جولتي في محلات الحلويات للتجهيز للولاده

[Emanova]

السلام عليكم بطوطات

انا الحين في جوله بين محلات الكاكاوات و الحلويات علشان اجهز للولاده ان شاء الله اولد بالسلامه و بشهري ( ادعولي عفيه )

علشان استقر و عقبها اقعد و ارتاح ...

اول محل كان امبرس و طبعا غني عن التعريف الموالح مالت التقديم اتونس و حيل نتفه الدرزن ب دينارين و يسمونهم ( نيو كولكشن )

حلو القهوه عندهم مو بالاسم بالرقم فانا خذيت ارقام اللي عجبوني

511-516
الكيلو ب 15 دينار

257-259-206-203-254-264-207-262
الكيلو ب 10 دنانير


و قالت تقدرين اتيبين الصينيه من الحين و نتفق و تدفعين عربون و يوم قبل الاستقبال اي احد ايي و يدفع باجي الفلوس


المحل الثاني شوجر اند سبايس اللي موجود في جمعيه شويخ السكني

الانواع اللي عجبتني

براوني كراميل ( 13 دينار الكيلو )

كريم شيز براوني ( عجيييييييييييييبه ) 13 دينار
و اذا غلفوها بالكاكاو الابيض او الكاكاو العادي او لونوها ازرق او وردي يصير الكيلو 14 دينار

شيز كيك ( 14 دينار )

كراميل شعريه او رهش ( احس انه حلو حق الكبار و العيايز ) 14 دينار

كابوتشينو ( عجيييييييييييييييييييييييييييييييييييييييييبه ) 13 دينار

نيو مارشملو ( خدود البنات ) 14

و في اشياء حلوه و غريبه بس هذول اللي وايد عجبوني

و قالت لي الطلب قبل الاستقبال بيومين

المحل اللي وراه واااااو

طبعا الكل هاب فيه هبه مو طبيعيه ... ما ادري ليش رحت له و انا كل اللي اعرفهم يايبيين منه المهم قلت اروح استطلع

ماكان لي خلق اذوق لان كل حلو القهوه شكله كاكاو و الاسعار من 14 - 16 دينار

عنده معجنات تقديم بس وراني صورتهم لان بس على الطلب مو مثل امبرس تقدرين تشتيرين باي وقت

الدرزن ب 3,600دنانير و اقل شيء تطلبين درزن من النوع الواحد و على الاقل تطلبين 3 انواع

اللي كان حلو الموالح اللي جنها بسكوت و بقصم اللي ينحط بالاستكانه العلبه ب 8 دنانير

و عجبني الجاتوهات الصغيره حيل مالت التقديم 3 دنانير الدرزن


المحل الاخير و كانت امس روحتي له على ما اكمل الجزء الثاني من الجوله

سلفيرينا

اهو عباره عن قطع كاكاو و يقول ان يقدر يدلقمها و يشكلها على كيفي او يحطها بقالب على شكل بيبي و يقدر يلونهم مثل ما انا ابي

الكيلو بدون تغليف 15 دينار و مع التغليف 17 دينار

و بيض الصعو اللي يكتبون عليه الاسم 100 حبه ب 25 دينار

الانواع اللي عجبتني

شيز كيك - كاراميل مارشميلو - اوريو الفستق- براوني -مهلبيه ( هذول كانوا رقم 1 )

اللي وراهم حلوين بس مو مثل اللي اول شيء

شعر البنات - مانجو براوني

طريقه الطلب تودين الصينيه و تتفقين و تدفعين عربون و قبل الاستقبال بيوم تندفع باجي الفلوس كامله و تندز

اتمنى ان الجوله حازت على رضاكم

و الناس اذواق يمكن اللي يعجبني ما يعجبكم و نطروني بتكمله الجوله لما اروح صافي و جنيفا و .....


صج اخذوا احد معاكم يذوق لان راح توصلون مرحله ما تقدرون تاكلون

 

[moonkides]

خوش جولة بس ما قلتيلنا عن احجامهم صغار والا كبار مثل جنيفا

 

[eng.q8]

ايمااااااان خوووش لفه صراحه ورحتى ارقى اماكن ما شالله عليج
وان شالله تولدين بالسلامه

 

[Emanova]

حجام حلو القهوه الحجم الاعتيادي بس موالح امبرس وايد صغيره يدوب لقمه وحده و تحلفين عليها ... بس شكلهم حلو و طعمهم لذيذ

اللي عند واو بس صور ... قلت له ابي اطلب منهم علشان اذوق قالي درزن 3 انواع و على الاقل درزن من كل نوع

 

[Emanova]

ايمااااااان خوووش لفه صراحه ورحتى ارقى اماكن ما شالله عليج
وان شالله تولدين بالسلامه

مشكوره يا عمري الفال ما تجهيز لولادتج ان شاء الله عاجلا و ليس آجلا

 

[{}{}{ سكرة }{}{}]

يعطيج العاااااااااااااااااااااافية

اختصرتي علينا محلاااااااااات الحلو


كتبت الاسماء عندي عشان بس افتر عليهم


مشكووووووووووووورة والله يسهل عليج يارب

 

[:: Diva ::]

