حاسة إني بختنق بغربتي !!! تكفون ساعدوني !!!!!!

[MONALIZA Q8]

السلام عليكم بنات
راح أدخل بالموضوع على طول لأني حيل متضايقة
:0bee2e8d89:
بنات ليش الناس صاروا جذي
يبتسمون بويهك ويرحبون فيك
ولما ترتاح لهم وتفتح لهم قلبك
يطعنونك بظهرك
:eh_s(13)::eh_s(13)::eh_s(13):
مليييت بس مليييييييييت
ما عاد في صديق بهالزمن
لا بالديرة نقدر نرتاح
ولا بالغربة نقدر نرتاح
:cxxxp:
الواحد لازم يكون منافق و مجامل
ولا يفكر إلا بنفسة
علشان يقدر يعيش
لكن الطيب
واللي على النية
ماله مكان بهالزمن الأغبر
:23_asmilies-com:
آسفة بنات إذا طولت عليكم
والله من القهر اللي فيني
:eh_s(14):
بس في النهاية أقول الله كريم
:denya:
ربي سبحانة فوق الكل
ويرزق كل واحد على قد نيته

تحياتي
MONALIZA Q8

 

[love love]

الي فهمته كل ماتتعرفين احد اهني مايتم وياج؟؟؟

حبيبتي انتي بالغربه لا تهتميين بهالاشياء وريحي بالج واهتمي بالي انتي يايه علشانه وتغربتي علشانه


ساعات بعض العلاقات لااااازم فيها مجامله >>>هذا كان اصعب شي بحياتي ولا قدرت عليييه

بس الغربه تعلم

 

[MONALIZA Q8]

رد : رد: حاسة إني بختنق بغربتي !!! تكفون ساعدوني !!!!!!

الي فهمته كل ماتتعرفين احد اهني مايتم وياج؟؟؟

حبيبتي انتي بالغربه لا تهتميين بهالاشياء وريحي بالج واهتمي بالي انتي يايه علشانه وتغربتي علشانه


ساعات بعض العلاقات لااااازم فيها مجامله >>>هذا كان اصعب شي بحياتي ولا قدرت عليييه

بس الغربه تعلم

حبيبتي كلامك على العين والراس بس الواحد لما يكون بغربة يحتاج
احد يفضفض له ويساعدة على غربته
وبالذات احنا معشر النساء
نحتاج لبعضنا خصوصا اذا كانت اللي معاك من نفس ديرتك
بس
فعلا مثل ما قلتي الغربة تعلم

 

[دلوعة أبوهآ]

لاتثقين باي شخص .. خاصة انك بغربه وماتدرين عن الشخص اللي بتصادقينه ..
اهتمي بنفسك وحياتك وكوني لك روتين معين واشغلي نفسك باشياء تغنيكِ عن الناس ..,


والله فيه اشياء كثير لو تهتمين فيها بتكون اكثر من اهتمامك وحاجتك للناس ..

وحبيبتي اهم شي .. خلي علاقتك بربك قويه
صلي دايم ولا تنسي فروضك .. واقري قران بين كل فتره وفتره عشان الله ينور لك دربك ..


والله يسهل غربتك ويردك سالمه لاهلك

 

[MONALIZA Q8]

رد : رد: حاسة إني بختنق بغربتي !!! تكفون ساعدوني !!!!!!

لاتثقين باي شخص .. خاصة انك بغربه وماتدرين عن الشخص اللي بتصادقينه ..
اهتمي بنفسك وحياتك وكوني لك روتين معين واشغلي نفسك باشياء تغنيكِ عن الناس ..,


والله فيه اشياء كثير لو تهتمين فيها بتكون اكثر من اهتمامك وحاجتك للناس ..

وحبيبتي اهم شي .. خلي علاقتك بربك قويه
صلي دايم ولا تنسي فروضك .. واقري قران بين كل فتره وفتره عشان الله ينور لك دربك ..


والله يسهل غربتك ويردك سالمه لاهلك

صح كلامك يالغلا

لأن الصدق والوفاء والإخلاص أصبحوا عملة نادرة هالأيام

من الصعب إنك تلاقينها

وللأسف صاروا الغير مسلمين يتمتعون بأخلاق المسلمين

يعني أنا قلت هذي الإنسانه من ديرتي وعلى ديني وراح تعيني

بس للأسف لقيت اللي مو على ديني اهم اللي افتحوا لي قلوبهم وما طعنوني

 

[منورة الكويتية]

رد : حاسة إني بختنق بغربتي !!! تكفون ساعدوني !!!!!!

