 

[ورده القرين]

داشة عرض سامحيني---من جم عمر تقبل حامل المسك 2 وجم رسومها والرقم لو سمحتي----لا بكون ثقلت عليج بس لووووووووول

لاعادي حبيبتي اسالي
تقبل من عمر سنه تقريبا بس التسجيل هالفتره حق السنه اليايه
رسومها كل شهر 90 مع حفاظه 95 وفتح ملف 50 وملابس 25
ورقمها 25425999

 

[جوري الكويت]

الحضانه كئيبه من بره عيل اشلون من داخل

لونها بني يقمت القلب

رفيجتي ودت بنتها بتسجلها تقول انقمت قلبي

لا الوان و لا رسومات على الطوف

و لا يشغلون رسوم متحركه لليهال لان فيها اغاني

اليهال قاعدين متصروعين يم بعض

الياهل رايح يدرس و لا يحارب

انا احب عيالي يعيشون ب جو طبيعي مو جو متطرف

 

[نبض حبيبها]

حامل المسك اللي بالقصور حلوة
تقبل من سنة ونص
رسومها كل شهر95د.ك
من السنة الياية راح تكون رسومهم دفعات كل شهرين دفعة أظن

بنتي دايما ترد من الحضانة تغني أغاني أطفال حلوة
غير السلوكيات الحلوة والأدب والكلام الحلو من الأبلات والتعامل الحنون مع الأطفال عكس حضانة (..........) اللي عقدوا بنتي استغفر الله مابي أقوووووول

ما ارتحت إلا مع حامل المسك بصراحة وهي من حضانات التعليم المبكر​

 

[مرايــــــــم]

اببببببب

 

[a7la_sanfoora]

بالعكس .. ولدي بحامل المسك القصور .. ( على فكره بنفسجيه لونها ههههه ) ، العدان عنابيه أتوقع
المهم .. دورت غير حضانته بسبب الرسوم ابي شهري مو نظام كورسات
دورت نفس المستوى قريب منهم مالقيييت .. وسجلته للسنه اليايه بحامل المسك
بالعكس .. اهتمام ونظام وترتيب ونظافة .. انا مستانسه أكثر من اليهال رووووووعه
وجم مره أدخل الحضانه فجأه ألقاها هاديه والكل بصفه مافي فوضى وازعاج
وبالنسبه للأغاني أنا ماحب عيالي يتعلمون الأغاني .. أناشيد حلوه مو مشكله .. بس شي ماله داعي
بس الياهل يرقص عالفاضي ما أرضى ..
بصراحه تعلم وااااايد أشياء عمره 2 ونص والحين 3 سنوات تبارك الرحمن تعلم أشياء زييينه ..
وكل واحد له وجهة نظر
هذا رايي الشخصي ..
تحياتي وليه أمر

 

[hooryah q8]

اب

اب

 

[أم خلودي2009]

بكم الشهر بنااات يعلمونهم عربي وانجليزي ولا لا