جم ميزانيتكم للولادة؟

[Mrs.H]

السلام عليكم ورحمة الله وبركاته

مساء الخير :eh_s(7):

بنات بغيت اسأل عن ميزانية الولادة.. ان شاء الله هذي بتكون اول ولادة لي وماني عارفة شكثر احط ميزانية.. مابي اتوهق حزة الحزة.. ودي اكون متزهبة ماديا ومعنويا قبل لا انصدم بزيادةحساب المستشفى او اني نسيت اشياء مهمة واطق اصبع :eh_s(2):

اول شي انا بولد بخاص وباخذ غرفة ملكية من المواساة او دار الشفا.. جم احط ميزانية المستشفى؟

ودكتورتي برة المستشفى جم احط ميزانية؟

وتجهيز البيبي بروحه من إلى جم يكلف؟

وتجهيز الاستقبال بالكفر والصواني والخدمة والستاند والتقديم جم احطله؟ (لاول يومين مستشفى)

واغراض النفاس دويات ولحم ودياي وملابسي وكريماتي وشغلي شكثر احط؟

انا كل ما اسأل امي تقول لاتحاتين وانا اسويلج وانا احطلج.. حمدلله اهلي مرتاحين ماديا بس انا موظفة ومعاشي زين وماودي ادفع اهلي شي>> مستحية .. احس خلاص كبرت وتحملت مسؤولية نفسي

وجزاكم الله ألف خير

ياارب يسهل على الحمل ويولدهم بالسلامة.. ويحفظ أجنتنا وأطفالنا وأهلنا.. ويرزق الجميع بالذرية الصالحة

 

[قَلبڪْ صًخرْ]

مادري انا بجر نفسج

الله يهون علينا

 

[قـــمـــرهم]

انا بعد بچر نفسكم


بس خوووووش موضوع

ناطرين البنات يفيدونااااا .. انا ماجهزت ولا شي لي الحين

وصج احس التجهيييز حوسه واغراض واجد وصج صج

يبيله ميزانيه ..

 

[RO0O7Y KUWAITYA]

الولاده بالطلبات الي ذكرتيها ملكي ودكتورتج بره ... الواحد بعد مايدري عن ظروف ولادته البيبي يحتاج حاضنه او لاسمح الله تصير الولاده قيصيري خلج بالسليم ٢٠٠٠ وخرده



تجهيز البيبي ع حسب انتي تحديده الاماكن والكميه انا جهزت البيبي الاول ملابس ب ٢٠٠ والبيبي الثاني ب٤٠٠ فهمتيني


وشغل الاستقبال انا كلفني شغلي ليوم واحد ٣٠٠ وهم ع حسب كمية الحلا والاماكن الي بتاخذين منه انتي تحددين هالشي حبيبتي


وشغل النفاس من اكل وكريمات وحوسه كله تقريبا وملابسج الخاصه وكفرج كله خلي ٣٠٠ اذا انتي ماراح تشترين حيل غالي



والله يتم عليج ويسهلها

 

[جواهر23]

بنات انا عندي كفر راقي يصلح لبنوته والله من دون مبالغه توني مسويته عند الاترجه اللي حابه تشوفه تراسلني علا الخاص

اختي شوفي علا حسب المستشفا دقي عليهم اساليهم هم يحددون وان شاءالله طبيعي استفسري انا جذي


والبيبي السرير هو اللي يكلف واذا تبين بدله للاستقبال ماركه هم تكلف وبحدود تجهيز البيبي١٥٠ اذا سنتر بوينت


والمواعين اذا بتاجرين او تشترين في فرق لان المشترا يكلف الصواني والسكاين اذا استقبال يوم انصحج في خدمات تاجير الحريم شعلهم راقي توفرين علا نفسج لان المواعين الحين طارت اسعارها

مدري يمكن فدتج

 

[اخت خالتهم]

حسب المستشفى
انا مثلا المستشفى اللي بولد فيه ان شاءالله مع دكتورتي حاطة ميزانية ١٠٠٠ دينار

 

[درة التاج]

سلام عليكم
عسا ربي يسهل عليك وتقومين بالسلامة
حطي مبلغ 1500 الي 2000 للمستشفى لان ماتدرين شنو يطلع لك وقت الولادة
ميزانية البيبي 200 الي300 دينار
الكفر اخذي جاهز من زارا هوم أو محلات سويت هوم
الفستان اخذي نن محلات اللانجري الطاهر أو قاسم
الماجلة تقريبا 300 دينار
وسلامتك

 

[bto0olah]

على حسب انا كتجهيز ماحسبت اشكثر بس كولاده حاطه ١٠٠٠ دار الشفاء ميني رويال

 

[درة التاج]

حطي استقبالك في أيام محددة
اطلبي حلويات وفطاير من محل معروف ما يفشل
شاي وقهوة وعصائر ١٦٠ دينار
المواعين الاستكانات والفناجيل والقلاسات علا حسب
إذا أمك عندها حلو وإذا لا روحي اخذي طقم كامل وريحي حالك
ييبي لك سيرفس ثنتين للتقديم

 

[Potato]

والله مادري انا نفسج متوهقه وبجر :/
ودي اسوي استقبال ان شاء الله و للحين ما حددتلي ميزانيه

 

[ffanr]

اب اب

 

[زيووونتييي]

أنا فبجري بالنسبه لتجهيز البيبي قطيت أكثر لأنه كنت ماعرف شي وكل شي يعجبني أخذه بس الحين لا حكمت عقلي لول

بالنسبه للاتسقبال يبيله وإيد يعني تحسبين حساب صواني تقديم الحلو والموالح وطقم القلاصات والاستكانات والفنانيين ؤخدمه ضيافه اللي بتييبينها و حلو التقديم والموالح والكبب والشكر وألبسكوتت والكفر ولبسج ومفارش طاولات إذا تحتاجين وفازات للورد والورد والتوزيعات

أنا الحين ناويه أسوي استقبال يوم واحد بالمستشفى وهالسوالف تقريبا طلعت علي أكثر من 700. وللحين ما خلصت

طبعا في أشياء تقدرين تستغنين عنها إذا إنتي مو حابتها بس بالنسبه لي أحب كل شي كامل. ؤالله يسهل عليج حبيبتي

 

[قـــمـــرهم]

اذا ولاده طبيعيه وغرفه عاديه ما اعتقد اتكلف اكثر من ٧٠٠ دك

بس اذا جناح اكيد بتكللللف ..


انا عن نفسي ابي غرفه عاديه



والله ييسر ولادتنا يارب

 

[Nokia N95]

ميزانية الولادة 2000 دينار
لانج ماتضمنين اذا قيصري لاقدر الله او طبيعي

والباجي ... انتي تقدرين تتحكمين فيه ...
الاستقبال
حسب ما انتي تبين