حاجزين مخيم ومعانا ضيوفنا شلون اتصرف

[دموع ألماس]

قووة بنات
بدت العطلة
وقررنا نحجز مخيم

بس المشكلة ان معانا ضيوفنا وعددنا كلنا 20مع الاطفال
وكل شي فوق راسي

شلون اتصرف ؟؟
اقصد شنو اسوي لهم ريوق وشنو اسوي لهم وقت العشا

وشنو احط لهم بين الوجبات

تعرفون حلات البر أكل_03ba:

واذا عندكم اي افكار حق المخيم
راح نقعد في المخيم 3 أيام



لا تسألوني وين المخيم لان هذي مشسئولية ابو الشباب يدور لنا كل سنة مخيم مواصفاته حلوة
اخر مرة حجزنا مخيم عجيب ستلايت وحظيرة دجاج وملعب طائرة وخيام وبيت شعر والماي سخان ومطبخ
والله اني ودي احجزه ثاني مره بس المشكلة ضيعنا رقمه مع انه رخيص 40 بس لليوم الواحد؟؟

وألحين على الله وعلى الجرايد بيدق عليهم ابو الشباب ويروح للمكان يشوفه قبل لا يحجز

 

[القرآن ربيع قلبي]

اهم شي استانسي انتي وعيالج وزوجج وسوو مسابقات ولا تتكلفين وخلي شعارج اخدم نفسك بنفسك والا ما تخلصين واهم شي شاي علا الفحم وحليب الزنجبيل والبسكوتات والصمون والفاكهة وشغل الرفاعي من حب وفستق وشوي لحم وشوي دجاج وخضرة وعصاير ومشروبات غازية واهم شي بالنسبة لي الافندي وكلينكس مرطب

 

[شندوخه]

شوفي في عضوه معانا هني مسويه اعلان تأجير مخيمات نكها بنت حوا بالانجليزي وفي لها موضوع مصوره المخيم من داخل حلو ومتعوب عليه ماشاءء الله
اما شتريقينهم
لاتنسين الحليب المهيل والجاي والدرابيل والبقصم والقرص العقيلي والبيض العيون عالفحم لعبته صراحه
والخبز الرقاق الحلو اللي يصير فيه بيض وزعفران وشكر وخبز ايراني او لبناني

الغدا
انا غرامي بالبر المعدس والمموش احسه يدفي بس لاتنسين المرقوق بعد حلو بالبرد والبر
والبرياني
والعشا يا محفوظه السلامه شوو كباب او برجر ونقانق وذره وبطاطا الحلوه مالت مصر اللي تصير قشرتها حمرا
او شوربه عدس وتوست وجبن احبه بالبر
وشنو تقدمين العصر
عندج خرابيطنا المعتاده
فطاير وكيك زلابيا كنافه او سوي ام علي تصلح بهالبرد
ولاتنسين جاي الفحم المخدر وزنجبيل ودارسين وزعتر
وعسا الله يهنيكم وتستانسون بالمخيم ان شاء الله

 

[زيـنـه]

سجلي بورقه و قلم كل شي لا تنسين

الريوق :
حليب - جاي - نسكافيه للي يحب
انواع خبز و صمون
اجبان
بيض
خضره (طماط - خس - خيار - زيتون)
قيمر - عسل - مربى
درابيل -قرص عقيلي - لسان الثور ( الانقليش كيك) اليابسه - شابوره - كعك (انصحج بامير الامراء حق هالاشياء)

الغدا و العشا
مشاويات ( كباب - تكا - طاووق- همبورجر دجاج و لحم- كبده ) اشويهم هناك مع طماط و بصل و بطاط .
عيش (مشخول - مموش - معدس)
بطاط مقلي
شوربه عدس
مرقة خضرا (كوسا و بطاط و باذنجان و قرع و زهره )

بين الوجبات
فطاير
كيك
بطاط شيبس و كاكاو لليهال
بسكوت او بتي فور
فاكهه انواع ( موز - برتقال - تفاح - و اي نوع تحبونه)

و اخذي قلاصات و صحون و قفاش و شوك بلاستيك

 

[كويتيات]

ما شا الله البنات كفوا ووفوا

لاتنسين الذره مع الزبدة والفلفل الاسود عجييييييب حق المخيمات

وسوو مسابقات و اهم شي لاتنسون البقيات و الفانشيات هالله هالله ما يحلى الجو إلا فيهم

 

[دموع ألماس]

يا بعد عمري والله ما قصرتم
عسى الله وفقكم
صج استفدت

 

[مشتاقة لأمي]

بالإضافة للي قالوه البنات لاتنسين السفر البلاستيك أو الورق عشان البيئة واكياس الزبالة (كرمكم الله).
الناموسية لتغطية الأكل من الحشرات أخذي اكثر من وحدة ضرورية.

السائل المعقم لليدين خصوصاً إذا فيه حيوانات يمسكونهم الأطفال.

أدوية مهمة جداً مثل: مخفض الحرارة كريم اللدغات ....انا أخذ شنطبة الأسعافات الأولية وشنطة ادوات خياطة بكرات صغيرة وابر ومقص....من ابو ميه.

للتسلية:
كروت مسابقات ثقافية لجميع المستويات - ورق اللعب اونو للأطفال يستانسون عليها من ابو ميه .
دفاتر الوان والوانهم الجهال يلتهون فيها شوي وخلوها مسابقات وشوي هدايا لــتشجيع الأطفال على سلوك معين او مسابقات.

الأكل:
المرشميلو (خدود البنات) حلو بين الوجبات يشوى ولاتنسين عيدان الشي معهم.
الأكل في البر حلاته ببساطته خبزه وشاي في جمعه حلوه تشبع .
بعدين حسب ضيوفك وعلاقتك فيهم رسميين؟؟يدققون في كل شي؟؟؟يساعدون؟؟؟جربيتي تطلعين معهم قبل أو لا؟؟؟راح يشاركون في الرحلة ولا ضيوف شرف؟؟؟ عشان يكون فيه تنسيق بينك وبينهم مو تكدسون نوع معين من الأكل وتتوهقون
اتمنى اني افدتك مو قرقه عالفاضي!!!!