جم حطيتي ميزانيه للعطور والمكياج .؟!

[يركدون]

السلام عليكم

آخباركم يَ حلووُين :eh_s(22):

حبيت انظم ميزانيتي بعد التصفيه < توها تستوعب

ابي اعرف جم احط بظرف للمكياج والعطور

يعني الحين انا بنظم :eh_s(2):


احط جم فلوس للعطور يكفيني

وهم للمكياج

ابي اعرف انتوا شكثر حطيتوا

 

[مسـك]

انا حاطه في بالي 500 اذا مو اكثر

 

[كلي لكـ]

500 اتوقع كافي

انا للحين مافكرت بالعطور والمكياج يمكن بعد العيد اقسم له

بس اذكر العطور العربيه والبخور والمرشات خلصتهم من المعرض كلفوني 200 او اقل بشوي

يعني شوفي شنو تبين تشترين وفري عالمحلات شوفي الاسعار وبعدين حطي ميزانيه

ولاتكثرين عطور راح تملين منهم

والله يوفقج

 

[[[ عيون جابر ]]]

انا حطيت 300 بس للعطور الفرنسيه والعربيه والبخور ودهن العود ما كثرت كلش لأن بدزتي يايبين لي اشكال وانواع من العطور يكفوني سنتين جدام

 

[يركدون]

مشكورين

وبعد آب

 

[البرنسيسة غلا]

تقريباً 500 دينآر كآفيه للعطور و ـآلمكيآج


و بآلتوفيق يَ رب​

 

[يركدون]

تسلمين برنسيسه

 

[بـلآكـ مآتدري]

الحين انا خلصت عطور فرنسيه ومكياج 500 تقريبا
باقي العربيه والبخور بحاول ب100 اخلصهم
يعني تقريبا 600 او اكثر شوي

 

[لسووعه]

لاااااااا تاخذين اكثر من 4 عطور فرنسيه وواحد منهم مجموعه واخذي دهن عود ومسك وبخور شخصي حتى لو غالي بس اهم شي مميز و اخذي لوشنات من باث اند بودي قبل عرسج بشوي لان العطوور بتشترين اول ماتتزوجين بتروحين السوق وبيغصبج تشترين وماراح تلقين شي تشترينه الا العطور والميك اب اخذي الاساسيات اللي متعوده عليهم ولا يقصون عليج صاحبات المحلات ويقولون هذا حلو وعليه طلب خليج ع اساسياتج وبسسسسسسسسسسسسسسسسسسسسس يعني 500 واجد عليهم بعد ديري بالج تصرفين اكثر ترا انا 200 خليت والباجي امي شرت لي ااياهم لان هالشي مايبين عند الناس كثر البدل والدرراريع والعبي هذيلا يبيلهم ميزانيه وبتتوهقين وتقبلي مروري وبالتوفيق يارب

 

[Q 8 Y A t]

انا فوق الالف

عطورات عربية وفرنسية وبخور غاليه ودهن عود وخمريات ومرشات الشقه والمكياج



وماخذته من المعرض

 

[a7la siorah]

كنت حاطه لهم

300 مكياج

300 عطور

بس للاسف زدت حييييل وكثرت حييل وطبعا امي شبعتني زف هههههههههههه

 

[ترجمة احساس]

اب لعيونكم

 

[sweEety*]

أنا وااااااااااااااااايد قطيت عالعطور الفرنسيه و الشرقيه
و الميك اب كلف علي وايد
بس الحين ندمت من قلب لانه شريتهم ببداية تجهيزي ز ما حسبت حساب الأشياء اللي يبيلها ميزانيه ثقيله مثل البدل و الذهب

لا تسوين مثلي كل اللي كان يعجبني اخذته سواء مهم او لا والحين كل ما اشوفهم اقول وين المكان اللي بيكفيهم

الله يوفقج و يوفق كل عرووووس انشالله

 

[أميـِـِره]

^
^
^
نفسسسسسها بالضبط تحسفت حييييل لاني قعدت اشتري وماحسيت بالميزانيه العطور الفرنسيه بس كلفتني ٥٠٠ والمكياج ١٥٠
غير البخور والمرشات 

