جهاز ليبو الشفط والشد بنفس الوقت ببنج موضوعي بدون جراحه ؟

[منانا]

السلام عليكم ورحمة الله وبركاته

رشييقات المستقبل القريب ان شاء الله شلونكم

وااضح العنواان !!!!:bbbiu:


اكو جهاز حاليا متوفر باكثر من عيادة اسمه ليبو سمارت او ليبو جولد

عبارة عن جهاز يدخل تحت البشرة من خلال فتحة صغيره ببنج موضعي يفتت الدهون ويشد البشرة (ليبو جولد يشفطها ) وتطلع الدهون من البشرة مع الخروج وانتو بكراامه


الموضووع بشكل عاام ممتاز مبين سهل وتكلفته مقاربة لتكلفة عملية الشفط بس بمخاطر اقل :wqedqw:


الي اعرفه انه موجود ب بيلا كلنك عالدائري الرابع مقابل شامبيون الجابرية دقيت عليهم اليوم وقالتلي السكرتيره البطن بروحه ممكن يكلف من 600 الى 700


ودقيت عالربيعه موجود عنهم ليبو جولد بس ما عطتني السكرتيره لا حق ولا بااطل يننتني عالفااضي

وكلهم لازم استشاره وفتح ملف ب 20

وموجود بعد ب مركز فيرجينيا الي يم عادل قطينه او نفس المكاان


الارقام خذيتها من جريدة الوطن

فحاابه اعرف منكم الي جربت هالشي شلون كانت التجربة

والتكلفه

والشكل والنتيجة


ونسيت اقوولكم انه بس من خلال جلسه وحده وممكن جلسه ثاانيه بس قلييل الي سمعته



:080402ask_prv:

 

[منانا]

شدعوه

 

[shahooda123]

على مااعتقد ان هذا الجهاز موجود عند عادل قطينة سامعة عنه بس اذا شفط الدهون راح يترهل الجسم واذا ترهل الجلد لازم يبيله جراحة مااعتقد هالفتحة اللى بيشفط منها بتشد الجسم ممكن شفط بس شد مااعتقد لازم جراحة وتدرين الدعايات وايد

 

[شيخه***البنات]

up up

up up up

up up

up

 

[كوكو كويت]

up up up

 

[منانا]

على مااعتقد ان هذا الجهاز موجود عند عادل قطينة سامعة عنه بس اذا شفط الدهون راح يترهل الجسم واذا ترهل الجلد لازم يبيله جراحة مااعتقد هالفتحة اللى بيشفط منها بتشد الجسم ممكن شفط بس شد مااعتقد لازم جراحة وتدرين الدعايات وايد

تهقين ؟؟؟ مادري بس اهم مركزين على ساالفة الشد مع الشفط من جذي انا حاابه اعرف اذا احد مجربه شلوون النتاايج

لان هم مبلغ مو هين



البنات الي رفعو المووضوع تسلمون رفع الله قدركم دنيا وااخره



ياريت الي عندها فكره عن الجهااز او سامعه احد مجربه تقوولنا وااايد نااس محتااجين هالشي خصوصا انه أأمن من العمليات ان شاء الله

 

[lolo6688]

انا اعرف وحده مجربته
فلوس عالفاضي
اذا بتسوين سوي شفط ابنج موضعي
الحين كل مكان يسوون
لان نفس السعر
بس الشفط عالاقل يطلعون الدهن والشحون نفس الوقت
وتشوفينهم بعينج

 

[yam_yam]

جربوه البنات هني و كلهم اتفقوا على انه خرابيط

 

[منانا]

من صجكم ؟؟؟ مو خووش سالفه


بس ياريت البنات الي جربوووه يقوولون بالتفصييل شصار معااهم واذا شاافهم فرق حتى لو بسيط

 

[حدي حساسه]

اي والله بنات فيدونا لاني ناويه اسويه بس خايفه ابي تجارب عشان اتشجع

 

