اول شي الف مبرووووك والله يتمملج ع خير يارب
نبدا بشغل الحمام عزج الله
حطي فوطه وروب وشي مهم نعال الحمام تكرمين الفنادق دايم يوهقون
وسوالف الشور والشامبو والفرشه والمعجون وغسول الفم والمنطقه الحساسه
نجي لسوالف المكياج والشعر
حطي استشوار ورغوه الرغوه مهمه كحل سريع عند الوهقه خخخخ
والمكياج اذا بشرتج حلوه نصيحه خليج طبيعيه يعني لاتحطين كريم
بس مرطب وكحل الحواجب والمسكرا وكحل للعين مع مورد وحمر ع حسب اللبس اللي معاج
خليج طبيعيه احسن بس اذا بشرتج موحلوه حطي الكريم
نجي للبس
حطي اول شي ع صوب عبايه والبدله والشنطه والشوز اللي بتطلعين فيه من الفندق اكيد بتمرين اهله
مع اكسسواراتها
وبما ان المده اربع ايام حطي قمصانج اربعه
وثلاث بجايم حرير حلوه اول الايام عشان تحسين بالانوثه اكثر خخخخ
وبدل ناعمه مثل نفانيف قصيره او تنانير او بنطلون شكلي يعني
بحدود ثلاث لبسات او اربع
وحطي معاج ساعه ودبله وتراجي كشغل يومي يعني
ولاتنسين تحطين شوزات تمشي مع شغلج
اعرف وحده مرت اخوي رفيجتي مسكينه نست الصنادل ومن سمعت هاسالفه صرت اوصي كل عروس خخخخخ
عساها ماتصير فيني انا بس الله يستر
يالله اذا ذكرت شي برجع