خلوووو العطور اخر شي لا تسوون مثلي *

 

[sweet-kamelia]

والله انا اشكثر اشتريت عطورات عربيه وفرنسيه .. بصراحه متووهقه فيهم ...
قسمي نفسج .. شوفي المحلات دبنهامز وتاناغرا للفرنسيه .. فيكتوريا سيكرت لازم يكون عندج اثنين او ثلاث عطورات من هالماركه اغراء بصراحه انا خذيت منهم بس للأسف كثرت لاني احب هالماركه ..
عندج المجموعات التوب ون باث طبعن للجسم
عندج العربيه .. شوفي دار زكيه بالفروانيه عندهم شغلات حلووه مثل مرشات الفرش والشقه .. القريشي في بالافنيوز انصحج تاخذين منهم حنينهذا اللي عندي وامدحولي هند وبروح اشوفه ..
الجزيره لازم يكون عندج عطرين او ثلاث ..
البخور والمعمول .. شكثر عدي وخربطي انا كل تجهيز خذيتع من السعوديه من الهدا شي اتميز فيه مونفس طابع البخور اللي دارج عندنا ..
اما البخور العود باخذ من بخور الدزه للحين ماخذيته ..

والله يوفقج حبيبتي .. والله يتمم لج على خير

 

[كتكات احمر]

واااااااااااااااااااااااااايد 500 اشدعووووووووووا

خلي ال 500 للبدل والدراريع احسن

من يدري عن العطور والبخور من صجكم انا خليت لهم 200 وبسسس

 

[الله ياكثرعذالي]

انا كلفوووووعلي تقريباا 1500 دينار او 1350 شي جذي بالهحدوود عطوور ومكياج واحــــــــــــــس بعــــــــــــد ما خلصـــــــت...... مكيااج والعطوور في جممم واحد بخاطري :/ مال اول يوم مادري شنو اخذذ :/ بس انتي سووي كنترووول حيل وكتبي الي بخاطرججج عشان ما اتوهقين انا فوق هذا كنت كاتبة لستة :/ ومشيت عليهاا وحذفتها لووول لان بالوااقع ترا غير بالمختصر بتغشيــــــــــن​

 

[حكآية قلب]

إأآممممممممم

الميك آب و العطور الفرنسيه .. يمكن 500 او 600 << كل يوم تروح تآخذ لهـآ شئ مآراح تخلس هههههههههه


العطور العربية اغلبهم من دبي و البخور .. والله وآآآيد ..



الله يبارك لنآ فيهم ان شالله

 

[كلي لكـ]

اللي تقول 500 واااايد

اذا العطور الشرقيه والبخور والمرشات تصك بروحها 300

شلون لو مع ميك اب وعطور فرنسيه وتدرون العطور غاليه مورخيصه

صج كل وحده و ميزانيتها

بس عروس ولازم تغير وكل يوم تبخر البيت والمرشات تنوع فيها

مادري شلون تفكرون !!!

 

[لسووعه]

كلي لك 500 واجد لان اهي بس تاخذ عطورات خفيفه يعني 3 او 4 وواحد من فكتوريا سيكرت وبودره وواحد من العطور مع مجموعته وتاخذهم من المطار او تطرش اي احد يطلع عليها نص السعر والدهن عود واحد وبخور تولتين ومعمول رخيص مو غالي ومسك وبعديين اذا بتاخذ ستين الف عطر مثلا كل يوم بتحط عطر لي متى لي سنه وبعدييين من اول اسبوع بتشترين عطور مع زوجج وقولي لسووعه ماقالت انا نصحتكم لوجه الله وانتوا مثل خواتي وهذا اللي سويته وبعد احس اني مو كافيني مهري والميك اب الاساسيات ماتكلف ومو بالضروري كل الميك اب ماركه المهم الحمر الالوان الاساسيه وبودره واي لاينر وفاونديشن وكونسيلر ومسكرا والباجي الله يخلي الهنود اشتري كل اللي بخاطرج مايطلع اكثر من 30 او 20