جناط السفر واحتياجاتج

[fat]

السلام عليكم يا حلوين

اليوم ودي ادردش معاكم بخصوص جناط السفر شنو احسن نوعيه من وين تشترينهم شنو لجناط لصغيره الي ترتبينها بسفرتج مثل جنطه مكياجج جنطه كريمات جنطه ادويه للاحتياط جنطه للاكسسوارات وفي بعد جناط ذربه للملابس الداخليه كل وحدة تسولف وتقول لنا شنو تاخذ معاها اذا سافرت

وحتى اذا تودين معاج اكل ما يمنع تكتبين وشنو النوعيه الي تاخذينها وحتى جنطتج لكروس

 

[Break Time]

هلا حبيبتي

الملابس كلها بجنطة وحده ممكن تعزلينهم بأكياس علشان الوزن لا يزيد الوزن و السبب جناط



و الميكب بمقلمتج العادية


و الكريمات و الشامبوات و كل السوائل بجنطة بلاستيك علشان لو لا قدر الله انبط شي ما يؤثر عالملابس داخل الجنطه الكبيره



واخذي معاج أدول اذا معاج أطفال و اخذي معاج لزقات جروح وميبو للحروق

و هذا اللي حاظرني الحين

اتمنى البنات يضيفون اللي عندهم

 

[fat]

افااااااااااااااااااااااااا ويييينكم

 

[fat]

ما قصرتي يا بريك تايم وحرام عليج شوقتيني وانا مبلشه رجيم

 

[Break Time]

هههههههههههههههههههههههههه ياعمري عادي

لا تنسينا بيوم كسر الرجيم هههههههههههههههههههههههههههه

 

[OutDoor]

فات حتى جناط السفر سويتي لها تقرير لوووووووول
اشبقا ما سويتيله تقرير بعد شنو جنطة كد و مد و خلصنا
يتروالي شوي و تسالين عن انواع الدلقات الي نلبسهم قطن او نايلون
رلاكسسسسسسسسس cool down

 

[fat]

ههههههههه صج صج ضحكتيني اشفيج لجناط انواع في خفاف وانواع معينه خلي الكل يسولف ويستفيد

 

[أمانيQ8]

الجناط نشتريهم من المخازن بالديره والله يكدون كد بس انا مايقه من ارجع من السفر اوزعهم عشان اجدد السنه اللي عقبها...
وطبعا مثل ماهو معروف بالسفر لازم ندور ونشتري جناط ماكو فايده نسافر ب6ونرجع ب12 هذا حال الدنيا

 

[omalbader]

فات موضوعج صج مفيد لان عمري ما تمت عندي جنطة دايما يتكسرون او ينشقون حتى لو انا رايحه دبي خخخخخخ لان الصراحه ما اخذهم غاليين اخذهم رخاص ما يسوى اللي يمسكون لجناط عقب شدعوه بحافظون عليهم شيل و قط ولا يهمهم فما يسوى اشتري جنطة غاليه
اذكر مره شريت جناط من سرداب الشايع وردولي اياهم بدون تواير وعليه على جنطتي
هالمره بشتري بعد من سرداب الشايع :ggdw:

وبالنسبه حق احتياجاتي طبعا اخذ وياي وايد ملابس و بجامات وكل شي والميكب اخذلي فانديشن واحد بس و كحل ومسكرا وعلبه شدو صغيره فيها الالوان لترابيه لنيود وحمرتين مو اكثر
ولكريمات لازم اخذ كريماتي كلها واعتني بنفسي اهناك عشان لما ارجع تكون بشرتي حلوة وتلق

وبالنسبه للشامبوات انا اشتري من اهناك ما اخذ معاي ما يسوا علي ينكت ولا شي حتى لو حاطته داخل جيس ينكت ويروح علي فماله داعي كلش اول ما اوصل اشتريلي شامبو وماسك وشور جل وصابون ودسوس من بدي شوب اذا حصلته بمطارات بره اخذ

ودايما اخذ معاي جنطة صغيره تنسحب حق الطياره بالردة احط فيها الاشياء الثمينه احم اخاف لا يضيعون جناطي فهذي تكون معاي واغلا الاشياء فيها وبس اذا تذكرت شي برجع ​

 

[زعفرانة_73]

موضوعج روووعه لى عوده باذن الله:eh_s(7):​

 

[بنت أبوه]

موضوع حلوطبعنا انالزام اخذ شنط صغيره اخليه تكرمون للجوتي ونعال الحمام واخليه خاصه لشامبو وصابون وعلبة الكلينكس

