جيس دهن بجفن العين

[#أم العز والدلال#]

السلام عليكم ورحمة الله وبركاته


خواتي منو صار فيها جيس دهن بجفن عينها وشنو سوت وراح بدون ما تسوي عملية لأن عمليتي 21/10 وهالفترة حيل مأذيني

 

[خباري مطر]

رد : جيس دهن بجفن العين

ليش عمليه
ما يحتاج
يسمونه جليجل وهذا شكثر يجينى قبل وانا صغيره
ما له علاج الا بمرهم من دكتور
لانج لو سويتى العمليه فترة ويرجع
اعرف بنات من عايلتنا سوو العمليه ورجع لهم مرة ثانيه
روحى البحر او دكتور عيون زين ومده العلاج 5 ايام

 

[#أم العز والدلال#]

رد: رد : جيس دهن بجفن العين

بعد عمري يزاج الله خير حطيت مرهم ما راح

 

[ii DareeN ii]

رد : جيس دهن بجفن العين

انا كان ايني وبصراحه خفت اسوي العملية بس فتره ويروح ياني مرتين وعقبها الحمدالله مارجع

 

[deedaluss]

انا ساعات يطلع فيني و الوالده كانت تسوي عمليات عليها بس بعدين دكتور قالها بس سوي تدليك للمنطقة و ان شاء الله يروح, حطي كامادات دافية و دلكي صبر شوي و يروح عادي ما فيج الا العافية, و حتى لما يروح نصيحة خليج على التدليك الخفيف مرتين فاليوم علشام ما يطلعلج و يتوزع الدهن الي في العين, :eh_s(15):و الله أعلم

 

[#أم العز والدلال#]

رد: رد : جيس دهن بجفن العين

انا كان ايني وبصراحه خفت اسوي العملية بس فتره ويروح ياني مرتين وعقبها الحمدالله مارجع

هلا وغلا أختي دارين عساه ما يرد طول العمر بس ما قلتي شنو اللي استخدمتيه وراح ؟


ويزاج الله كل خير على ردج واهتمامج

 

[#أم العز والدلال#]

انا ساعات يطلع فيني و الوالده كانت تسوي عمليات عليها بس بعدين دكتور قالها بس سوي تدليك للمنطقة و ان شاء الله يروح, حطي كامادات دافية و دلكي صبر شوي و يروح عادي ما فيج الا العافية, و حتى لما يروح نصيحة خليج على التدليك الخفيف مرتين فاليوم علشام ما يطلعلج و يتوزع الدهن الي في العين, :eh_s(15):و الله أعلم

الله يبشرج بالجنة والله تعبني الحمدلله على كل حال بسوي نفس ما قلتي وأسأل الله ما يحرمج الأجر

 

[deedaluss]

الله يبشرج بالجنة والله تعبني الحمدلله على كل حال بسوي نفس ما قلتي وأسأل الله ما يحرمج الأجر

العفو حبيبتي بس لا تحاتين عادي , و بعد سمعت كمادات الشاي الدافيه بس انا ما جربتها بصراحه او ماي دافي بعد الغلي و حطي قطعتين قطن.
انا ادلك بس بس بعد سمعت من دكتور اعشاب مصري انه ممكن تسويين غسول للعين بنقطة عسل طبيعي و شويه ماي و تغسلين عينج انا ابي اجربب
و ادعيلي بالذرية الصالحة:eh_s(9):

 

[#أم العز والدلال#]

بعد عمري لا خلا ولا عدم عسى ربي يرزقج الذرية الصالحة البارة آمين يارب

 

[ii DareeN ii]

رد : جيس دهن بجفن العين

كنت احط كمادات شاي وراح بس يعني اخر مرة طلع لي سنة 1995 وعليج لحساب الحمدالله

 

[#أم العز والدلال#]

رد: رد : جيس دهن بجفن العين

كنت احط كمادات شاي وراح بس يعني اخر مرة طلع لي سنة 1995 وعليج لحساب الحمدالله

عساج ما تشوفينه طول العمر ... يزاج الله خير أختي لا خلا ولا عدم منكم يا كويتياتنا

 

[أم بنوته]

أنا بنتي طلع فيها بعيونها الثنتين وحده راح بروحه و الثانية لا تم يكبر يكبر لما صارت ما تفتح عينها عدل وديتها المستوصف و عطاني مرهم و ما فادها بعدين و ديتها دار الشفا و قالي الدكتور هاذي دهون و اتذوب بالحراره حطيلها أربع مرات باليوم كمادات ماي دافي و قفشة الشاي حطيها بالماي الدافي و حطيها عليها و عطاني قطره و الله حيل تحسنت و صارت وايد صغيره و حتى الكل ملاحظ هالشي
و سلامتج ما تشوفين شر​

 

[#أم العز والدلال#]

أنا بنتي طلع فيها بعيونها الثنتين وحده راح بروحه و الثانية لا تم يكبر يكبر لما صارت ما تفتح عينها عدل وديتها المستوصف و عطاني مرهم و ما فادها بعدين و ديتها دار الشفا و قالي الدكتور هاذي دهون و اتذوب بالحراره حطيلها أربع مرات باليوم كمادات ماي دافي و قفشة الشاي حطيها بالماي الدافي و حطيها عليها و عطاني قطره و الله حيل تحسنت و صارت وايد صغيره و حتى الكل ملاحظ هالشي
و سلامتج ما تشوفين شر​

بعد عمري يزاج الله خير أختي وعسى ربي يخلي لج بنيتج بإذن الله الحين ماشية على الكمادات مني لموعد العملية واسأل الله إنه يروح قبل موعدها

 

[*سوسو ستار*]

انا طالعلي صارله فتره بس صغيره ماتبين بس مشكلتي انسى يعني احط الكمادات مره باليوم ومرات انسى

 

[#أم العز والدلال#]

انا طالعلي صارله فتره بس صغيره ماتبين بس مشكلتي انسى يعني احط الكمادات مره باليوم ومرات انسى

دربالج أختي من الحين سوي لها كمادات أنا مثلج بالبداية هملته ليما كبر وبين فترة والثانية عواره يشلع عيني وراسي

 

[white.candy]

بنات الله يخليكم منو تعرف دكتور يسحبه بنفس الوقت بالعياده
صراحه مو متحملته كللش