حااااااامل !!!!! متى علمت الناس بحملج ؟؟

[أأأميرة الورد]

السلام عليكم كروشات
الموضوع باين من العنوان
متى علمتي الناس بحملج يعني من اول ما حللتي
ولا نطرتي فترة ؟
حبيت من خلال الموضوع ان كل حامل تقول وجهة نظرها
علشان نستفيد
الله يسهل على كل حااااااااااااااااااامل
ويرزق كل محرومة
ياااااااااااااارب :yaaaaaarb:

 

[yasmeen_q8]

انا قالولي اهلي لا تقولين لاحد الا بعد الشهر ال3 بس قلت لام ريلي واخته وابوه وامي واخواني

 

[حبـ admant ـك]

امي و ام زوجي اول ماحللت علمتهم
بس الناس علمتهم لما دخلت الشهر الثالث

 

[العنود العصيمي]

اول ما احلل اقول لامي و خالتي و خوات زوجي و خواتي طبعا

بس الناس بس ارتفع يعني بعد الثالث افضل​

 

[أأأميرة الورد]

رد : حااااااامل !!!!! متى علمت الناس بحملج ؟؟

الله يعطيكم العافيه
ويتمم حملكم على خير
باذن الله

 

[abla 7elwa]

رد : حااااااامل !!!!! متى علمت الناس بحملج ؟؟

الاهل يدرون اول ما احلل بس الناس الباقيين اذا احد سالنى اقول له مو من نفسى اسولف لهم

 

[توكلت على الله 22]

اذا سالوني اقول

بس موقبل 4شهوووور

 

[هيبة ملك]

أول ماحللت أمي طبعا والباقين بعد 3شهور لما ثبتب

 

[MissChoco]

انا اول ماحملت طبعا خواتي وامي وخالتي وحمواتي وخالاتي وعماتي درووو

وبعدها بالشهر الثاني الناس دروو

وخصوصا اول بيبي يكون فرحه لمن تقولين من اول شي

 

[على الطيب تربيت]

رد : حااااااامل !!!!! متى علمت الناس بحملج ؟؟

أول ما حللت وعرفت اني حامل علطول أهل رجلي وأهلي دروا


وعقبها كل من يسألني حامل أقوول إي


بس في نوعيه فاشله تنكر حملها منها بنت جيرانه كل ماتشوفها امي تقول بنتج ماحملت تقولها جارتنا لا ماحملت ادعيلها وامي مصدقه وتقووول ياحرام ادعيلها لين اطلعت الحرمه بالخامس والكرش مبينه وعرفنا

مدري ليش الكتمان والنكران يعني كل الناس تحمل وتولد مو شي نادر

وهم بعد في الي يكتمون ولمن تشوفينهم تعابى تقولين عسى ماشر تقولج لا بس احس بتعب تقولين لها من شنو ترد عليج من ارهاق ودوام وتعب ماتقولج انها حامل


ماحب نوعيات الخش والدس ابد .... ويعني شنو لاقلتي انج حملتي وبعدها لاقدر الله صار شي وماثبت الحمل كله بيد الله سبحانه ...

 

[tmtmt]

من اول ما احلل

بس هالمره اذا الله كتبلي ان شاءالله
ماراح اقول حق الكل الا اذا تطمنت على البيبي بالسونار يعني تقريبا بالثاني

بس اهلي واهل ريلي اكيد بعرفون من اول شي ان شاءالله

وما احب الي تقول حق اهلها
وما تقول حق خالتها
احسها انانيه واستغرب من الريال الي يرضى ما يعلم امه !
اتضايق منهم

يعني باختصار وجهة نظري
لازم الام وام الزوج يعرفون من اول شي

 

[ملكة البحار]

انا ما اقول الا ب الرابع اذا احد سالني قبلهاقلت حامل واذا ما احد سال ما يحتاج اقول

 

[ام احلى خلودى]

بالثالث اقول

 

[رموشا]

انزين والي حواليها يوصلون الشهر السابع وماتعلم هذول شنو تعاملين معاهم هم تقولينهم انا الصراحه كنت عادي اعلم بس الهمره بس نحاسه فيهم

 

[عيون السعودية]

رد : حااااااامل !!!!! متى علمت الناس بحملج ؟؟

أنا علمت في نصف الشهر الخامس وتوفى الجنين في آخر السابع بدون سبب طبي مات في بطني أكيد من عيون الناس ماعرفوا إني حامل وفجأه سمعوا إني حامل في نصف الخامس
لاحول ولا قوة إلا بالله العلي العظيم
اللهم أجرني في مصيبتي واخلف لي خيرا منها
اللهم رحمتك أرجو فلا تكلني إلى نفسي طرفة عين واصلح لي شأني كله لاإله إلا أنت
إدعوا لي في ظهر الغيب لأن الدعوة مستجابة إن ربي يعوضني بجنيني اللي مات
ونصيحة علموا في بداية الثالث تكون بطنك لسى ماطلعت لاتسووا غلطتي

 

[" ام حمود "]

علمت اهل ريلي امه وابوه وخواته بس اهلي ابوي واخواني بس
حق الناس ونشرت خبر اني حامل بعد 3 اشهر لما يثبت

 

[ملكه بكبريآئي]

انا مستغربه انا اول نا ادري اقول ليش اخفي ماخفي لا اول شهر ولا الثاني اقول انا حامل شفيها اغلب الحريم يحملون ويولدون والثانيه اللي اعرفها كل سنه حامل كل سنه حامل اتقول عشان اقهر الحريم شكوووووو كله علا حساب صحتج وزيادة هم وتعب وتربيه. شلي فيها يحر انتي الي بتاكلينها انا الحمداللله رب العالمين جبت بنتي الحين بنتي عمرها 4سنين وانا ااحين بالتاسع عشان الوحده تهتم بعمرها واتعرف اتربي ولها خلق ..انا قلت قصو حياتي لووووول لا بس حبيت اقول وجة نظري انا ماله داعي الي يخبون ويخافون عادي يعني. ماشوف فيها شي

 

[أسم والسلام]

أول مره علمتهم عقب شهرين

وأحس لازم تلقي ناس تخش زي سلفتي لم قربت تولد عرفت أنها حامل مالها بطن

 

[&تعب قلبي&]

انا اول حمل علمت علا طول
بس لاحظت ناس تعيسه تكلمني كل يوم بتلفون ومادريت بحملها الا من ناس انها حامل وبثامن بعد
وناس ثانيه ماتعلم الا برابع
فنكايه فيهم ماصرت اعلم الا بعد3ش

واصلاانااو ماحمل ينتفخ بطني
بطني هوالات من قبل حمل مكرشه
فبعدحمل فضيحه يصير ينتفخ اول شهر
سببلي عقده

 

[أأأميرة الورد]

رد : حااااااامل !!!!! متى علمت الناس بحملج ؟؟

الله يعطيكم العافيه ياقلبي
تقربيا كل البنات اجمعوا ان الأهل يدرون
من أول ما نحلل والباقي بعد الشهر الثالث أحسن
انا سويت جذي انصدمت من الناس تتكلم ويغطون
نغزات انتي ما تعلمين وانت وانت ..........
والله انا من مبدأ ان الحمل يثبت
مو قصدي الخش والدس
الله يتمم علينا ياااااااااارب