حاسوب ولا رياضيات؟؟؟؟

[noor sultan]

السلام عليكم ورحمه الله وبركاته شلونكم شخباركم؟؟تقبل الله طاعتكم وعيدكم مباارك[ /SIZE]بنات انا محتاره مرره بغيت أستشيركم...انا الحمدلله خلصت الثانويه العامه بنسبه حلوه قدمت بكليه التربيه الاساسيه_حاسوب_صراحة انا ميولي رياضيات مو حاسوب اهلي الله يسامحهم يوم قلت لهم ابي رياضيات حبطوا فيني يقولون انه صعب دراسه واصعب واصعب تدريس بس انا احب الرياضيات واليوم نزل قبولي:eh_s(11): اقبلوني حاسوب ماعندي غير فرصه وحده اني احول اخاف اتشجع واحول رياضيات واندم تالي.. :eh_s(11):ربي يرزقكم الجنه الي تقدر تفيدني بشي بخصوص الحاسوب او الرياضيات لاتبخل علي

 

[طهر الغيم]

أختي نفسج مستجده بالتربيه الأساسيه ونفس تخصصج

- مادري حبوبه أهو على حسب ميولج بس ترى تخصص الحاسب مجاله وااسع وبيفيدج بحيااتج

وانا سمعت ان تقدرين تتوظفين بأي مكان يطلبون تخصص حاسب موو بس التدريس

استخيري قبل ما تقررين

والله يوفقج يا قلبي

 

[الورده الناعمه]

التخصصين حلوين الي انتي حابته تمشين فيه
بالنسبه حق الرياضيات موادهم بالعربي وسهالات
اما الحاسوب دراستهم بالانقلش ومواد برمجه وهالسوالف بس الي حابه يمشي فيه وفي نوعا ما صعوبه
لان نفس الجامعه بروجكتات وهالسوالف

انا بنسبالي لان مجربه مواد الرياضيات
دراستهم سهله بس وظيفتهم صعبه لان تاسيس ابتدائي
اما الحاسوب دراستهم صعبه بس الوظيفه سهالات

 

[غرور وايل]

تدري عاد انا ابي حاااااااااسوووب
بسسس ربي ماكتب لي

الله يووفقج ياارب

 

[قدسآويه]

رد : رد: حاسوب ولا رياضيات؟؟؟؟

التخصصين حلوين الي انتي حابته تمشين فيه
بالنسبه حق الرياضيات موادهم بالعربي وسهالات
اما الحاسوب دراستهم بالانقلش ومواد برمجه وهالسوالف بس الي حابه يمشي فيه وفي نوعا ما صعوبه
لان نفس الجامعه بروجكتات وهالسوالف

انا بنسبالي لان مجربه مواد الرياضيات
دراستهم سهله بس وظيفتهم صعبه لان تاسيس ابتدائي
اما الحاسوب دراستهم صعبه بس الوظيفه سهالات

وأنــآ أقوول نفس كــلآمهــآ ...

أنــآ تخصص ريــآضيــآت بصرآآحه مرتــآحه الحمدالله ...

أنتي صلي استخـــآرة وشوفي ميوولج *_*

موفقه :hearting:

 

[noor sultan]

للرفع

 

[Golden]

الحاسوب وايد ممتع ووايد اخف بالتدريس من الرياضيات

الرياضيات حلوو بس عوار قلب على ما تفهمين الطالبه وياخذ من وقتج بالتحضير

اما الحاسوب عجيب

توكلي على الله صدقيني بتحبينه وبتستمتعين فيه

 

[Golden]

وترى دراسه بالانقلش والله سهالات لا تخافين منها بسيطه جدا

وتتعبين 4 سنين >>> مع اني ما اشوف فيها تعب

وترتاحين بوظيفتج طول العمر :>

خيره من رب العالمين صدقيني

 

[miss roro]

انا من رايي لاتحولين رياضيات الا في حاله وحده اذا كنتي حابه الماده حييل حييل و يكون صبرج كبيير طبعا من ناحية التدريس يعني بعدين لما تدرسين صوتج راح يرووووح ويتغير هذا من اللي سمعته وشفته ومرو علي بنات عالجو حنجرتهم والله فتوكلي على الله والحاسوب ممتع اكثر من الرياضيات وموفقه

 

[((لقيت روحي))]

حبوبه انا تخصصي حاسوب
التخصص يعني سهل وصعب يعني انا ما ادرس كلش كلش ودايم اغيب
وماشيه فيه

وترى تخصصنا في مواد رياضيات واجد مو شوي
تخصصنا كل بالانجلش راح تاخذين ماده اول شي يمكن تخرعين منها وتقولين بحول بس ترى سهله اذا ركزتي اللي هي مقدمه في الحاسوب
بتشوفين النوت كبير وعبالج كله حفظ بس لا تخافين الماده سهله


نصيحه نصيحه >>>>> بالمحاظرات انتبهي اذا انتبهتي بالمحاظره كل شي يصير سهل
انا مو لاعب فيني الا الغياب

نصحيه كملي فيه مجلات العمل في كثيره

وفكري بالتدريس بعدين نصاب العمل لمدرسه الحاسوب اقل من الرياضيات
وتدريسه سهل مو نفس الرياضيات يعني الاطفال ماراح مو كلهم نفس درجة الاستيعاب يعني بتتعبين معاهم
واذا ان شاء الله تخرجتي بمعدل امتياز تقدرين تصيرين مساعده دكتور بالكليه


واتمنى لج التوفيق

 

[الباسمه]

الحاسوب ياقلبي مجالاته اوسع وحتى الرواتب تفرق لانه فيه بدلات على حسب المكان طبعا
استخيري
موفقه

 

[انين الصمت]

انا مع البنات ,,
واختي بعد كانت محتارة تسجل حاسوب ولالا ,,
وانقبلت معاج الحين ,,
بس قلتلها يمكن تتعبين بالدراسة بس ترتاحين باجر بالشغل
وانا ولد خالتي مدرس حاسوب وحيل مرتاح ومستانس ؟

ومثل ماقالولج انتبهي ودرسي وكلشي سهالات انشالله
والحاسوب في مواد رياضيات ,,
وانا كان اول كورس لي تخصص رياضيات هم كان سهل بالنسبة لي ,,
يعني انشالله ماتتوهقين بشي
بس نصيحتي لج خلج بالحاسوب لان مستقبله احلى وبالوظيفة اريح كمدرسة
ومرغوبة اكثر بأي وزارة او قطاعات خاصة ^_^

وبالتوفيق يارب