جهاز wii كل النادي بالبيت عندج ... عجييييييب لا يطوفكم

[yam_yam]

السلام عليكم

اللي مشتركه بنادي تخليه
و اللي تروح تمشي توقف
و اللي تشتري سيديات توقف
و اللي محتارة شنو تسوي خلاص لقينا الحل _03BA:


و انا اليوم عند رفيجتي شفت هذا الجهاز
بنات الجهاز هذا عجيب اسمه ( وي ) wii

هو عبارة عن نادي متكامل فيه الايروبكس و اليوغا و الركض و الستبس ملوت النادي و كل شي


الجهاز هذا متوفر بكل محلات الالكترونيات
تركبينه على الشاشه و معاه جهاز جبنه و ريموت بايدج و جهاز تحطينه على ريلج
هذي صورته




الجهاز هذا
اول شي تدخلين تختارين شكلج ووزنج و طولج و هو يحط لج برنامج كامل
بالمده اللي تبين تضعفين عليها

يعني مثلا طولج 170
وزنج 80
يحسب لج كتله الجسم و العضلات
و تحطين جم المده اللي تبين تضعفين عليها مثلا شهر او شهرين

و طول ما انتي تشتغلين على البرنامج معاج مدربه تعلمج شنو تسوين و تلعبين معاها كانج بالنادي بالضبطو طول ما انتي تتحركين يبين على الشاشه شنو قاعده تسوين و يلعبون معاج


انا لعبت عليه شويه عجيب بالضبط كانج بالنادي

ادري ماراح تفهموني

شوفي الروابط للاخر و قولولي رايكم


http://www.youtube.com/watch?v=5oNVIcMnZh4

http://www.youtube.com/watch?v=j2XYRd28TOM

http://www.youtube.com/watch?v=t3pfQdADxEs​

 

[تمر حنا]

مشكووره
بس ماتدرين بجم؟؟ واهي نفسها الي يلعبون فيها الصبيان؟؟
حطتي الفكره براسي

 

[layalee]

اي والله شكله يونس يشد تلعبين فيه

 

[q8_6m6om]

عندنا اياه فالبيت حدده عجيب

 

[سبائك]

رووووووووووووووووووووووووووووووووووووووووعه

طحت فيه طيحه بس من بدا رمضان ماصار عندي وقت له بس صج صج حبيييييييييييييييته

مع ان حسب لي عمري وكبرني 15 سنه عن عمري الاصلي بس ميخالف سامحته ههههههههه

ومره زوغلت ما سويت التمرين ويا المدربه جان تزفني :eh_s(1):

 

[مدرسة طفشانة]

حبايبي ما تدرون جم سعره؟

 

[yam_yam]

حياتي و الله مادري جم بالضبط
بس هو معاه ريموت و الشاشه اللي هي تلفزيونج و الريموت بايدج

حيييييييييييل حلو لا يطوفكم

انا بشوف بجم و بقولكم

 

[همامة]

اب

نبي تفاصيل اكثر اللي جربوه كم كيلو نزل وزنهم ؟؟

 

[غلآة امي]

خخخخخخخخخخخخخخخخخخخخخخخخخخخخ

اهم شي اللي زفتها المدربة


انزين هم نقدر نلعب فيه العاب صح؟؟

اهوا جنه اب 100 دينار صح؟

اللي تعرف السعر تفيدنا

 

[امونا]

انا شفت اول فيديو هذا حق وي فت مو وي
وقبل اسبوع وشي تقريبا شفت بمجله الاعلانات محل الكترونيات حاطين جهازين
واحد وي
والثاني وي فت
واذكر اسعارهم واحد بال30ات وال ثاني بال20ات بس مادري بالضبط اي واحد فيهم هالسعر بس اذكر اني علقت على سعرهم قلت خوش والله سعرهم حلو
ويبيله صج هالجهاز لانه يخليج اتحركين وتمارسينه في البيت بلا جو برا بلا شي

 

[yam_yam]

مادري انا بنطر يطلع المعاش و بروح اشتريه

بدال لا اشتري شماطيط للعيد الكبت متروس خخخخخخخخخ
وايد بدل مو لابستها بس باخذ لي جنطه يديده و بشتريه صراحه

ابي اضعف حق عرس بنت خالتي شهر 12

 

[روح مغليهآ]

اينن الجهاز حده بس شلون تركيبه لايكون صعب؟ وشكله مليان اشعاعات والا شلون يعرف ان انسوي الحركه صح؟؟

 

[كلي فرح]

مشكورة حبيبتي على المعلومة
بس حبايبي اللي شروه ممكن يقولون بكم ومن وين؟؟

 

[FOZQ8]

اي موجود عندنا وشارينه اول مانزل
ولا مره جربته .. الكل جربه باجي آنا
حمستوني

 

[FOZQ8]

شارينه اول ما نزل باميه وشي
بس الحين اعتقد التسعينات .. صح؟

 

[قلبي فقلبه]

بنات ياليت معلومات عنه ومن وين شارينه بصراحه محتاجينه حيل اتمنى ماتتأخرون بالرد

 

[yam_yam]

اكيد تحصلونه بمحلات الالكترونيات او الغانم

 

[hnooy]

واللة وناسة اعتقد موجود بالغانم

 

[Blonde B]

بنات اتوني شاريتها بـ 90 دينار

مع الرموت + 15 شريط

و اذا تبين العلبه اللي فيها 25 اداه

" السناره + المايك + عجله القياده + المضرب مال التنس + مضرب القولف + الخ "

تزيدين 15 دينار

يصير المبلغ 105 دنانير

انا توني شاريتها و تجي معاها جنطه مجانا

بس جهاز الوي فت يجي بروحه يعني تشترينه بروح

اتمنى اكون افدتكم

 

[Rurii]

.
.


بنات هذي اذا تبون تشترونها لازم يكون عندكم جهـاز الـوي .. wii

وهو نفسه اللي يلعبون فيه الصبيان و قيمته 110 مثلا مع شريطين ..

و عن هذي اللي قاعده تقولون عنها اسمها wii fit
لازم تشترونه و تركبونه ع الجهاز و هو يحسب وزنكم و شنو تحتاجون و جم عمر جسمج و جذي ..