جم معاش خدامتج؟

[؛؛حلاوه؛؛]

شلونكم بنات


جم معاش خدامتج

وشنو جنسيتها

وشنو طريقتج بالتعامل معاها

وشكثر المدة الي بعدين تزيدين معاشها

ومفكره تخلين خدامتج عندج جم سنه؟

 

[أم عبودي الكتكو]

الحين اغلبية الشغالات ياخذون بالبداية 50 والفلبينية 85بس بسرعة يطالبون بالزيادة

 

[سلاسل ذهبيه]

خدامتي نيباليه ل4سنوات ونص كان معاشها 40 وبعد 3سنوات صار 45 ساكنه بشقه وماعندنا شغل واجد ولاطبخ ولاديوانيه
اعاملها باحترام وهي كذالك ولو سوت شي غلط ماازفها قدام الناس او الجهال اكلمها بروحها وتعتذر على طول وكريماتها واغراضها الشخصيه وملابسها اشتريهم من حسابي واحيانا مكالماتها علي واشتري لها هدايا بالاعياد وحاطه لها مسجل مو للاغاني لا تسمع اشرطه دينيه وعندها تلفون تكلم اهلهاويكلمونها
ودي تقعد معي على طول على الاقل لين يكبرون عيالي

 

[وردة الديره]

سيلانيه معاشها 50
معاملتي عادية معاها مااغلط عليها واهيا بعد مو ذاك الزود بس ارحم من غيرها
لو لقيت افضل منها سفرتها

 

[الباسمه]

فلبينيه معاشها 70
كان 60 ولما ردت من السفر زدناها 10
اذا زينه ماراح أغيرها واذا تغيرت أغيرها
ماحب الشكاوي وعوار الراس وعمري ما زفيتها اذا كلش اسوي نفسي زعلانه عليها واصير رسميه حبتين وهي تفهم غلطها وما تعيدها​

 

[^_^يالي احبه^_^]

اب اب ماعندي خادمه بس حبيت ارفع الموضوع

 

[نكهةالبرتقال]

معاشاتهم أول ما اييون 50 ، عدا الفلبين

 

[يازمان العجايب]

فلبينيه
معاشها٦٥
صارلها سنه
بزيدها عقب سنتين أغراضها من ملابس وكريمات وأكل الفلبن علي
ماعندها موبايل مع الراتب اخذلها كرت
اذا تمت علي حالها برجعها علاقتها مع بناتي زينه لانها صغيرة وانا رسميه وبعض المرات اضحك بس بحدود ماازف لا أزعل منها واهي تعتذر

 

[randomy]

كان معاشها 50 وبعدين زدتها 60
سيلانيه
مدلعتها على كيف كيفها

 

[manoooram]

جم معاش خدامتج

50 و 50

وشنو جنسيتها

سيلانية و نيباليه

وشنو طريقتج بالتعامل معاها

ما أفرق بينهم أوضح لهم الشغل اللي أبيه وأتعامل معاهم باحترام ويعاملوني بالمثل لأن لو ما الحاجه ما تغربوا واشتغلوا ببيوت الناس

وشكثر المدة الي بعدين تزيدين معاشها

كل سنتين

ومفكره تخلين خدامتج عندج جم سنه؟

كثر ماتقدر تطول خلتطول خصوصا انهم زينين

 

[AnA_NeYa]

جم معاش خدامتج

وشنو جنسيتها

وشنو طريقتج بالتعامل معاها

وشكثر المدة الي بعدين تزيدين معاشها

ومفكره تخلين خدامتج عندج جم سنه؟


80 و 60 فلبن
وحده زف وصراخ لانها القديمه :dddds: والثانيه ماصرخ عليها وايد لاحقه بعدين
القديمه صارلها 4 سنين معاي بلشت من 50 وحاليا 80 واذا قعدت سنه راح اوصله 85 او 90
انا ماحب اغير خدمي عشان عيالي وما أأمن باي وحده تدش بيتي عشان جذي اضطر ازيدهم

 

[انصاريه قمره]

ما عندي خدمه خل اقولكم عن خدم بيت ابوي
ميري هنديه اول ما يااات 40 حاليااا 80 المره وايد زينه وامينه وعادينها من العايله صارلها عندنا 11 سنه وراحت وردت اكثرمن 4 مرات لانه ابووي طيب حيل معاااهم
الثانيه رتمااا بنت اخت ميري عندنا حوالي 3 سنين معاشهاا 50 زينه بس لسانهااا طويل ومرات شغلها عالمزاج
واخووو رتماا سايق بيت ابوووي يعني العايله الكريمه عندنا ابوي ما اييب من مكتب اييب عن طريق معارف صج بالبدايه اييون ما يعرفون شي وتتعبين معاهم بس ميزتهم مخلصين امينين ما ينكرون النعمه وحييييييييييييييييييييل صبورين لانه امي الله يهديهاا وايد تغلط عليهم وتناجرهم يعني لو وحداا من مكتب جان من زمان ذابحه واحدا من خواتي بس هذول طيبين

