جم كان عمرج لما تحجبتي؟؟

[غدير^الجنان]

السلام عليكم

كل وحده تقول جم كان عمرها لما تحجبت؟؟



وتنصحين من اي عمر ان البنت تتحجب؟


بالنسبه لي انا تحجبت عمر 9 سنوات


وانصح ان البنت تتحجب من اولى متوسط احسن فتره علشان تتعلم معنى الحجاب

 

[جوريه]

رد : جم كان عمرج لما تحجبتي؟؟

انا تحجبت برابعه متوسط يعني 14 سنه عمري

بس انا اشووووووف البنيه تتحجب عن اقتنااع مو غصب من اهلها لانها بتكرهه انا يوم تحجبت امي مو راضيه تقولي توج صغيره لما تروحين الثانويه انشالله شمستعيله عليه والله اثاري كلامها صححح بس الحمدلله على الستر

 

[دلوعة الكويت]

رد : جم كان عمرج لما تحجبتي؟؟

انا تحجبت على ما اظن 12 سنه

ومثل ما قالت جوريه تتحجب من نفسها احسن

انا من نفسي

يسلمو عالموضوع

 

[brettey]

رد : جم كان عمرج لما تحجبتي؟؟

انا تحجبت وانا عمري 13 بس كان غصبن عني وتعبت نفسيتي واهلي ولا همهم لاني كنت ابي البسه وانا مقتنعه والله كنت اطلع قذلتي وبالبدايه افصخه من وراهم بس بعدين لا بس قمت اطلع قذلتي واهلي نجره معاي بس الحين يوم تزوجت لا قمت ما اطلعها لان زوجي اولى باني اكشخ له بس انا قلت لزوجي اذا الله رزقنا ببنات ما نحجبهم غصب عشان ما يتعقدون مثلي كل شي بالاقناع

 

[بنت العز]

رد : جم كان عمرج لما تحجبتي؟؟

انا تحجبت بعد 13 سنه و كنت مقتنعه فيه قناعه تااااامه و انا انصح النبت متى مابلغت

لازم تتحجب لأن هالشي فرض مو سنه !!

 

[غدير^الجنان]

رد : جم كان عمرج لما تحجبتي؟؟

مشكورين بنات للمشاركه

بس شفيني انا 9 سنين؟؟ كلكم على 13 و12

عاد انا من نفسي قلت بتحجب

بس انا مع بنت العز

 

[حبنا الله عليه]

رد : جم كان عمرج لما تحجبتي؟؟

تحجبت وعمري 14 سنه

اذكر انه بآخر السنـه وقت الإمتحانات

 

[الشيف رقيقة]

رد : جم كان عمرج لما تحجبتي؟؟

والله زين تسوون تحجبتوا وانتوا صغار، المفروض صراحة البنت على عمر 12 سنة تتحجب وبهالعمر بسرعة تقتنع بالحجاب بس بعدها صعبة الواحد يقنعها.

بس آنا تحجبت متأخرة حيل ، عمري 27 سنة هههههههههههه ، والله يغفرلي يارب ويغفر للجميع

 

[غدير^الجنان]

رد : جم كان عمرج لما تحجبتي؟؟

سلمو رقيقه وحبنا الله عليه

على المشاركه


بس رقيقه مو جنه وايد طولتي على ماتحجبتي؟؟

 

[الغلاااااااكله]

رد : جم كان عمرج لما تحجبتي؟؟

خوش موضوع


وبالنسبه لي
تحجبت اظن كان عمره 13 سنه

لكن عن قناعه تاااااااااااااامه
لله الحمد

 

[الشيف رقيقة]

رد : جم كان عمرج لما تحجبتي؟؟

والله غدير اعترف اني طولت وان شاءالله الله يغفر لي ، ويغفر للجميع آمين ، بس ان شاءالله ان الله عطانا عمر بنتي بحجبها على طول قبل البلوغ بشوي

 

[jolie_q8]

رد : جم كان عمرج لما تحجبتي؟؟

انا تحجبت برابعه متوسط..بروحي..محد ضغط علي
وخاصه لان كنا عايشين بالرياض (سنتين)
فكان هالشي عادي عندي
بس لما رحت الثانويه ..بديت اتحسف
بس الحمدلله تجاوزت هالمرحله بسرعه
لأن البس اللي بخاطري(باليمعات والعزايم)
الحمدلله..وإذا الله رزقني بنت بحببها فيه من الصغر علشان اول ما تبلغ اتحجب

 

[.]

رد : جم كان عمرج لما تحجبتي؟؟

انااا تحجبت باولى ثااانوي يعني 14 سنه.......

 

[Naa7Laa]

رد : جم كان عمرج لما تحجبتي؟؟

وي علي انا تحجبت بثانيه ثانوي يعني عمري كان 16 تقريبا
في البدايه كان اهلي يضغطون علي وصارت سالفه عناد بعدين اقتنعت بروحي ولبسته

 

[^^دموع الكويت^^]

رد : جم كان عمرج لما تحجبتي؟؟

انا تحجبت ب ثانية متوسط وعن اقتناع تام

 

[xxx]

رد : جم كان عمرج لما تحجبتي؟؟

انا تحجبت ب 4 متوسط>>> بالغصب بعد

 

[رفرف]

رد : جم كان عمرج لما تحجبتي؟؟

انا تحجبت وعمري اظن 12 سنة ماذكر بالضبط ...

بس عن اقتناع وانا اللي طحنت ابجبد اهلي علشان اتحجب

 

[roro]

رد : جم كان عمرج لما تحجبتي؟؟

احنا في بينا الحجاب من تبلغ البنت على طول الحجاب اهي من نفسها تعرف وتتحجب

انا يعني تحجبت اول ما بلغت في العطله ما بين رابعه متوسط واولى ثانوي اوتوماتكيا والحمد لله عن قناعه تامه ورضا لان هذا فرض علي وبس

 

[عطر البوادي]

رد : جم كان عمرج لما تحجبتي؟؟

أنا تحجبت بأولى ثانوي وغصب بعد

 

[لبيه لكن!]

رد : جم كان عمرج لما تحجبتي؟؟

انا تحجبت برابعه متوسط <<<< من كيفي تحجبت قالولي تحجبي بثانيه متوسط وما رضيت
جان يخلوني يوم دخلت رابعه استحيت اغلب البنات متحجبين جان اتحجب خخخخخخخخ