بعد قلبي ميخالف هذي الغربه
صج تعلمج وتعطي الواحد طراقات عدله
حتى انا صادفت ناس من هالنمونة وعادي الحمدلله دام اني ماضريتهم بشيئ ولاا اسأت لهم بسلامتهم
الي خلقهم خلق غيرهم
وطاف اهم شيئ انج بصحه وعافيه يالله لك الحمد
والله يخلي لج ريلج وعيالج الزم ماعليج

 

[danawi]

الله يعينج ياإختي على البشر وعلى الغربه وماعليه الدنيا يبلها صبر وأنا أنصحج تعرفي على أجانب والله أريح
يمكن هم ينفعونج ويوقفون يمج أحسن من بنت ديرتج إحنا شلي خرب علينا يالكويتين غير هالحسد على بعض والله فيه ناس ودهم ياخذون اللقمه من إيدج
وأخر شي أقولج ترى الغربه كربه والشاطر إلي يطلع منها ويرجع معاه الهدف إلي كان رايح علشانه

 

[MONALIZA Q8]

رد : حاسة إني بختنق بغربتي !!! تكفون ساعدوني !!!!!!

بعد قلبي ميخالف هذي الغربه
صج تعلمج وتعطي الواحد طراقات عدله
حتى انا صادفت ناس من هالنمونة وعادي الحمدلله دام اني ماضريتهم بشيئ ولاا اسأت لهم بسلامتهم
الي خلقهم خلق غيرهم
وطاف اهم شيئ انج بصحه وعافيه يالله لك الحمد
والله يخلي لج ريلج وعيالج الزم ماعليج

تسلمين يا قلبي والحمد لله أنا ما ضريتهم بشي بس هم العشرة ما تهون
والله وأنا أختك من القهر اللي فيني خفت إني أنام وما أقوم
علشان جذي قلت أكتب بالمنتدى وأفضفض شوي

 

[MONALIZA Q8]

رد : رد: حاسة إني بختنق بغربتي !!! تكفون ساعدوني !!!!!!

الله يعينج ياإختي على البشر وعلى الغربه وماعليه الدنيا يبلها صبر وأنا أنصحج تعرفي على أجانب والله أريح
يمكن هم ينفعونج ويوقفون يمج أحسن من بنت ديرتج إحنا شلي خرب علينا يالكويتين غير هالحسد على بعض والله فيه ناس ودهم ياخذون اللقمه من إيدج
وأخر شي أقولج ترى الغربه كربه والشاطر إلي يطلع منها ويرجع معاه الهدف إلي كان رايح علشانه

شكلي بنفذ نصيحتك يالغالية
والله الأجانب حبوبين وودهم يخدمونك بأي طريقة
ومن غير مقابل
ودام أبو عيالي وعيالي حواليني الله يحفظهم لي
ما أبي شي من الدنيا
غير شوفتهم بصحة وسعادة
والحمد لله على كل حال
كل طراق بتعلومة

 

[مجنونة حبه]

تبين الصراحه انا طبعي ذا شفت من اول موقف يصادفني مع وحده كويتيه او ديره عربيه ماعجبني على طول اوخر عنها لان مالي خلق لا مشاكل ولا تضييع الوقت ولا نفاق ومجامله انا بالغصب اشيل نفسي وعيالي وزوجي ومشاكلهم تكفيني شلي بعوار راس
صارت لي من اول ماييت من اجازه عزمتني وحده كويتيه اشكره تبين انها مصلحه تعارف مو حبه فيني وغير شذي من اول يوم قاعده تقول سوالف عن ريلي واهو مو مسويها ولا قالها ( ليش رديت حالي الكويت وريلي ظل بامريكا )
عاد انا شفت شذي سحبت منها بس اذا شفتها بالصدفه اسلم لان صراحه الي يشوف من البدايه الوحده تغلط تعرف ان هذا اهو اسلوبها
وانا يايه اهني فتره ونرد لازم كثر ما اقدر اتعلم واستفيد مو يايه اكسب صداقات
وتقبلوا مروري

 

[MONALIZA Q8]

رد : رد: حاسة إني بختنق بغربتي !!! تكفون ساعدوني !!!!!!

