- إنضم
- 13 يونيو 2011
- المشاركات
- 343
- مستوى التفاعل
- 0
- النقاط
- 0
ابي اتكلم بصراحه عن ايجابيات التلفزيون السعودي زمااان قبل الدشوش او بالاحرى ايجابيات القنوات الارضيه ,, قبل المهزله التي اصبحت تسعى بين اسلاك جهاز التلفزيون والسبب المدعو ( رسيفر
لما كنا صغار نصحى بدري جداااااا انا واخوي الي اكبر مني ونلعب في حديقه البيت الي كانت اكبر من البيت بزاتو ,, وكل القنوات الارضيه تكون مسكره من الليل وماتشوف على شاشتها الا نغمة ( تششششششششششششش الخ
المهم اول مايفتح التلفزيون نركض ونسنتر قباله من اول مايجي السلام الملكي وحنا نردد معاه الين يطل علينا المذيع بطلته البهيه ويقدم الافتتاحيه بالقرآن الكريم ,,
طبعا كان عندنا هالسلام الملكي مقدس
وكنا نتسمّر على القرآن الكريم ولا نتحرك حركه لان القارئ محمد الطوخي كان يقرأ هالايه قبل مايبدأ في قراءه القرآن :
{وَ اِذَا قُرِأَ القُرْآنْ فَاسْتَمِعِوا لَهْ وَ اْنصِتوْا لَعَلكُمْ تُرْحَمُون }
ونسمع الكلام وننصت ..
ولما يخلص القرآن يجي بعده تفسير القران .. عاد كان يطوول التفسير وكنا نتعب من الشوق والانتظار لما بعده ..
ولما يخلص يطل علينا المذيع بأحلى اعلان وهو بدء الرسوم المتحركه الي تجلس تشوفها ساعه او ساعتين مو اكثر ,, مره في الصباح ومره العصر مو مثل الحين طوووووووووول اليوم
كنا نجلس على الرسوم ونتابع بشغف ,, اصحيح اغلبها كانت تجيب العله بس كنا نتابع لاننا في انتظار حبيب الجماهير ومعشوق الكبار قبل الصغار ( توم وجيري )
زمان كان كل شي له وقت محدد يجي البرنامج وانت مشتاق له ويروح وانت مازلت مشتاق ,, كان التلفزيون عباره عن سله فواكه تقدم كل ماهو متنوع والاهم انها تقدمه بسمه معينه وهي الرقّي
زمان كان يفتح التلفزيون الصباح ويسكر في الليل .. كان جهاز محترم وجنتل مان ,, مو مثل تلفزيون هالوقت الي يبث كل شي في الليل والنهار كنه ابليس لاينام ولايخلي الناس تنام
طبعا التلفزيون القديم كنا نسميه ( الي يطقطق ) نظرا لصوته المزعج اثناء تغيير القنوات ( هذا وهي عشر قنوات مزعجنا تخيلوا عاد لو انه 8000 قناه مثل هالايام ) وماكان له ريموت كنترول , ويالله كل شوي يارايحين ياراجعين تغيير في هالقنوات ( من كثرهم عاد كلها قناتين )
وكان مصدر بث هالقنوات الارضيه هو جهاز رشيق طويل عريض المنكبين يرتز رافعا هامته في سطوح خلق الله ويقف في وجه الرياح والبرد والامطار ويتحدى حراره شمسنا المشاكسه بكل ثقه , وهو ذو ساق حديده واحده وغالبا يكون لونه [ سيلفر] <-- فز قلبها
وله مهمه انسانيه ونبيله اخرى وهي انه مدرج للحمام الذين يصطفون على اكتافه ( ماقولكم سيلفر؟
