جم لغه تعرفين .. حياكم

[c a t w o m a n]

موضوعي اهو كالعنوان . جم لغة تتكلمين أو تعرفين .. وطبعا " جم لغة تعرفين " أقصد فيها جم لغة تفهمينها من غير لا تعرفين تتكلمينها ... تصير معانا وايد مو جذي .. على كل .. خلونا نستبعد اللهجات كونها مو لغة يعني مسألة أنا أتكلم لبناني وأتكلم مغربي ومصري خلوها على جنب شوي ونرجع لها .. وياليت كل وحدة تعرف لغة ثانية غير لغتها تقولها اشلون تعلمتها .. وحيا الله بنات المنتدى :eh_s(7):


أبدأ أولا بسمالله ..

1) أنا أتكلم ألعربيه شي بديهي .. Mother Language

2) الإنجليزية .. Second Language

3) الفرنسية تعلمتها مع الوقت وفي المدرسة أيام زمان .. وأستخدمها بلبنان مع رفيجاتي بس من أيي الكويت أبدأ أنساها لقلة استخدامها ..

4) المجرية ( الهنغارية ) تعلمتها من رفيجاتي والمقربات من بنات العايلة يفهمون علي لزوم خصوصية الحديث في الأماكن العامة :ggdw:

5) الفارسية .. مممم .. للأسف مش ولابد فيها أفهم عليها بس ما أتـقنها

6) مؤخرا قاعدة أعلم روحي اللغة الفرعونية لأنها تستهويني من الصغر فاللغه قيد التطوير حاليا والكتاب اللي أقرى منه روعة يعلمج أكثر من لغة قديمة مثل البابلبة الفينيقية والفرعونية والصينية القديمة و تفهمين منه أساس اللغة مو بس مجرد حفظ لكلمات .. ماكو شغل صح :dddds:


نصيحة أي لغة اكتسبتيها وتعلمتيها حاولي تستخدمينها على طول ولو بينج وبين روحج عشان ما تنسينها شوي شوي .. ودمتم سالمين .. يلا نشوف اللي بعدنا ​

 

[جوري!]

/




اللغه العربيه ومكسره وقوآعدنآ كله مرفوع بالضمه :ggdw:



انقليزي ان ذبحتنا الثقافه فيه يس ونو ونهز روسنآ يعني فآهمين :eh_s(6):




؛​

 

[c a t w o m a n]

ههههه جوري منو ما يعاني من قواعد اللغه العربية .. بس شخصيا كنت أحبها .. أسعدتيني بمرورج الحلو​

 

[BaTTy]

الللله وايد حلو موضوعج
و انا اشجعج صراحه على حبج انج تتعلمين شي حلوو
و عن نفسي
1 - اللغة العربية
2 - اللغة الانجليزية
3 - اللغه الفرنسية بس مو 100% بس ناوية اقوي نفسي اكثر
و عندي كتاب قعد احاول اتعلم اللغه التركية
و افهم شوي فارسية و اعرف كلمات بسيطه

 

[BaTTy]

الايطالي يشدني وايد بس ماعتقد عمري راح اعرفه
لانه حتى انا و اسمعهم و احاول اتكلم نفسهم ما اعرف صعبه علي شوي
و عندي اصدقاء روسيين هم يحاولون يعلموني شوي بس هم استصعبها

 

[c a t w o m a n]

عندي كتاب قعد احاول اتعلم اللغه التركية

مرورج الأحلى عزيزتي .. اللغة التركية وايد حلوة وسهلة أتذكر أيام ما كنت بتركيا طقطقت جم كلمة وياهم .. الإيطالية هم حلوة يلا عزيزتي همتج تعلمي إيطالي وعلميني وياج​

 

[Stylist]

عربي <<شئ بديهي
انجليزي<<الحمدلله مستواي زين
فرنسي<< يعني اعرف اساسيات ومفردات بس مو فلته

 

[c a t w o m a n]

عربي <<شئ بديهي
انجليزي<<الحمدلله مستواي زين
فرنسي<< يعني اعرف اساسيات ومفردات بس مو فلته

نايس .. يسلم المرور حبيبتي موفقة انشالله ​

 

[##سبحان الله##]

