جنيني في خطر

[داليا222]

السلام عليكم خواتي اكتب لكم وانا في قمة الاحباط ..أنا حامل شهرين وتحديدا في الاسبوع السابع وقبل فترة نزلت علي قطرات دم فخفت وراجعت المستوصف اللي اراجع عندهم وكشفت علي الدكتورة بالسونار الخارجي قالت في دم بالرحم وكيس الجنين ماكبر وما في نبض فحولتني الى طوارئ مستشفى الصباح وسويت عندهم تحليل هرموني واخذوا عينات الدم لمعرفة نسبة الدم والتجلط عندي وقالت الدكتورة اني لازم اراجعهم بعد يومين اذا نزلت نسبة الهرمون يعني الجنين ميت وعندي يكون اجهاض منسي ...ومن خبرتني انه احتمال اجهاض ودموعي ما نشفت لاني منتظرة هذا الحمل بفارغ الصبر وقبله هم اجهضت بالشهر الاول ونزل من غير تنظيفات ....فسؤالي هو انه الوحام عندي شوية قل فهل هذا معناته انه اجهاض مؤكد والسؤال الثاني منو بنات تعرف دكتورة وايد زينة اروحلها يمكن الله يكتبلي الخير على ايدها وجزاها الف خير اللي ترد علي وتطمني والله يثبت حمل كل وحدة فيكم ..عذروني عالاطالة لكن حبيت اشكيلكم حالي لان تعبانة نفسيا
ملاحظة : طلعت نسبة التحليل الهرموني 1681هل هي مرتفعة ام لا ..........والشكر الجزيل لكن
داليا

 

[داليا222]

بنات الحين اشوف الخط مشفر انتو بعد تشوفون جذي

 

[جنى الحمد]

ان شالله مافي الا الخير في الدكتورة ليلى اشكناني وااااايد زينه

 

[داليا222]

حبيبتي مشكورة عالرد بس وين عيادتها بالضبط

 

[أأأميرة الورد]

الله يطمن قلبج ويريحج

 

[Mrs.H]

شوفي حبيبتي انتي توووج..

شرايج فيني اللي بالاسبوع السادس قالتلي انتي مو حامل!!! ومافي لابيبي ولا جنين!!! وبالاسبوع السابع نزل دم.. وحمدلله الحين بدش الخامس والبيبي سليم وعرفت جنسه بعد

فانا اقولج روحي حق ليلى اشكناني بالسالمية او المواساة عند فيرجينيا وهم عندج ناهدة العلي بميدان حولي جبال مطافي السالمية.. وارتاحي وتعوذي من ابليس وخلج عالمثبتات واخذي ابرة بعد وان شاء الله مافيج الا العافية

 

[Mrs.H]

ليلى اشكناني: 25715959
العنوان: السالمية - قطعة 9 - شارع الخليج العربي - عمارة برج سيد علي

 

[همسات الدافئة]

ررفع
الله يطمن قلبج ويسهل امرج

 

[ملكة الفرس]

الله يطمن قلبج يا ربي و ريحج و يجعل الظنا في حظنج عاجلا يا رب يا حبيبي و خلي ايمانج بربج قوي
و عليج بالاستغفار و البقرة

 

[داليا222]

أميرة الورد والله يريحج حبيبتي شكرا لمرورج....Mrs.H رديتيلي الامل والامل بالله من قالتلي الدكتورة انه ما في نبض واحتمال كبير انه ميت ظليت بس ابجي بس الحين راح استخير على اي دكتورة من اللي ذكرتيهم وان شاءالله يبشروني بكل خير مشكورة حبيبتي والله يتمم حملك يارب ....همسات الدافئة شكرا اختي لمروج والله يسهل امورنا جميعا.....ملكة الفرس الله يسمع مني ومنج واشوف ولدي بحضني ان شاءالله وانا نايمة عالسرير وكله استغفر وادعي .. مشكورة ياقلبي على هالدعوات

 

[Your Dream]

الله يطمن قلبج ولاتحاتين وايد ترى مو زين

وانا كذا مره يقولون لي مافي نبض ويبين بالثالث

اهم شيء ريحي نفسج ولاتبذلين مجهود والله يثبت

 

[تفداج روحي]

حبيبتي الخيره فيما اختاره الله
وانا كنت مجهضه من قبل وهالمره بأول حمالي قالولي المفروض يبين النبض بس للاسف مو مبين احتمال يكون مجرد كيس فاضي بس الحمدلله عقب فتره بين النبض وانا الحين بالادس الله يفرحنا بشوتهم بصحه وعافيه

 

[ام الحلوااات]

اللــــه يــطــمـــــن قـــلــبــــج

 

[امـ خــزامـى]

الله يطمنك ويحفظ لك جنينك

 

[داليا222]

yourDream,,,تفداج روحي ,,,أم الحلوااات,,,,أم خزامى شكرا جزيلا على دعواتكم ومروركم حبيباتي ولكم بالمثل ويارب يقر عيونا جميعا باطفالنا وان شاءالله مثل ماقلتو يبين النبض لان بعد اسبوع ادخل بالشهر الثالث واليوم رحت لمستشفى الصباح واخذوا مني عينة دم للتحليل الهرموني الثاني ويشوفون اذا النسبة ارتفعت او لا وبعد 3 ساعات تطلع النتيجة وان شاءالله بعدين اروح اراجع في العيادات الخاصة ,,,,,ادعولي بنات ان النسبة ما تقل ويروح الخطر ,,,,,

 

[ام جي جي الحلوه]

الله يطمن قلبج
وتفرحين بشوفت ضناج بحظنج

 

[يتيمة جابر العز]

سبحان الله انتي نفس قصتي بالضبط

وأجهضت مرتين نفس حالتج وتدرين ان ما يقعد الجنين ٥ اسابيع ببطني مايتحمل كلش

وأنهرت وتعبت نفسيتي ورحت للدكتوراه خالده المجيبل برويال حياة وريحتني بضمير بكلامها المعسول

وعطتني تحاليل يمكن اخذوا ٩ قرش عن الاجسام المضاده

وعطتني حبوب وقالتلي للتفكر ين بالحمال لمدة سبع شهور وسوت لي تنظيفات وسوت لي كي

و وربج ان شاء الله بيسرها لج ويفتحها عليج

 

[يتيمة جابر العز]

اذا نسبة الهرمون فوق الألف زين الجنين

 

[كتالونيه]

حبيبتي لاتحاتين روحي لدكتوره غيرها
لانه اكثر الدكاتره يقولون كلام ويخرعون الناس
وهم مافيهم شي
اهم شي ارتاحي ولاتحركين حيل وادعي الله انه يحفظ
مافي رحمج
والله يطمن قلبج وتطمنيني علييييج

 

[داليا222]

السلام عليكم اخواتي اولا اشكر كل اللي ردوا عليّ وعلى دعواتهم الصادقة ...لكن قدر الله انه يصير اجهاض وسويت تنظيفات ..اختي يتيمة جابر العز من الاجهاض تابعتي مع اي دكتورة ؟ لان انا مثلج هذا ثاني اجهاض لي ...كتالونية شكرا لج حبيبتي بس هذي اخباري وما طمنتج والحمدلله على كل حال ...........داليا