جنظة الشاليه ...!!

[فلافل وبطاط]

بنات حدي محتاره ... توني عروس ومعزومه 3 ايام بالشاليه عند اهل ريلي ..

شنو آخذ معاي ...؟

وشلون أرتبهم ...؟

ومادري مكان الموضوع صح ولا لا ....؟

يا ريت تساعدوني ...

:0bee2e8d89:

 

[No0oNh]

حبيبتي أخذي معاج ملابس كاجوال لان شاليه ما ينفعله ملابس خبه وجذي ,, وفوط حقج وحق ريلج وملابس نوم واكلات خفيفه حقج وحق زوجج ,, ومادري بعد ان شاء الله البنات يفيدونج اكثر ,,

 

[السفيرة عزيزه]

لا تنسين عطر وبخورج ومكياج خفيف وكريم الحمايه وبعد دراعتين حق وقت العشا انتي بعدج عروس اهم شي بخورج

ومبروك والله يهنيكم بحياتكم الجديده

 

[فلافل وبطاط]

مشكوري حبيباتي


up

 

[حرم راشد الماجد]

اب اب

 

[فلافل وبطاط]

أمبيه انا اشفيني من العنوان كله بدليات ...


ثانكس حرم راشد الماجد ..

Up

up

يالله بنات همتكم ... لي آخر الاسبوع ...

 

[3aboora]

حبيت ارفعلج الموضوع لانه انا بعد ابي اعرف

 

[ام^الحلويين]

هلووووووووووووو
طبعا حطي ابالج انت محط الانظار يعني لازم تكونين سنعه كل شغلج معاج وبذرابه

شوفي اول شي طبعا مكياج خفيف ومزيل للمكياج ومجموعه ( شور جل وكريم بعد الحمام وعطره ) تلقينهم بمارك سبنسر احلا شي جاينا بلووو وفرشتج ومعجونج
طبعا انا ماانصحج بالبخور لان مع الصيف يصير محزر فانصحج بالعطورات القويه بس بارده يعني مافيها عود مثل المسك عند العربيه عطر قوي وبارد اسمه مميز
روحي حق دايسو تلقين نفس الجناط البلاستيكيه فيها مخابي تحطين الكريمات وملحقاتهم وهم تحطين الشامبو والبلسم واي شي سائل وهم عندهم جناط صغار للمكياج طبعا ادري طولت بس هالاشياء حق اليوم ودوم يعني تستفيدين منهم للشاليهات وللسفر واي طلعه ثانيه
ماراح اتكلم عن اللبس لان كل وحده عندها لبس خاص فيها وفي عاداتهم بس لا تنسين جواتي مريحه وهم جوتي للحمام وانت بكرامه
اخذي ساعات معاج وخواتم
اخذي معاج سله من ايكيا المقسمه وحطي فيها انواع القهوه الجياس وصفيهم بشكل مرتب مع الشكر الجياس وهم طلبي فطاير قبل لاتروحين فشله ادشين ايدج فاضيه
امبي تعبت وشكراااااااااااااا

 

[كويتية أنيقة]

ما شاء اللة علي ام الحلوين ما قصرت بس راح ازيد عليها شوية شوفي حبيبتي ..:eh_s(6):
ا*ول شي جهزي شنطة سفر متوسطة الحجم الي تنجر

]
]بس تكون كشخة لانج عروس والعين عليج .
*ثانيا حطي ملابس داخلية وايد منها الدانتيل والحرير حق زوجج و3من القطن والي يشد الصدر الستيان الهولندي حق لما تكونين مع الناس حق الدراريع والترقات نفس الشي للسراويل .
* حطي قمصان نوم تقريبا 5 (تري الريال تنفتح نفسيتة مع تغير الجو ) و3دراريع حلوة وبسيطة للعشا وترنقات رياضية او لبس كاجول بسيط حق التمشي وجوتي رياضة وجوتي فلات وشحاطة للدراعات ونعال حمام وحق زوجج بعد

.
*اهم شي شنطة الخاصة فيج

]حطي فيها مكياجج من (كريم ضد الشمس -بودرة مضغوطة -قلم كحل -ماسكرا-بودرة خدود شدو- وحمرة حمرة لازم حق لماتكونين مع ريلج بغرفتكم - طقم شور جل وبدي لوشن وعطر واذا في بودرة جسم تعطي لمعة اوكي -وعطر خفيف حق القعدة مع الحمولة -كريم الليل وكريم تحت العين ومرطب وكريم حق الرييل]

.
*لاتاخذين معاج اكسسوارات وايد يقولون عنج موشايفة خير مخترعة انها عروس تبي تطلع كل اغراضها كافي ساعة حلوة وقيمة ودبلتج وتراجي ناعمة

[/url][/IMG]

.
*وحطب بعد داخل الشنطة الخاصة (شوية بسكوت -كوكاو - علج -حلاو مص-كيك قوالب-جيس توست وكلاص جبن للطوارئ تدرين العروس تستحي تاكل وايد جدام الحمولة . وبس تعبت أن شاء اللة اكون كفيت وفيت:ggdw:

 

[فلافل وبطاط]

يا بعد قلبي .... مشكورين وايد وايد فدتوني ....

وماقصرتوا ..

نخدمكم بالافراح ياررب ...

وسامحوني تعبتكم ...


أحبكم

 

[حنايا الروح1]

لله كل هذا لجل 3 ايام اجل لو شهر وش بتاخذ معها خخخخخخخخخخخخخخخخخ


حبيبتي كل شي اذا زاد عن حده بطل

واذا نقص خرب


هذا كل ايل اقدر اقوله لك بس اهم شي نظافه وترتيب بلبس ومكياج لا خفيف مره ولا تقيل مره وبذات بنهار


وحلو تكون عروس وريحتها بخور بذات ع بحر ترد روح وه بس هههههههههههه