ماشالله موضوعج رووووعه وايد مفيد واايد بحطه بالفيفرتس لين موعد ولادتي

 

[المـاسة]

الله يتمم عليج وتولدين بالسلامه

وعليج بالعافية

 

[sondos]

الله يسهل عليج وتقومين بالسلالالامه ..........الصراحه ماقصرتى رحتى ارقى المحلالات

حق استقبال اختى طلبنا من وااو .......حلو القهوة عندهم عجييب ......بس عييبهم لازم تطلبين من كل نوع كيلو .....مو معقوله بحط بالصينيه نوعين .......ماعندهم نظام الصينيه تكون مشكله فى حال الطلب ........لكن اذا جييتى بنفس اليوم ممكن يحطولج صينيه مشكله من الانواع الموجوده ....والانواع المعروضه تتجدد بين فترة والثانيه ......يعنى مو شرط اللى ذقتيه يكون موجود


شوجر اند سبايس ........مووو طبيعى لذيييذ وتعاملهم حلو وتشكيلتهم تووووب <<<<<انصحج فيهم


بس نسيتى تزورين الصافى (النزهه).......الموالح عنده تهببببل وحتى الحلو ...السمسميه عندهم فناتق .....وكل اثنين عندهم تذوق تروحين مابين ال5 لل 6 تذوقين الانواع الجديده من موالح وحلو وعندهم كتالوج للانواع القديمه .....بس الصراحه كلللللله لذيذ >>>احنا حجزنا الموالح منه

ونسيتى بيت النصرالله : عندهم كاكاوات زووووغه ...اظن عندهم محل بجمعيه الضاحيه اسمه جوكلت اند مور
وهم يوصلونه لج المستشفى ...ويجيبولج عينات تذوق
وعموما كل المحلات اذا قلتى لهم استقبال ولاده بيكون افضل واريح لج .........يعنى ودى الصوانى للمحل اللى بتطلبين منه واتفقى على الانواع ودفعى ويوم اللى تدخلين المستشفى تكلمونهم يجهزون الطلب ويوصلونه لج بالمستشفى ....يوم الاستقبال

سلفرينا : حلو بس يغث ........ماحبيناه


الله يسهل على كل حامل ويقومهها بالسلامه

 

[مســـــك]

موفقه يالغاليه

سلفرينيا وايد حلو بالنسبه للحلو والككاو

وامبرس طبعا للميني معجنات

هذا اللي اعرفه ومجربته

وانشالله تولدين بالسلامه يارب

 

[نيلفار]

يعطيج العافيه خوووش موضوع

وناطرين باجي التكلمة



الله يسهل عليج وتولدين بشهرج ان شاء الله

 

[قمرهم-كلهم]

يعطيج العافيه خوووش موضوع

وناطرين باجي التكلمة

 

[om MaRyooM]

يعطيج العافية ع المعلومات الوافية


والله يسهل عليج وعلينا آمييييييييييييييييييييييين

 

[Hello_kitty]

مشكوووره اموووونه حياتي يارب يهون عليج وتولدين بشهرج وتقومين بالسلامه انتي والبيبي

والله تستاهلين كل خير ..

استفدت وايد من موضووعج وياليت تكتبين موضوع نفسه عن جولتج في محلات تجهيز البيبي حق اللي مثلي بجريه وعليميه

 

[++The DuchesS++]

مشكووووووره على الجوله
والله يسهل عليج انشاءالله
وتولدين بشهرج وتدشين العاشر بعد اشتبين لوووووووول

 

[Emanova]

مشكووووووره على الجوله
والله يسهل عليج انشاءالله
وتولدين بشهرج وتدشين العاشر بعد اشتبين لوووووووول

بعد عمري احلى دعوه من بؤك لباب السما

 

[Emanova]

ان شاء الله اليوم المغرب راح اروح جنيفا و صافي علشان اقراب مني

شوكليت اند مور انا طالبه منهم من قبل بس عندي فكره اذا ضبطت معي راح انزل صورها

 

[L.a.v.e.n.d.e.r]

يعطيج العافية

وناطرين تكملة التقرير

الله يسهل عليح ولادتج ويقومج بالسلامة

 

[sOkOnOnO]

عندج غير اللي ذكرتيهم حلو الكاكاو اللي فوقه رمان عجيييييييييييييييييب من واو
و عندج بعد محل مارشميلو آنا أطلب منه شغله حلو
و في محل بحولي جدام بن العميد إسمه مندرين أو دارين عنده موالح تقديم على شكل قفشه من بسكوت وعليها كريمة بطعم الجبن مثلاً جربته باستقبال و عجبتني طريقته حلوة و ذربه​

 

[Emanova]

عندج غي اللي ذكرتيهم حلو الكاكاو اللي فوقه رمان عجيييييييييييييييييب من واو
و عندج بعد محل مارشميلو آنا أطلب منه شغله حلو
و في محل بحولي جدام بن العميد إسمه مندرين أو دارين عنده موالح تقديم على شكل قفشه من بسكوت وعليها كريمة بطعم الجبن مثلاً جربته باستقبال و عجبتني طريقته حلوة و ذربه

مشكوره كتبتهم باللسته علشان الجوله

و اللي عندها اماكن و شافت شيء عجبها خل تقول علشان كلنا نستفيد