1. عربي طبعاااا

2.انجليزي الحمدالله مستواي فيه ممتاز

3.بولندي << خالي زوجته بولندية واعمارنا متقاربة فتعلمت منها

ومشكورة الموضوع حلو

 

[c a t w o m a n]

1. عربي طبعاااا

2.انجليزي الحمدالله مستواي فيه ممتاز

3.بولندي << خالي زوجته بولندية واعمارنا متقاربة فتعلمت منها

ومشكورة الموضوع حلو

العفو ولو حبيبتي .. بولندي .. ممممم .. حلو .. قوليلي كلمتين بالبولندي ما عليج أمر ورينا اشلون صايرة اللهجة .. راح أأذيكم معي ما عليه فيني شغف مو طبيعي باللغات ويعطيج العافية :eh_s(7):​

 

[^DanaH^]

موضوع حلوووو

بالنسبه لي ..

1. اللغه العربيه طبعا اللغه الأم :eh_s(6): .

2. اللغه الانجليزيه اعطي نفسي فيها 100 % :ggdw:

3. اللغه الفرنسيه 20% :denya: لاني درستها وماطبقتها فماثبتت ..

4. اللغه الهنديه افهم بالسمع بس من كثر ماشفت افلام هنديه :eh_s(3): ..


:aha::aha::aha:​

 

[c a t w o m a n]

لووول تفيد الأفلام والله .. نايس

 

[0(مـــســـ(مطير)ــــــك)0]

موضوعج حلو انا احب اللغات بصراحه واحب اتحجى لغات
بس الجو مايساعد حتى الانجليزيه تبخرت << عشتو يعني اعرف غيرها ههههههههههههههههه

انا اعرف عربي ... وهذي بصراحه كانت اصعب لغه اتعلمها وخذت مني وقت !!!!!!>> حشى بنغاليه
واعرف انجليزي .. افهم بس استحي اتحجى لاني ادري كله بدليات (( رحم الله امرئ عرف قدر نفسه )) هههههههه
واعرف فرنسيه من الثانوي بس تبخرت بعد .. بس لو اسمع اتذكر ...

 

[شروفه البطوطه]

هي هي الحال من بعضه انا نفسج بالضبط الانجليزي مو زود والفرنسي طار
بس صج بوقته ماكنت ناسيته وكنت شاطره فيه

 

[c a t w o m a n]

يحلوكم ضحكتوني :dddds: معلوم اللغة اذا ما مارستيها تصير بخاء ماء .. ما قلتولي ما ودكم تتعلمون فرعوني !​

 

[لماار]

ههههههههه
بنات كلكم تعرفون اساسيات الفرنسي
اتوقع كلكم ادبي
اي خل نشوف نفسنا ع العلمي
هذا اللي فالحين فيه درسناها و ما نذكر منها شي
خخخخخخخخ

 

[c a t w o m a n]

ها لمار شرفتينا بمرورج الحلو .. ساعة استجواب يلا شنو اللغات اللي تتقنينها :eh_s(6):​

 

[أشواق]

خووش موضوع

عربي طبعا مكسر ( ذبحتنا المدارس الاجنبيه )

انجلش من المدرسه وبحكم رفيجااتي والمجتمع

فرنسي ( غرااامي )

هندي ( من الافلام .. افهم بس ما أتكلم )

اسباني ( مكسر للأسف وقيد التطوير ... )

خووووش موضوع

 

[c a t w o m a n]

شي شي يالإسبانيول :sfg: .. لغة لاتينية رومنسية وفعلا المدارس الأجنبية ما تقوي اللغة العربية مع أن اسنخدامها متداول أكثر .. تلاقين الشخص وياج ماشي بالفهم بس خليه يقرى .. مأساة .. أشواق عندي إحساس صغيرورنو يقولي إنج وحدة منهم :eh_s(6): .. اشرايج تعربين لي 6 جمل ألحين ​

..

تحياتي لمرورج الكريم​

 

[لماار]

اتقن اللغه العاميه فقط

العربي الله يخلف علينا حتى اعراب ما نعرف نعرب عدل

و انجليزي مكسر سوالف مشي حالك كلمه عربي و كلمتين انجليزي