جم سؤال

[B7rainia]

مرحبا

شلونكم كويتيات؟؟

ندش في الموضوع بدون مقدمات.. الله يسلمكم انا وحدة احب المكياج الخفيف ماحب الثقيل خصوصا حق الصبح عاد ماحط غير بودرة ماكس فاكتر الذهبية يقولون تغمجني بس انا مو مقتنعة بكلامهم احسه لوني + حمرة + كحل من فوق + مسكرا + شوووية بلاشر بلون طبيعي كلش مايبين

فقلت ذاك اليوم ليش ماتعلم اشية يديدة تكون ناعمة بس نفس الوقت احلى من الي احطه وتغيير

عاد قلت مالي غير منتدى كويتيات فديتكم خبيرات في كل شي ماشالله عليكم ماتخلون شي خخخخ

ابيكم تفيدوني يعني مثلا الشدو كلششششش ماعرفله حتى ماعرف متى يحطونه قبل الكحل والمسكرا ولا عقب خخخخخ ادري مستغربين بس انا مافكرت اتعلم الا الحين ايام الجامعة كنت مكتفية بلي احطه بس الحين تخرجت وفضيت ابي اغير واذا تعلمت بغير الستايل في العيد ان شالله اذا تقدرون مثلا بالشرح والصور تعلموني بكون شاكرة لكم

وابيكم بعد تقولون شناقصني يمكن في شي مهم من المكياج انا غافلة عنه

وفي نقطة مهمة بعد انا تحت عيوني شوي اغمج عاد مرة تفلسفت قلت خل اشتري كونسيلر رحت شريت مال ماكس فاكتر يازعم كلش نفس البودرة الله لايراويكم اذا احط شوي منه جني ماحطيت شي واذا كثرت يصير املح مادري شلون ابيكم تقولون لي شنو اشتري عشان اخليه مايبين وهل لازم نفس ماركة البودرة ولا مو شرط وبالنسبة للون شلون اختاره

على فكرة انا بشرتي دهنية يعني خشمي وفوق وتحت دهني اما خدودي جافة اذا عندكم نصايح بهالخصوص عاد فيدوني الله يخليكم مع اني يوم صرت استخدم غسول كيو ام صرت احس شوي اوكي بس بعد يبيلي

يلا ياحلوات ناطرة ردودكم

 

[B7rainia]

سوري بالغلط كتبت اسم الغسول اقصد كيو في

 

[UNICORNA]

uuuuuuuuup

 

[B7rainia]

شكررررا حبوبة

وينكم بناااات؟!

 

[حكاية شهرزاد]

مممممممممم ,, تبين لوك جديد ,, بسيطة ,,

قولي لي انتي من تشابهين او اي فنانة او ممثله اقرب لج بالشكل ..

لازم نعرف انتي من اي جمال .. عرفنا انج تحبين البسيط ,, بس شكلج يشبه من ؟ ,, وكم عمرج .. ؟ وما هو حجم جسمج , صغنونة ولا ضخمه _ ولا عادية سواء متينة او ضعيفه يعني حجم عادي ؟؟

لانه اللوك يعتمد على حجم البنت , سهل وايد نعلمج لوك جديد وغريب ..

 

[B7rainia]

عمري ٢٢ لوني حنطي يعني تجوفيني فاتحة بس مو بيييضة

طولي ١٧٢ قولو مااااشالله

اما وزني ٦٦ يعني طويلة لامتينة ولاضعيفة بس كلش مو صغنونة هع

يقولون اشبه شيماء جناحي البحرينية اكيد ماتعرفونها بحط صورتها

 

[B7rainia]

http://t1.gstatic.com/images?q=tbn:ANd9GcQAzINT9nBxicSkxQnu0cAcVEN4kvcgvvldnPfc7j-RoZJflRPI

http://t3.gstatic.com/images?q=tbn:ANd9GcQri2ulthGZXEIYbxioNiXTrB3k7WnGmi62XzX4GYZYMWrEqdIY

شعري اسود مثلها ماحس روحي اشبها بس الكل يقول

 

[حكاية شهرزاد]

انتي طويلة وملامحج خليجية وتبين ستايل جديد ,, الاسود ماراح يعطيج نعومة ولا جاذبية الا اذا كنتي بيضة حيل وعينج ملونة ..

