جندر ميكر منو جربته وطلع وردي وبالاخير يابت ولد ؟؟؟؟

[جمالي مو صج]

هاي بنات

من خلال بحثي في هالموضوع لقيت وايد بنات استخدموا جهاز كشف جنس الجنين جر ميكر اللي لونه ابيض واخضر يشبه تحليل الحمل

وطلع لهم نتيجه غلط طلع وردي وبالاخير طلع اللي فيهم ولد

بسالكم بنات هل كنتوا تستخدمون مثبتات الحمل سواء حبوب او تحاميل او ابر ؟؟؟؟


لان بتأكد هل المثبتات تأثر على النتيجه او لا


بليز ياريت كل اللي جربوا الجهاز يشاركون بردودهم بليز بنات *

 

[Vip qatar]

حبيبتي هاي الاجهزة خرابيط بخرابيط واذا ضبطت ترة صدفة ليش تعورين راسج انتي الحين في الاسبوع 11 وجنس البيبي يبين من الاسبوع ال13 وان شاء الله الله يرزقج بالولد الصالح يارب اشغلي نفسج هاي الاسبوعين وخلي ثقتج بالله كبيرة

 

[Lily1]

بالعكس.. سألت دكتورتي قالت لي ٩٠٪ يضبط وحتى دكتورة رفيجتي تقول ولا وحدة جربته عندها وطلع غلط..

صحيح في كذا وحدة سمعت ما ضبط معاهم بس الأغلبية ضبط وآنا منهم..

 

[جمالي مو صج]

ليلي انا جربته مرتين مره طلع ولد ومره بنت شلووون مادري

 

[ام نواااف]

مادري ماجربته انشاءالله البنات يفيدونج
اذا طلع معاج هالجنسين شكله مومضمون
احسلج السونار انا بين معاي بالاسبوع 13

 

[ام ساره 4]

أنا جربت مو هذا جربت الثاني اللي إسمه إنتيلي جيندر وضبط مع السونار والعلم عند الله سبحانه وكلها إسبوعين ويبين جنس الجنين لا تستعيلين

 

[Lily1]

ليلي انا جربته مرتين مره طلع ولد ومره بنت شلووون مادري

نطري السونار عيل والله يرزقج بالذرية الصالحة والسليمة يا رب :eh_s(7):

 

[أم غازي_الكويت]

للررررفع

 

[*kim*]

اب اب

 

[غرومه غنوجه]

ليش تضلين محيره عمرج مابقى شي كلهم اسبوعين وبتعرفين حامل بشنو
والي ايي من الله حياه الله هذي نعمه حتى لو تحمستي قولي الحمدالله ان كانت بنت او ولد ولاتحاتين

والعلم عند الله

 

[][^lorans^][]

انا جربته ماظبط معاي خرابيط احسه

 

[Meeesh]

خرابيط

 

[زين ودلال]

الله يرزقج باللي تتمنينه ان شاء الله

 

[KOKO_284I]

مافي شي اضمن من السونار

 

[حنان1983]

جربته وطلعلى وردي وبالسونار ولد اكثر من مره عدت السونار والحمد لله ولد
لا تصدقين الاختبار خرابيط والله الشاهد

 

[زمردة مشعة]

توكلي ع ربك .

 

[انجبر قلبي]

انا بحملتين طلع لي وردي و بنفسجي مايل للوردي و يبت بنات الحمدلله الله يحفظهم و يخليهم لي