- إنضم
- 15 يونيو 2011
- المشاركات
- 259
- مستوى التفاعل
- 0
- النقاط
- 0
السلام عليكم
في البداية ، اتمنى من ادارة المنتدى ،الموافقه على عرض موضوعي في هذا القسم، لاني محتاجه اسمع رأي خريجات التخصصين اللي انا محتاره في دراستهم.
في البداية ، اتمنى من ادارة المنتدى ،الموافقه على عرض موضوعي في هذا القسم، لاني محتاجه اسمع رأي خريجات التخصصين اللي انا محتاره في دراستهم.
انا طالبة تخرجت من الثانويه السنه اللي طافت ، قدمت بعثه داخليه لجامعة الشرق الاوسط الامريكيه ، تخصص هندسه صناعيه ، وقبلوني فيها.
كنت جدا سعيده ،بالذات اني صارلي سياره خاصه ، وباليوم ال12 للدراسه وبالتحديد يوم 12/10/2010،صارلي حادث بالسياره وانا رايحه للجامعه ، دعمني هندي وانقلبت فيني السياره ، ومن قوه الحادث ،انعجن علي حديد السياره واضطروا المطافي يقصون عني الحديد حتى يطلعوني ، هالحادث سبب لي نزيف وجلطه بالمخ ،وفوقها كسور بالحوض.
اكيد انجبرت اوقف قيدي لمده كورسين ، يعني ماداومت ابدا ، وراحت على السنه الدراسيه بأكملها ، حاليا انا بحال افضل والحمدلله ، لكن ماراح اقدر اسوق بعد ،وهالكليه بعيده عن بيتنا لانها بمنطقه العقيله وانا من سكان الجابريه،فكرت اروح ادرس بكلية البنات تخصص علوم المعلومات (تخصص يتعلق بشبكات الحاسب الالي).
انا اللحين محتاره بين الهندسه الصناعيه وبين علوم المعلومات ،الهندسه الصناعيه مجال عملها فيما بعد محدود ،وبنفس الوقت هالتخصص ضابع بين عدة تخصصات هندسيه،يعني من الناحيه المهنيه فيها بعد بتكون الميزه في الراتب ،لان المهندسين اللحين لهم كادر جيد(عندنا اثنين من الاهل متخرجين من الهندسه الصناعيه...مرتاحين من ناحية الراتب ،لكن مهنيا واحد كنهم شغلته انه يلف على المدراس يشوف الطفايات ملوت الحريق ، شغاله اولا لا!!)
تخصص علوم المعلومات تخصص مرغوب ومطلوب..اذكر لما كنت بصف 12،خذوا من كل مدرسه 5 طالبات متفوقات (انا كنت واحده منهم )قدموالنا محاضره بالتعاون بين مجلس الوزراء ومركز تدريبي اسمهdigigirlz كان الهدف هو توجيه الطلبه لدراسه علوم وتقنيه المعلومات بالتحديد لان هذا اكثر تخصص بتحتاجه الكويت على مدى العشرين السنه القادمه. لكن طبعا هذا التخصص حاله حال باجي التخصصات مهظوم حقه من ناحية الرواتب .
اسمحولي طولت عليكم...اعتبروني اختكم او بنتكم وساعدوني باتخاذ قرار صحيح.
لو انتي بمكاني تختارين تكونين خريجة شنو؟؟؟
على فكره معدلي 87.43% علمي
على فكره معدلي 87.43% علمي
ملاحظه: انا مو جديده على المنتدى ،انا عضوه قديمه ،لكن للاسف انا ذاكرتي ضعفت بعد الحادث،وما اذكر اسم الدخول السابق ولا حتى ايميلي ...ياريت تقبلوني باسم الدخول الجديد