[قطوتي]

يقولون خرابيط

 

[((MiSS CuTe))]

الي مجرب يليت يقووووووووووووووول

اب
اب
اب
اب

 

[أرابيل]

أنا مجربته من حوالي 7 شهور عند دكتور لبناني زائر في الرياض
سوالي شفط للجنوب ومافيه اي الم والزين انك بعد العمليه يوريك الدهن الي طلع مافيه دم دهن صافي يمكن شوي دم بسيط
بعكس عملية الشفط العادي الي يشفطون دم ودهن
والشفط يكون باليزر فيعمل على الشفط والشد بنفس الوقت
ويعطيك الدكتور مشد تلبسيه
انا سويتها الصبح وطلعت عادي من المركز بعد ساعتين وفي الليل كنت معزومه طلعت عادي
وناويه اسوي زنودي عند نفس الدكتور
كلفتني العمليه 10000 ريال
والمشد 450 ريال

 

[منانا]

اراابيل


مشكووره حبيبتي على ذكر تجربتج



واليوم كنت قاعده مع وحده قالت تقريبا نفس الكلاام الي قلتييه


تجربتها باختصاار

سوتها عند د عادل قطينه

ولانها سوت اكثر من منطقة حطوولها بنج كامل بس اذا منطقة وحده بنج موضعي

بعد عملية الشفط والشد بنفس الوقت لبسووها كورسيه وطلعت بنفس اليوم متأذيه من اثار البنج الكاامل والم يحتمل بالمنااطق الي فيها شفط وطبعا عطوها مسكنات ومضاادات

في خلال 3 ايام مارست حيااتها عادية ويمكن اذا منطقة وحده بنفس اليوم ممكن تعيش حيااتها عادي

التكلفه تقريبا 1700 مع حساب المستشفى

سوتها بمستشفى المواسااة

البنت واايد تمدح النتاايج ومشالله شفت جسمها منحوت لا اله الا الله الله يتمم عليها يارب


وياريت نسمع تجاارب بعد


يارييييييييييييييييييييييييييييييت

 

[sun_kisses]

احمممممممم


خوش خبر


بس ياربي اخاف حرام <--- داشة عرض


موفقين بنات

 

[منانا]

اهو مو تغيير بخلقة رب العاالمين وان شاء الله مافيه شبهه شرعية



حياج الله

وان شاء الله يفييدونا البناات

 

[hessa21]

خووش موضووع بس انا ابيي حل حق الكرشه لصغيييره قطييعه اول مره بحياتيي اشوفهاا عقب الولااده يابووي

 

[حلوة ومستحية]

السلام عليكم حبيبتي أنا سويتها في بيلا كلينك اللي بحولي ونصيحة السالفة مقصة في مقصة لما تروحين عندهم يحطون لج الشمس بإيد والقمر بإيد وتبين لج ان العملية سهلة وراح تطلعين منهم راضية لكن لما سويت العملية طلعت روحي من الألم أثناء العملية يعني تحسين بكل شي أنا سويت منطقة الفخذ بس وبعد العملية ماقدرت أقوم ولا أقعد حتى الحمام علي بالحسرة لمدة عشرة أيام وما أقدر أقعد من غير الكورسيه وبعد ما خف الورام مكان العملية صارت المنطقة سوده والجلد معرفط يضيق الخلق وغير هذا والأدهى منه اني اكتشفت انها مو مسويه منطقة الفخذ كاملة يعني فلوسي راحت بلاش على منطقة صغيرة بالفخذ وخلوا الباقي

 

[جروح76]

ياربي شهالورطه
يعني نسوي ولا ما نسوي ؟؟؟؟؟
وايد تجارب البناء متناقضه أقصد إن فيه بنات نفع معاهم وبنات ثانيين ما نفع معاهم
يا ربي شالدبره الحين

 

[om reem 86]

احس ان السالفه خرابيط بخرابيط