جني طولت ولا عادي ؟

[vanilla-D]

السلام عليكم و رحمه الله و بركاته

بنات انا صارلي 6 اشهر متزوجه و عادي يعني مو مستعيله عالحمال بس احتياط رحت فحصت و لا يقولولي كل شي سليم بس دورتي مو منتظمه و عطوني ابر تنظم الهرمونات و طنشت ما خذيتهم بس الحين بديت اخاف بصراحه اشوف بنات تزوجوو و عقبي و حوامل فوق ال6 بنات الحين اللي تزوجو معاي و عقبي كلهم حملو ليش انا ما حملت ؟؟؟ بديت اخاف :eh_s(1):

 

[@ام يوسف@]

الله يرزقج الذريه الصالحه

 

[yasmeen_q8]

انا كنت نفسج بس انا حاتيت قبلج لووول يوم تزوجت صدف ان رفيجتي تزوجت معاي واهي حملت وانا لا وهم وحده تزوجت عقبي هم ماشالله حملت وانا للحين شكيت بعمري وكان ما صارلي ٣شهور بس قمت احاتي ليش اهم من اول شهر حملوا وانا للحين ورحت حق دكتور بالسلام اسمه جمال الشرعان حبط ام اللي يابتني يقولي اعطيج منع حمل اقوله مابي امنع الحمل ابيه يقولي لا توج صغيره وتدرسين وتو الناس اكتبلج منع حمل ينني وكتبلي تحاليل ب ٧٠ دينار وقالي هرمون الحليب مرتفع وقمت احاتي بس ما كنت مرتاحه للدكتور غيرته رحت حق نزهت جذبت عليها استحيت اقول صارلي بس ٣ شهور او اقل قتلها صارلي ٦ شهور قالتلي هم تو الناس لووول وسويت اللي قالتلي اياه قامت تعلمني وحسبتلي التبويض بس ما حملت بعد بهذاك الشهر اكتأبت بس في شي كررته علي واايد لا تفكرين بالحمل لا تفكرين بشي انج تفكرين حتن لو ما تحاتين تخربط هرموناتج فوق تحت وامي قالت نفس الحجي فقلت خلاص ماراح اولد بالعطله ما ابي الحين باجل الموضوع حق جم شهر وسافرت شهر العسل ورديت وسبحان الله بالشهر اللي ما كان فبالي احكل بس كانت عضوة قايلتلي حكري البويضه من اليوم العاشر سوي وحملت طلع تبويضي غير حسبتهم المعتاده *

 

[yasmeen_q8]

وسوري ثقلت عليج بس حبيت اقولج الله يردقج يا رب الحمل السليم باسرع وقت

 

[miss_whitemocha]

من التفكير الزايد ساعات الوحدة ما تحمل..
انسي الموضوع كلللللش و شيليه من بالج و إنشالله تحملين..
ترى رحم المرة يحس نفس إحساسها..إذا زعلانة يزعل و إذا متوترة يتوتر معاها..
خليها على ربج و اشغلي نفسج بشي ثاني و ربي يرزقج إنشالله من أوسع أبوابه..​

 

[كويتيه مذهله 87]

مع البنات

اذا كل شي طبيعي الحمدالله خليها علي الله

 

[يا كويتنا]

لو ابقولج لا تحاتيج ما تقدرين لازن اتحاتين

لازم لازم لازم اتنظمين دورتج

وتالي شوفي شيصير وياج

 

[قلب مغليك]

تو الناس الطبيعي تحمل بعد ٧ او ٩ اشهر توج عادي

 

[فاقده ابوهاااا]

كل شي بايد ربج انا بعد سنه بالضبط حملت عادي حبيبتي تركي امرج للهولا تفكرين بالسالفه واذا نسيتيها تراج بتحملين باذن الله اهم شي الحاله النفسيه

 

[shjoonaa]

الله يرزقج ان شاء الله لا تحاتين

 

[! Miss.Q8 !]

انتي لا تفكرين بهالشي لان التفكير فيه يأثر

ومدام الدكاتره قالوا لي كل شي سليم فهالشي بايد الله

كل اللي عليج الدعاء بس والمحاتات الزايد مو شي راح اتعبج

 

[pusy cat]

انتي جاوبتي على نفسج

دورتج مو منتظمه ولا خذيتي علاج

نظمي دورتج وانشالله تحملين

 

[vanilla-D]

والله مادري

مشكوووورين ما تقصرووون

بس ياسمين شنو يعني حكري البويضه ؟

 

[حرمه المصون]

الله يرزقج الذرية الصالحه

 

[vanilla-D]

اجمعين انشالله

 

[بولندية]

في طريقة انا جربتها و وايد بنات جربوها وحملو من عقب الله طبعا

سألي عنها وطبقيها و الله يرزقج

 

[vanilla-D]

شنو اهيا

 

[Model Look]

نفس حالتي

انا 3 تزوجو معاي كلهم حملو وحده قبلي بشهرين والثانيه قبلي بيوم والثالثه بعدي ب اسبوعين

وصارلي ضغط موطبيعي والحين حروه الدوره يارب ماشوفها الا بالاربعين

بس انا دورتي منتظمه

 

[vanilla-D]

الله يرزقج و يرزقنا

 

[vanilla-D]

uppppp