وتعرفون مايصيرنحط بخور فأخذ معي فواحه وجم شمعه والعطرالي احطه من بدي شوب روووعه

والكبيره احط الملابس عاد الي يسترهالمره باخذ عيالي اول مره واحاتي شنو اخذ

بخصوص الجناط من وين ناخذهم سرداب شايع ورهم سوق السلاح ودي الجنطه ويلبسه لج بنيلون اذا ماتبين لونه يروح او تنشق

 

[_زينه_]

مرحبا موضوع حلووووو

بالنسبه لي اخذ بندول وحبوب مص لاااازم

وغلايه وقهوه عربيه اسويها بالغلايه وشاي ونسكافيه

العام اخذت بسكوت وككاو كله تفقص هالسنه قلت بس باخذ شاي نسكافيه قهوه عربيه

ونعال حمام تكرمون

والشامبو والكريمات والديودرنت والمعجون احطه بجيس واربطه عددددل

واذا تذكرت شي برد

 

[زعفرانة_73]

هلا حبيباتي، أهم شى عندى بالسفر الأدويه بندول نايت / وكولد ان فلو/ بندول شراب .
/ سن بروتكت للشمس.
/ معجون وفرش أسنان وليفة الجسم أحطهم بمقلمات شفافه من دايسو.
/ مشط للشعر.
/ديودرنت.
/ملافع قطن.
/سليبر للحمام(كرمكم الله).
/عطر خفيف.
/الجنط لازم كلها تنسحب وأحط هاند باق خاليه من عندي داخل الجناط الكبيره.
/ جنطه كروس للأوراق والجوزات.
/حذاء رياضى خفيف.
/ فوط للجسم ( أخاف من فوط الفندق).
/ وجوه مخدات.
/ مخدات للرقبه للطائره.
/ جنطة ظهر لزوم السوق هناك.
/ صرف فلوس من العمله المحليه للديره نفسها للتاكسى عند الوصول.
/ دلاقات قطنيه.
/ مرهم للحساسيه.
/ معلومات عن الدوله والبرنامج اليومى( علشان لا نحتار وين نروح )، وان تذكرت برجع لكم.:eh_s(7):​

 

[fat]

ما قصرت كل وحدة شاركت بموضوعي يا الله يا بنات وين الباجي

 

[غلا ريلي]

هلالا بنات
بالنسبة حق جناط السفر آخذهم من سوق السلاح عندهم الغالي والرخيص واذا ماتبينهم يتوصخون من الشيل والحط لبسيهم بنايلون
اغرض السفر اول شي الادويه مثل البدول وقطرة الخشم وحبوب الحساسية وحبة المص وفوار فيتامين c
واخذ معاي استشوار وغلاية ماي وقلاصات وصحون وملاعق بلاستك
ابره وخيط واخذ معاي عدة الريوق مثل اللبنه والزعتر والجبن وحليب بوقوس وشكر مجيس وعسل وهاسوالف وما انسى أوتي صغير للكوي
وتكرمون نعال حمام وأكياس نايلون للمرحاض عن الأمراض وكلنكس مبلل وكلنكس صغير للجنطة
وجنطة كروكس

 

[ياشايل الظبى]

بالنسبه لي اذا السفره فبها شوبنق احط شنطتين داخل بعض
واذا سياحه اخذ شنطه صغيره فيها ملابسي وكريمات وحبوب بندول
واذا الرحله طويله اخذ شنطه سحب فيها تبديله وسناك معاي داخل الطياره

واهم شي اخذ جنطه لي نظام علي جمب لنقالي واشياءنا المهمه

 

[fat]

اب اب اب اب اب

 

[Bint obouii]

المثنى فوق اكو محل جناط اكدون كد جناطه حتى شكلهم ذرب كلهم نفس الديزاين بس احجام

وعندج كبلنق خوش ماركة محلهم بالافنيوز و360

احنا العام لمن سافرنا شرينا جناطنا من بينتون ب 360 تحت جبال اجيال

ولمن تسافرين ماله داعي تاخذين فرشا وشامبو ومعجون وصابون واكل بس زيادة وزن علفاضي

احنا اول مانوصل الديرة اللي مسافرين لها نشتري من جمعيتهم ؛)


وبس

 

[fat]

لا يوقف لا يوقف لا يوقف

 

[kaboOOOOOOOOsa]

الشي الي نسيته وطلع من جبدي اني نسيت شاحن تلفوني ملاقه كل ما اطب فندق اسالهم اما الاشياء المهمه اتوقع البنات كفو ووفوو