والله انا كل الدكاتره قالولي وكليها بعد 6 شهور.. لان اصلا الجسم ما راح يستفيد من الاكل قبل هالوقت ..
ان شاءالله من تكمل 6 شهور بلشي معاه خضروات وتدرجي بالالوان على كلام دكتورتي... يعني بلشي بالشغلات الصفره فالاحمر فالاخضر وجذي يعني عيش مصري مفيوح ..بطاط مفيوح .. جزر .. قرع .. كوسا..بروكلي مع نتفة ملح وجذي عرفتي طبعا تضربينه بالخلاط مال اليهال عشان يصير سهل الاكل .. بعدين لما يصير الياهل 7 شهور تقدرين تبلشين تفوحين الخضار بماي الدياي او ماي اللحم بدون ايدام وتقدرين تضيفين النكهات مثل بصل و كزبرة و بهارات خفيفه عشان يتغير الطعم
ولما يكمل 8 شهور بلشي دخلي الدياي بالاكل و طبعا شوي شوي خففي من لزوجة الاكل يعني خليه يصير مثل التشريبه خاثر
وعال9 شعور تقدرين تحطين لحم مفروم او قطع لحم مطبوخه زيين بالاكل عشان قبل هالوقت انزيمات الكبد ماتكون شغاله وموزين يمكن يمرض الياهل من الفيروسات الي باللحم
و بال10 و 11 شهر لازم الياهل يكون متعلم عدل انه ياكل ويكون متحكم باديه انج تعطينه بسكوته او خياره ويقدر بروحه ياكلها
ومن يكمل السنه لاااازم ياكل اكلكم بدون لا تقليلين بهاراته او تضربينه بالخلاط . لازم ياكل مثلكم ماعدى الفلفل طبعا لول
وديري بالج العسل ما ياكله الياهل الا عقب السنه
طبعا من عقب ال6 شهور عادي عطي الياهل بسكوته وسيريلاك اذا مافيه حساسيه .. بس اهم شي خلي بالج انه تعودينه عالخضار قبل الفواكهه لان في يهال يستطعمون الفواكهه لانها حاليه و ماياكلون العيش وجذي عرفتي
وبس هذا الي اعرفه من دكتورتي من كتاب وزارة الصحه الي معطيني اياه المستشفى
ان شاءالله اكون فدتج
وبالنسبه للتطعيم .. اي تقدرين تاخرينه عادي بس مايصير تجدمينه واذا تطعيم الشهرين اخرتيه لازم التطعيم الي عقب همن تاخرينه لازم يمر شهر فاكثر بين التطعيمات ال5 الاولى عرفتي.. وتاكدي ان مايكون مسخن او مريض او فيه اسهال
![([عطر رومانسي])](/data/avatars/m/84/84055.jpg?1621060859){kind=avatar}
