جيرانا وكلابهم

[أم سلطان 2009]

قولوووولي ريحووووني شلووون أخلي كلب جيرانا يسووويها بعيد عن باب بيتنا ؟؟؟؟؟؟؟؟؟؟؟؟؟؟؟؟؟؟؟؟؟؟؟

تعبنا والله قلنالهم ما عجبهم ... أو يومين ما يسويها وبعدين يرد مرة ثانية

لاوبعد احنا جدام بيتنا زراعة ونخيل ما يروح صوب التراب ... يسويها فوق الانترلوك اللي جدام مدخل البيت وشغالتي تعبت وهي تنظف مسكيييينة

اذا عندكم خبرة علموني أرجوووكم :yaaaaaarb:

 

[عود ومسك]

ام سلطان حبيبتي شلون يسويها عند بابكم؟
اهو يطلع بروحه يعني؟
انا اللي اعرفه لازم احد يمشيه .. سوري يعني جان اهم ما يستحون ويمشونه صوب باابكم!!!!

 

[dema Q8]

شوفي اختي من خبرتي بتربية الجلاب .. الجلب اذا تعود على مكان تكرمون يوصخ فيه من الصعب انج توخرين منه هالطبع الا بحاله وحده انج اتطقينه بس مو حيل وينطق على ظهره صوب ذيله واهو بنفس المكان اللي يبي يوصخ فيه طبعا انتي ماراح تكونين متواجده دايما بهالمكان علشان تسوين هالحركه او انكم اتخرعون صاحب الجلب قولوله انكم راح تحطون سم فيران علشان يخاف ويدير باله على جلبه او كتي خل او كلوركس مكان اللي يوصخ فيه جربي وقوليلي شيصير معاج

 

[عود ومسك]

انا معاج ديمه بس الجلب ما يروح بروحه اللي اعرفه لازم نطلعه نمشيه يعني مو معقوله سوري ما يستحون يخلونه يروح لهالمكان؟
انا مثلا لو اشوفها تسوي شي غلط اطقها على طول عيب وين قاعدين
ومعاج بموضوع الخل الجلابه والقطاوه اذا وصخو بمكان رشي فيه ريحه قويه يكرهونه:>

 

[أم سلطان 2009]

ام سلطان حبيبتي شلون يسويها عند بابكم؟
اهو يطلع بروحه يعني؟
انا اللي اعرفه لازم احد يمشيه .. سوري يعني جان اهم ما يستحون ويمشونه صوب باابكم!!!!

أهو يطلع بروحة حبيبتي ويدور ويلفلف واحيانا اشوف اولادهم معاة

 

[أم سلطان 2009]

شوفي اختي من خبرتي بتربية الجلاب .. الجلب اذا تعود على مكان تكرمون يوصخ فيه من الصعب انج توخرين منه هالطبع الا بحاله وحده انج اتطقينه بس مو حيل وينطق على ظهره صوب ذيله واهو بنفس المكان اللي يبي يوصخ فيه طبعا انتي ماراح تكونين متواجده دايما بهالمكان علشان تسوين هالحركه او انكم اتخرعون صاحب الجلب قولوله انكم راح تحطون سم فيران علشان يخاف ويدير باله على جلبه او كتي خل او كلوركس مكان اللي يوصخ فيه جربي وقوليلي شيصير معاج

مشكووووووورة ديمة وبجرب الخل حالالالالالا

 

[ســكــّر]

بصراحه فشيله انج تشتكين منهم وفشيله انهم مايستحون بصراحه

المهم انتي الي عليج سويتيه وقلتي لهم بس اظن مو عاجبهم

رشي فلفل اسود او عطيه خلطه ريحته قويه في المكان لما يشمه يتضايق ومايرجع مره ثانيه

بس لو شي ديتول طهري المكان


هالاشياء نستخدمها لقطواتنا الذكور لانه ترش في البيت عندنا وعلى اثاثنا يمكن تنفع معاهم

والله يعينج

 

[lojeeen]

رشي جاز الجاز يعلق و يترسب بالمكان و لما يجي و يدوس على المكان بيتضايق من الريحه القويه و بيتذكر انه هل مكان ريحته مو زينه و بتعلق بجسمه ههههههههه

 

[سكارف.فوشي]

لوجين يا مجرمه قاز مره وحده هههههههههههههههههههه حرااااااام خوفج تحوشه شراره من مكان وتشب فيه النااااااااااااااار ههههههههههههه امبيه
جربي الخل ايبي بطلين خل وعطري المدخل فيهم ههههههه الخل يبط الراس ريحته

 

[lojeeen]

هههههههههههههههههههه انا كنت بقول خل تمدد خيط من نقعه القاز لداخل البيت و تراقب ان جا الجلب و بيسويها سيده تولع
الخل مابيسوي شي بسرعه بيتطاير

 

[سكارف.فوشي]

:dddds:
شناويه علييييييييييييه هوت دوج ههههههههههههههههه الله يلعن بليس ضحكتيني :krkrkr:

 

[sweet cake]

>>> منصدمه ان لوجين مجرمه :eh_s(12):

شوفي الخل احنا الاوادم شلون يدخل بمخنا.. اكيد الجلب اللي حاسته قويييييه يبي ينحاش منها


وييع جيرانكم بصراحه ما يستحون

 

[broor]

مرحباااااااااا

عندي لج حل :050103nbh_prv:
في مادة تنباع بمركز سلطان و ac hardeware
هالمادة للتدريب عبارة عن (سائل بخاخ) اترشين اشوي على المكان و الجلب ما راح يقرب منه
واذا قدرت هاليومين ادزلج اسمه. مايضر اليهال و لا الحيوانات بس يزعجه و يبعده

 

[shurooq]

قالووولج البنات


وفعلا ساعات الييران يسوون شغلات مو طبييعيه واهم الغلطانيين وما يعجبهم العجب


يعني مو معقوله تصير اشكاليه عشان وصاخه الجلب عزكم الله

يعني السالفه فيها وصاخه ونجاسه


جربي خلطات البنات وبشرييينا

 

[قدساووويه كووول]

امم والله مادري

 

[كويتيـة]

انا عندي حل سريع وسهل وبسيط ومجرب انخشي وكودي يمج اكبر كميه من الصخر واول ماتشوفينه حذف بالصخر شي براسه وشي بظهره وشي بايده لين يحرم يقرب صوب بيتكم هههههههههه وييييييييييع مابقى الا الجلاب بعد وع وع وع وع لا وبيسويها بعد ويييييييييييييييييييع

 

[أحب حياتي]

؟؟ .. مو شي ! الله يكون بعونكم.

 

[أم سلطان 2009]

شكرا يا بنات يا كويتيات يا حلوات ... وانا أقول ليش يا ناس أنا أحب هالمنتدى .... لاني استفدت كثيييير منة
وأبشركم خصوصا انتي يا ديمة ... الخل هو الحل
وانتي يا broor اذا حصلتي صورة للسائل البخاخ نزليها وخلينا نشوف يمكن تنفع البنات بعد
المهم صار يومين وما شفنا شي بعد ما رشينا الخل ... لذا ف الخل هو الحل
ريحتوووووووووووووووووووووووني

 

[$$كويتية$$]

مبرووووك الحمدلله ان شاء الله دوووم مايقرب صوب بيتكم

بس يابنات طلعتووو مجرميين لووووووووووول

 

[سكارف.فوشي]

صجججججججججج وناسه بالمبارك