تبين الصراحه انا طبعي ذا شفت من اول موقف يصادفني مع وحده كويتيه او ديره عربيه ماعجبني على طول اوخر عنها لان مالي خلق لا مشاكل ولا تضييع الوقت ولا نفاق ومجامله انا بالغصب اشيل نفسي وعيالي وزوجي ومشاكلهم تكفيني شلي بعوار راس
صارت لي من اول ماييت من اجازه عزمتني وحده كويتيه اشكره تبين انها مصلحه تعارف مو حبه فيني وغير شذي من اول يوم قاعده تقول سوالف عن ريلي واهو مو مسويها ولا قالها ( ليش رديت حالي الكويت وريلي ظل بامريكا )
عاد انا شفت شذي سحبت منها بس اذا شفتها بالصدفه اسلم لان صراحه الي يشوف من البدايه الوحده تغلط تعرف ان هذا اهو اسلوبها
وانا يايه اهني فتره ونرد لازم كثر ما اقدر اتعلم واستفيد مو يايه اكسب صداقات
وتقبلوا مروري

اي والله كلامك عين العقل ويا ريتني أقدر أسوي نفسك
المشكلة إني إجتماعية بطبيعتي وأحب الناس
وبعدين يا ربي لما تكونين بغربة ما تصدقين على الله انك تشوفين أحد من أهل ديرتك
بس الله كريم

 

[كلي ثقه و سنع]

رد : حاسة إني بختنق بغربتي !!! تكفون ساعدوني !!!!!!

سواء بالكويت او الغربه النفوس واحده وابليس ما مات

بس نصيحه : التمسي ٧٠ عذر + سامحي

 

[MONALIZA Q8]

رد : حاسة إني بختنق بغربتي !!! تكفون ساعدوني !!!!!!

سواء بالكويت او الغربه النفوس واحده وابليس ما مات

بس نصيحه : التمسي ٧٠ عذر + سامحي

تسلمين على النصيحة يالغالية
والله كريم

 

[كويتية بروما]

مو ضروري تحتكين باحد الزم ماعليج بيتج وريلج حياتج الواحد ماصدق يصد عن السوالف والمداحر بالديره عشان يتغرب ويغث نفسه
اصلا ميزه الغربه الوحيده الصد عن الكل وخاصه سوالف الحريم

 

[مجنونة حبه]

مو ضروري تحتكين باحد الزم ماعليج بيتج وريلج حياتج الواحد ماصدق يصد عن السوالف والمداحر بالديره عشان يتغرب ويغث نفسه
اصلا ميزه الغربه الوحيده الصد عن الكل وخاصه سوالف الحريم

يب معاج حق لكل كلمه قلتيها وهذا الي بعد ابي اوصله

 

[eman12]

الله يعينج ياقلبي
وترجعين سالمه غانمه

 

[! هُوْ وِينِه !]

آلسلام عليكم ورحمة آلله
أختي آلكريمة
عندي لج نصيحة يمكن آلبعض يضحك لأني بكتبهآ
لكن بكتبهآ
وآحد إذآ تضآيقتي وحسيتني إنج مغموتة أكتبي بدفتر شنو ألي تحسين فيه
فضي طآقتج فيه أو إذآ وآجهتج مشكلة هذآ أحسن حل
إثنين كثري إستغفآر سبحآن آلله آلإستغفآر شئ عجيب يفتح لج أبوآب آلرزق يغسل آلذنوب وآلخطآيآ يجعل حيآتج لهآ سعآدة ومعنى
وأهتمي بصلاتج وتأكدي إن إحنآ أهني بكويتيآت بنكون لج آلأخوآت بغربتج
وأي شئ أنآ حآظرة
:hjy5jewf:

 

[Stylista_Q8]

حااااسه بكل كلمه قلتيهااا

لنه انتي تتعاملين بطيب اصلج وتحسنين الظن فيهم وبالنهايه تنصدمين فيهم وتلقين انهم مو كفوو ..

المشكله بالغربه انج ماتقدرين تختارين ربعج يعنيي عندج مجموعه بناات كويتيات ان ما رافجتيهم بس ماكو غيرهم كويتيات !

> هذي مشكلتي الحيييين

والله اصدمووووني ماتوقعت الكويتيات جيي

يعني احنا بغربه المفروض كلنا على قلب واحد وعلى قولتج احنا بنات نعتاااز بعض ،، بس اللي اشوفه هني موو صج

مجااااملات وانا مو من النوع اللي اجامل ماااحب

اعامل الناس مثل ما احب انهم يعاملوني ! بس شالفايده اذا انهم مو كفووو

فَ نصيحتي لج وخري عن هالناااس والله ماكو فايده منهم وخلج بنفسج وعلى قولة رفيجتي انتي رايحه تدرسين مو تتعرفين على ناس

وانا مثلج كنتتتت اجتماعيه عقب ٤ سنين بالغربه واللي شفته من البنات بس غسلت ايدي منهم

وان شالله تتخرجين وتتعرفين على بنات احسن من اللي شفتيهم

والله يوفقج ان شالله