جم تكفيني ميزانية لندن ساعدوني بليز

[عذبة الأوصاف]

السلام عليكممشلووونكم ي أحلا كويتيات الله يخليكم أبي اروح لندن جم تكفيني ميزانية لاسبوعين بالضبط

 

[موله الكويت]

هلا وغلا
حاليا حبيبتي الاسعار قاعد ترتفع اذا سفرتج بالصيف حجزي من الحين افضل
الحين الاسعار تقريبا للشخص ب 245 عالاماراتيه و 185 عالاتحاد والبريتش 200
والفنادق لندن غاليه الليله اقل شي ب 80 دينار
فحسبيها اذا انتي وزوجج التذاكر 400 دينار تقريبا
السكن يطلع نااااااااااار بحدو 1120 دينار
اذا تبين شقق فندقيه ممكن تحصلين ارخص ان شاء الله
ان شاء الله اكون فدتج

 

[عذبة الأوصاف]

تسسسلمين حبيبتي ماااقصرتي والله

 

[مشتطـه]

اذا انتي نظامج تتسوقين وتشترين يبيلج 3500

الفندق مو شرط قريب بعدي شوي ارخص يطلع
وروحي بالباص للاكسفورد

 

[د-سوسه]

أنا اشوف ميزانيتج حسب صرفج لاتتأثرين بأحد يحط لج ليميت ..
دايما اسمع من صديقاتي بالسفر الفلوس ماكفت واحط ميزانيه مرات اقل منهم واتكفيني لاااا وارد معاي فلوس..
الي انصحج فيه ان اتامنين السكن والتذاكر وتحطين ميزانيتج وتتوكلين على الله ..

وعشان اعطيج مثال ..العام رحت لندن مرتين المره الثانيه كانت بصيف وكانت اول مره اروحلها بالصيف كل روحاتي بالشتا والربيع وبروحي بس هالمره بناتي معاي ... وبالصيف سمعت ان الاسعار ترتفع وكل شي يصير نار ..
خذيت شقه من بره ماسكنت بفندق لان فعلا كانو نار والفنادق الزينه اصلا فل وانا ماخططت مبجر ..صرفت فلوسي وطلعو معاي تقريبا 4500 باوند ..
الشقه خذيتها اسبوعين ب1400 باوند يم الهايد بارك ... والباقي عالتسوق والمصرف إحنا ثلاثه كنا ...
وديتهم كل مكان بلندن لانها اول روحه لهم يعني لندن اي وتوسو ومتحف لندن دنجيون يعني كلها اماكن سياحيه بتذاكر مومتاحف مجانيه وجذي ..
وشرو لييييييين اشبعو ...انا ماشريت وايد لان كنت توني يايه من اهناك وشاريه وانا بطبعي اشتري اول الموسم ماركاتي والبسها السنه كلها ...
تنقلاتنا اكثرها بالاندرقراوند ..
المهم لله الحمد اخر جم يوم عديت افلوسي والا ليلحين معاي 1000 باوند وجم اميه كسور ..قلت برد فيهم وبخليهم للمره اليايه برجع بالكرسمس بس بنتي اعجبتها جنطه فيرلا وشريتها لها وجم شغله مني مناك المهم رجعت ومعاي 600 باوند عقب ماكنت متوقعه بسحب من الفيزا اذا احتجت ...
اتمنى اكون فدتج وماضايقتج بالشرح الزايد ...واي استفسار انا حاضره موفقه يالغاليه

 

[د-سوسه]

ابيه سوري حبيبتي ..سفرتي كانت 8 ايام مو اسبوعينن لكن كنت متفقه مع مكتب التاجير ان الاسبوعين ب1400 باوند يعني الاسبوع ب700 لان حجز بنتي ماكان مأكد فماعرفت اعطيهم كلمه اكيده ..
واهم الاسبوع ب800 باوند فدفعت 800 ل8 ايام ومامددت رجعت

 

[ام حنااين]

حسب طريقتج بالصرف اذا تحبين التسوق والماركات والسكن لازم بفنادق مشهورة تبين مبلغ كبير

حجزى السكن والتذاكر والباقي رتبي امورج حسب ميزانيتج اذا كبيرة تسوقي براحتج
واذا الميزانية محدودة ركزى عالوناسة والطلعات المهم تغيير جو

 

[مشتطـه]

اهم صاجين بأن كل وحده لها صرف معين

يعي مثلا انا وزوجي اتفقنا ان 2000 شامل كل شي وكفتنا ال2000 لان حاطين فبالنا مانتعداهم بما ان السفره بسرعه بسرعه

وبصراحه 2000 من غير ماركات خير شر والسكن كان بعيد ب 350
والتذاكر الشخص ب 310 كان

يعني حدها حدها 2000 دينار على شخصين و9 ايام عرفتي


ف انتي اذا بتستانسين لازم تكونين مجمعة قبلها واذا سفرتج فجأه مثلنا وبدون تخطيط يعني بشهر قررتو لا تقدرين تروحيين ب2000 لشخصين بس اكث رررر مايكفي

 

[Alrem_q8]

مثل ماقالوا البنات كل شي يعتمد عليج في ناس ماتتعامل الا مع الفنادق في ناس شقق في ناس اذا راحت تشتري كل شي في ناس تروح عشان تستانس وترجع
مثال احنا مخططين ع لندن بأذن الله شهر 10 او 11 او 12 يعني اخر 2013
ميزانيتنا 2000 دينار
عددنا اربع اشخاص كبار مدة اسبوع
التذاكر تقريبا 1000 دينار
والسكن شقه بالاجور رود شارع العرب ب 500 دينار لاسبوع تقريبا


و 500 مصرف لاسبوع اكل ووناسه وتمشي وتغيير جو وندش اماكن سياحيه واكيد مع تسوق خفيف

 

[M!SS.LOBY]

يبيلج مبلغ 4000 الاف يغطي جميع المصاريف

 

[عذبة الأوصاف]

ماااقصرتوا ي احلا كويتيات والله فديتكممممم

 

[Ka8Ko8a]

حبيبتي ‏​ٱ‏​نـِْ♡̨̐ـِْا قعدت بلندن عشر ايام صرفت بروحي الفين دينار طبعا من غير السكن والتكاسي و المطاعم .... وبقدم لج نصيحه عُــًٌٍٍَُِّْْٰٓ♡ًٌٍَُِّْٰٓــنُ مكتب بلندن قمه بالتعامل والاخلاق عنده رحلات سياحيه حدها عجيبه ????

أنصحج فيه ??

مكتب أبراهيم العنزي لتأجير الشقق في لندن أجور رود ،، أكسفورد وأماكن أخرى مع رحلات سياحيه لكافة أنحاء المملكه المتحده والمطارات IBRAHIM
{00447412282122}
الاستغرام : @ibrahim_elenzi

 

[عذبة الأوصاف]

حبيبتي والله ماقصرررتي الله يجزاج خير

 

[الدلال]

يعتمد عليج
اذا مطاعم وكافيهات ورحلات وتسوق
وطبعا هذا غير فلوس التذاكر والفندق
وبصراحه لندن تشووق وودج تشترين وتستانسين كثر ماتقدرين