الاشقر مايناسبج الا اذا كنتي على طول بقصير وبحفرة وبلوكات مو من تقاليدنا

البني راح يزيدج سمار اذا ماعرفتي حق مكياجج وحق لونج ,, البني لون صعب ولوكه صعب يصلح للخبيرات , اذا انتي خبيرة فهو احلى لون عليج واشور عليج بلون الكستنائي الغامج . مع الحفاظ عليه ,

ولكن في لون جرئ وموضة حاليا حلو على المملوحات والخليجيات بحيث انه يضيف عليهم رونق وحركة بشكلهم .. وهو لون الحنة ,, بني على احمر ,, بني محمر .. مايصلح للبيض ولا للسمر حيل ,, وجذاب على الحنطاويات واللي لونهم برونزي وملامحهم خليجية ..

http://t1.gstatic.com/images?q=tbn:ANd9GcSvitbVC3IYWmErStZHQOeQdT-248ZNtK1yw3oXDrJeRuxZxAn5

خليه غامج ,, بأنه يكون بني على احمر .. وحركة حلوة انه يكون صديقج وملازمج .. ومن اهني هذي اضافه طبيعية الى جمالج ..لانه يناسبج ..

حواجبج خليهم عراض ,, لاترفعينهم اذا كان ويهج مومثلث .. ولا تقربينهم اذا كان ويهج مدور ,, ولا تسوينهم بأشكال القوس والمثلثات اذا انتي من النوع اللي قاسية الملامح ,,

الافضل عراض وامشي على الخط الطبيعي ..

http://t0.gstatic.com/images?q=tbn:ANd9GcR2nuJS72gPxqglkv07ir9suqdvMUHs0GBWWLn9fdPnpI2HG7-fvg

http://t3.gstatic.com/images?q=tbn:ANd9GcR6ePZ5t44u98OvuQylBaRVs2QESwDHPX8-tZahOhJGCSjJiko-AQ

الحواجب هي تحدد اصل ويهج ,, وتبين للكل عمرج وحقيقتج ,,

تكلموا وايد اهني عن شلون تكثفين من حواجبج ,, وعن الظلال وانواع المكياجات لهذي المنطقة ..
خذي لج جل شفاف + مسكره حواجب لونها بني غامج + قلم حواجب + عجينة الحواجب + شدو بني او رمادي + قلم ابيض ..

التطورات وايد والمواد كلها آمنة وعجيبة..

عندج الحين الاساس ,, دوم الاساس افتح منج بدرجه ,, بس ديري بالج انتي مابتاخذين البيج العاجي , الاصفر ,, لانه بيزيد من بهتج ,, بتاخذين البيج الوردي ,,

وافضل انج تاخذين جلسة تان بأحد صالونات البحرين اللي عندهم هذي الجلسة الخفيفة علشان تعطيج لون حنطي مركز او لون تان نضر ..

من هالصالونات : مركز ديسانج ,, العدلية _ البحرين ..

واهني بيكون عندج لون حلو وشعر حلو وحواجبج حلوين ..

غيري من ماكس فاكتر ,, واخذي لج اساس سائل من هيليناروبنشتاين hr , غيري البودره واخذي لج بودره من جفنشي او من كلينك .. (( الامور هذي موجوده بسيفورا )) ..

وبما انه حواجبج بيكونون عراض وشعرج على احمر ,, فالمسكرة النيلية الزرقة راح تتفاعل مع ملامح ويهج ..
وتلقين المساكر الملونة الخضرا + البنفسجية + البنية + الزرقة ,, في (( لايف ستايل )) ,\

ويكيفي الشدو تخلينه لون واحد , وتستخدمين درجة الوردي البيبي ,, او البيج ,, مع ملاحظة انج اذا خليتي اللون الفاتح فشديه الى فوق .. لانه فاتح يعني غطي الجفون كلها ..

وتقدرين بعد تستعملين الشدوات من ماك مع الفيكس اللي هو السائل الشفاف اللي تكلموا عنه اهني ,, ويعطيج اي درجه شدو تعجبج بحقيقتها على جفونج ..

اما الحمرة دشي على الوان الموضه ..

