جم بتكلفنا سفرة لندن ؟

[شموخي غير]

السلاااااام عليكم حبيباتي كويتيااات

بس حبيت استفسر من ذوو الخبره بلندن واللي دايمن يسافروون لهاا لأني ناويه اسافر لندن هالصيف انا وزوجي واطفالي 3 بس ودي أعرف جم بتكلفنا السفره غير التذاكر .... يعني السكن والرحلات والمطاعم والشوبينق جم بالريال السعودي ..ومدة السفر 10 ايام ..فياليت تقولون لي التكلفه والميزانيه اللي تناسبنا وياليت اذا تعرفون فندق نظيف وسعره رخيص يكون أفضل ..... بلييييز ساااعدوني لاني أول مره اسافر لندن....واكووون شااااكره لكم ياأحلى كويتيات .

 

[بوسيcat]

انا رحت قبل سنتين انا وريلي وعيالي كانو اثنين بس كلفتنا التذاكر 900 جذي - طبعا كنت ساكنه بشقه مع امي وابوي يعني السكن ابلاش والاكل ماكنت اكل بمطاعم الا قليل كلش وكلفتني اسبوعين 3500 د0كويتي بس ماعرف احسب لج بالريال سامحيني حبيبتي وخاصة لندن بالصيف تغلا والسكن يغلا بعد.

 

[shaikhat elbnat]

حبيبني يعتمد على حسب مستوى المطاعم الي بتاكلون فيها
في ناس بالسفر يقزرونها أكل من السوبرماركت أو مطاعم الوجبات السريعه او المطاعم الرخيصه
و في ناس ياكلون بمطاعم راقيه و جوها و قعدتها حلوه و ياكلون بالفنادق

و بالنسبه للسوق .. كل وحده حسب ذوقها و مستوى المحلات الي متعوده اتدش لها

فأنا اقول جمعي الي تقدرين عليه و توكلي على الله و كيفي روحج بالفلوس الي عندج

و انشالله البنات يعطونج المعدل المتوسط للتكاليف ( حسيت روحي ادرس محاسبه هه هه هه ):dddds:

 

[عجايب00]

مثلكم محتاره بروح انا وزوجي وطفلين بس انا بروح علاج على حساب الدوله والسكن ومصاريفي على حسابي

 

[Mnoo-q8]

شوفي حبيبتي هذا كله يعتمد على وقتج متى بتسافرين صدقيني باليوم كل شي يفرق ونصيحه حجزي على موقع بوكنج اسعاره روعه وسهل وبعدين وانتي تحجزين عليه حددي اليوم من الى وهو يقولج الاسعار وبالنسبه للشوبنق مثل ماقالوا البنات يعتمد على نوع الاسواق اللي تحبينها والتذاكر ترى حجزها بالنت ارخص لان مكاتب السفريات استغلال
وبالنسبه لوتبي تسكنين بشقه تلاقين بشارع العرب تقريبا اسعارهابالاسبوع تقريبا 500 دينار يعني تقريبا6500 الف
وأي سؤال انا حاضره

 

[أم منصـ 85 ـور]

انا كلفتني تذاكر 2200 عالكويتيه فيرست كلاس خذيت الفيرست لاني حامل وولدي اقل من سنتين معاي فما فيني اعابله بالايكونمي وكراسي الجي ضيجه شوي

المطاعم غاليه صراحه مادري جم كلفتني ..! بس شوفي غير التذاكر قطيت عالتسوق ( انا مجنونه تسوق أشتري اللي بخاطري كللله ) والمطاعم والمصرف حروة ال 2500 دينار ب 25 يوم

 

[أم منصـ 85 ـور]

والسكن مو علي على أبوي لأن أنا لاحقتهم هناك .. وعلى فكره المطاعم مو دايما أكل لان الاكل اييب اليهد ماحبيته استغفر الله الا بيتزا هارودز لذييييذه لاتطوفج تخيلي البيتزا لج بروحج ب 7 دنانير كويتي وأكثر شي طبخنا بالبيت .. وتردين بالسلامه

 

[بوسيcat]

اي والله اذا صمونة الشاورما تقريبا ب دينارين ونص لا واستغفر الله تلوع الجبد تقول قاعده ت اكلين خروف

 

[الدلال]

السكن حييل مكلف بلندن الا اذا راح تسكنين يعيد عن السنتر ممكن يكون ارخص

والسوق على حسب مشتراج انتي

والاكل في الرخيص وفي الغالي

بس ارجع واقوولج اذا ضمنتي السكن بسعر مناسب اهم شي وراح يوفر عليج واايد