 

[aldanaha]

جم معاش خدامتج

معاشها 60

وشنو جنسيتها

هنديه

وشنو طريقتج بالتعامل معاها

عادتها وحده من العايله والله مو خدامتي صديقتي بس بحدود بيتنا جدام احد لا

و

شكثر المدة الي بعدين تزيدين معاشها

انا عندي4 سنوات وزتها لان بيتي دورين والشغل مايتلحق وعندي يهال وحاليا اشولفي خدامه ثانيه تساعدها واعليا ماتلحق

ومفكره تخلين خدامتج عندج جم سنه؟

خدامتي على ول لان والله لو لفيت الدنيا كلها مالقا مثلها

 

[أغلى حبيبه]

نيباليه

معاشها كان ٤٥ والحين خلصت السنتين صارت ٥٠

كانت بتقعد بس اشوفها طلع لها لسان فـ بسفرها عقب جم شهر على مااقدم على غيرها

اعاملها عادي واكلها ولبسها واغراضها كلهم علي

بس احلى شي فيها النظااافه والترتيب

كانت ماتعرف شي وعلمتها والحين شاخت علي شخطتها ع الطاير وبقزرها جم شهر معاها

 

[توتاتوتا]

ما شاء الله تبارك الله الي معاش خدامتها 40 -45 - 50 و ماعندها موبايل شلون ؟؟ لو على الخاص

انا خدامتي اثيوبيه و معاشها من المكتب 45 زدتها على طول 50 و بعد 10 شهور طلبت زياده فالبدايه قلت ماعندي زياده تبين تسافرين سافري بس قعدت و لكن زدتها صار 60 لانها تقارن نفسها بخدم فالبيت شغلهم اقل منها و نفس معاشها

و شاريه جوال من زمان و تكلم انترنت عن طريق هنديه و اشتري الي تحتاج

و اعصب عليها مره و تعصب علي مره

 

[موج الحزن]

بيتنا فلبينيه للدور الى فوق من ملابس ووكوى وترتيب غرفنا وعزكم الله الحمامات
معاشها ٦٠ لها سنه و٤شهور
الطباخه هنديه معاشها.٥٠
النيباليه تساعد الطباخه بالبيت تحت ٥٠ وانخلصت الفلبينيه هم تساعدهم بكل شى من تنظيف وطبخ الهنديه لها سنه والنيباليه سنه كل خدمنا جدد
لان امى الى يروح مايرجع

 

[marshmelo0o]

فلبينيه
60
معاملتي وياها احسن من الزينه كلشي اشتريلها على حسابي بس لكروت على حسابها اهيا ميزتها تسمع كلام بس شوي نسايه ماعتبرها عيبه اخليها تكتب عشان ماتنسى
اذا تمت على حاله زينه بخليها بس اذا بدت تعنفص بفنقرها

 

[بعدك تعبني]

انا عندي 4 خدامات فلبينيات معاش كل وحده فيهم 95 وعندي طباخة معاشها 115 وسايق معاشة 120 وصبي معاشة 70

والخدم والطباخة لهم جناح بروح بالبييت لنه البيت وايد كبيير فيلا

وتعاملي وياهم جدا طيب ارحمو من بالأرض يرحمكم من بالسماء

 

[فاقده ابوهاااا]

عندي نيباليه اول ما يبتها 50 والثانيه فلبينيه صايرلها عندي 6 سنين ومعاشها 80 بس ناويه افنقرهم الثنتين ان شاء الله اول ما اوولد لانهم تمردوا وقاموا يتدلعون وخاصه الفلبينيه اذا كلمتها نص كلمه مدت البوز يعلها الماحي

 

[Miss Cherry]

اللي عندي الحين سيلانيه زينه ونظيفة بس لسانها طويل وانا معطتها وجه بس شسوي الحين الخدم ماينطالوون مو مثل قبل حتى المكاتب مافيها طلبات

معاشها 60 لها اربع سنين الحين عندنا وكل سنة ازيدها حليوه وتحب عيالي هذا اهم شي .. الطباخ انا اطبخ ما خليها تطبخ مرات بس تساعدني

وكل شي انا اوفره لها مدلعتها على الاخر

وعندي سستر لولدي الله يشفيه بس عانيت من السسترات معاناة ماصارت ليما الحين ما حصلت وحده تبرد قلبي واثق فيها وكل وحده اجيبها يكون فيها عيب قوي فاوديها ماتكمل عندي الحين اللي عندي زوينه بس طلباتها واجد كل يوم طالعه لي بشي وانا ماقدر اردها عشان ماتحقد على ولدي وتبرد حرتها فيه