بس انا انصحج بالشعر + بجلسة التان + بالاظافر لانها رمز الفتاة الحسناء+ الحواجب + وبعدين يجي المكياج اللي هو وايد ويعتمد على ذوقج \

غيري من (كيو في ) ,, بالنسبة للغسول هو زين بس بسرعه تستفيد منه البشرة \

وعليج بمستحضرات جونسن الجديده \تنظف عدل \وتنعش \ وتناس الكل , عكس لوريال ونيفيا ,, وهذلين تحت الايادي بكل مكان ..

 

[جوهرة البحرين]

بسم الله الرحمن الرحيم..

سالفتج بسسسسسسسيطة ومايبيلهة شي افا عليج بس
بصراحة حكاية شهرزاد كفت ووفت ماشاء الله عليها..رايتها بيضة

ياسلام ياسلام متخرجة من الجامعة هاااااااااا ويا ياحظج الفال لي يارب قولي اآآآمممممممممين

شوفي حبيبتي هني وايد وايد بنات ماشاء الله حاطين لوكاتهم واكيد راح تستفيدين..
مثال :
عندج ام علي +قلامور>>خبيررات ومافي عليهم حاطين دروس
+حلاوه حمرة لوكها نعووووووووووم يهبل وذرب+مانورام +فوشيا قيرل..

وفي بعد قسم لوكات متجددة انتي شفتيه من قبل اتمقلي فيه زين مازين واكيد بتحصلين لج لوك يعجبج

دوري بالصفحات والله في واااايد لوكات ماشاء الله روعة
وفي عندج اليوتيوب يعلمونج خطوة بخطوة هم بعد بتستفيدين منة..

ملاحظة:
لفت انتباهي طولج ماشاء الله صكيتي علي انا طولي 163 خخخخخخ يسموني زرافة البيت عيل اذا وقت صوبج خلااااص بصير صفر خخخخخخ>>امزح

اتمنى اني افدتج ولو بشي بسيط..

موفقة والله يحفظج..

 

[جوهرة البحرين]

واذا ناقصج شي وتبين استفسار لايردج الا كيبوردج يالغالية
بس ردي علي ع الخاص لان انسا المواضيع اللي ارد فيها

 

[! Miss.Q8 !]

احسن حل تدخلين اليوتيوب وتشوفين دروس

انا تعلمت وايد شغلات من اليوتيوب والله

واحلى شي انه صوت وصورة يعني احسن من الشرح والكتابة

شوفي هذي انا احب اتابعها مكياجها وايد حلو

http://www.youtube.com/user/MakeupGeekTV

 

[B7rainia]

شهرزاد مشكووووورة عنوني ع الرد حددددددي استفدت منه والله

حواجبي اوردي عراض ونفس الصور الي حطيتيها بس انا اخليها تقص الاطراف شوي مب وايد

وصبغ الشعر الله يسلمج ودي من زماااان بس اخاااف لانه انا شعري اسود واحب لونه قالولي لو صبغتيه بيخترب اللون الاصلي بيصير املح عشان جذي مترددة

 

[B7rainia]

جوهرة حبيبتي عقباااالج تتخرجين وتفتكين

انا طويلة اي بس احب طولي وايد هع كنت متينة الحين ضعفت صار احلى

وناااسة بروح اشتري اغراض العيد هالجم يوم سايزي تغير هع هع

 

[B7rainia]

مس كويت اي والله مالي غير اليوتيوب عاد ان شالله افهم

 

[B7rainia]

وينكم باقي البنات ابي آراء مختلفة

وللحين ماقلتولي عن الكونسيلررررر

 

[B7rainia]

مس كويت جفت اليوتيوب ماشالله ناعم الي حاطته خصوصا اللوك الاخير بس احس هالسوالف يحطونها لكم عندكم خلفية شوي عن الموضوع اما انا يبيلي سنة لين اتعلم خخخخخخخ

 

[خزنه]

بنات شنو يعني كونسيلر
والله لا تضحكون علي ماعرف مع العلم عندي سواد تحت عيني اااااامممممم يبين بالمكياج

 

[B7rainia]

شي تحطينه قبل المكياج ع السواد الي تحت العين وعلى الاشيه الي تبينها ماتبين

بس محد رد عن هالموضوع