جمعت لكم خلطآآت آنــل "A.n.l"

[s7r 3yonk]

السلآم عليكم

كيفكم يآآاهل منتديآآت كويتيات انشاءلله تممام

اليوم حبيت اجمع لكم خلطاات للآخت انل وهي من اهل هذا المنتدى

كثيير اسمع عن خلطاتهآآ الرائعه وبحث عنها في المنتدى وعرفت انها حذفت كل مواضييعها

ولكن بعد تعب وبحث عن خلطاتها حصلت بعض من الخلطاات وراح اكتبها لكم ليسهل علييكم

البحث سورى طولت علييكم بالكلام

وهـــــــذا هي الخلطآآآت:

Ѽ♫♥√ شــفايـفج بتـصـير إغراإاإاإء x إغراإاإاإء بــس معــاي أنا حيــااااج √♥♫Ѽ


شلووووونكم وشخباااااركم



شووووفوووووو

هالمره سويت خلطه للشفاااايف اتينن ترطب وتنعم وتخلي شفااايفج وااااو
اغرااااء حدهم وتعطيج تفخه حلوه بسيطه يعني شكلهم راح يصير مليااااان

تحطينها بالليل قبل لا تنامين او اي وقت عااادي او طوول اليوووم بس مااا
تطلعين فيها برا اوكي ولو تسوين لشفايفج تقشير قبلها تطلع النتيجه ميه ميه

المكونات :
*فازلين ( ملعقه وسط)
*زيت النعناع ( 2 ملعقه شاي لصغيره كلش )
*زيت القرفه ( 3 ملعقة شاي لصغيره كلش )
*سيروم كولاجين ( 10 نقط )

*كبسولة فيتامين E
*كبسولتين زيت جنين القمح
* بيقمنت او آآي شادو او حمره ( اللون اللي تفضلينه )

الطريقه :
تخلطين المكونات كلها مع بعض واخر شي تضيفين البيقمنت وتخلطين
ليما تحصلين على اللون اللي تبينه وحطيها بعلبه صغيرونه

النتيجه تبين مع اول استعمال ومع الاستمرار بتطلع احلى واحلى والحين
اخليكم مع الصور :


هني بعد خلط المكونات

البيقمنت اللي ضفتهم عشان اللون

الشكل النهائي
وريحتها وااايد حلوووه ريحة سينامون

تحياتي

لا احد يرد الا بعد ما اخلص

 

[s7r 3yonk]

اختراعي اليديد (( لـــمعة المـــسك )) للجسم روووعه + اللوشن + الصابونه مسك x مسك

قبل جم يوم دزتلي عضوه رساله خاصه تسألني فيها عن لمعه الجسم وشنو استخدم من كريمات وجذي

انا رديت عليها وقلتلها شتسوي


والحين بقولكم انتو شتسوون طبعا انا اغلب الاشياء اللي اسويها home made احب اسوي شغلي بيديني

واشوف النتايج الحلوووه وايي اقولكم



راح نسوي مثل هاللمعه وتكون مثل السبراي



واللــــــــــوشن



والـــــــصابونه








اوكي

نبدا شنو نحتاج :

* مكعبات المسك من القرشي كلكم تعرفونهم طبعا 5 مكعبات

* بيبي اويل انا افضل هالماركه لانه مافيها عطر كلللش مو نفس جونسون حتى الوردي في ريحه

* لوشن جليسوليد هم هذا مافيه ريحه او شبه مافيه

* صابونة ديتول الورديه

* لمعه هذي اللمعه اسمها فروزين وايت من ماك



* 2 علبة فاضيه وحده تكون بخاخ والثانيه عاديه ولو يكونون زجاج احسن





نبدا الحين شنسوي اول شي بالــــــبودي ســـــــــبراي :

1/ تييبين علبه فاضيه بخاخ تحطين فيها البيبي اويل اكثر من النص بشوي

2/ تبشرين المكعبات بعدين تاخذين 4 قفشات كبار وتذوبينه عالجوله راح يصير سااائل

3/ تصبيته على البيبي اويل وسيدا وبسرعه وتخضينه خض عدل مدل لما تحسين تجانس

4/ تضيفين اللمعه بالكميه اللي انتي تبينها وتخضين عدل مدل ولو تسوين حمام مائي دافي عشان يتجانسون اكثر



وجربيها على الصدر روووووووعه والريحه تيننننننننن رشي وبلمسات خفيفه وزعيه





نيي حق اللــــــــــوشن :


1/ تييبين علبه فاضيه تحطين فيها البيبي اويل اقل من النص بشوي *

2/ تذوبين قفشتين كبار من المسك وتصبينهم على الاويل وتخضين عدل

3/ تضيفين عليهم اللوشن لما تنترس العلبه وتضيفين اللمعه وتخضين عدل او اذا ماتبين لمعه عادي

لان اللوشن ماراح يختلط مع المسك راح يتكتل عشان جذي نذوبه مع الاويل اول



دور الصــــــــابونه :


1/ تبشرين الصابونه طبعا انا ماخذه الحجم الكبير فا بشرت نصها لان وايد كلها

2/ اللي بقى من المسك المبشور تذوبينه بعدين تضيفين الصابونه المبشوره وتخلطين عدل

3/ تزهبين القالب اللي بتحطينها فيه ويكون مقصدر عشان بسهوله تطلعينها

4/ تصبينها بالقالب وتحطينها بالثلاجه لين تتيمد

ريحتها اتينننننننن حتى ريلي قام يستعملها وتصبغ فيج الريحه ما تروح وتفوح بعد




وتقدروون تسوون جذي بدون المسك بس الاويل واللمعه وتقدرين

تضيفين عليهم كريم اساس عشان اللون الحلوو واذا تبين ضيفي عطر عادي



اللي عاليمين بس اويل ولمعه واليسار اويل ولمعه وكريم اساس

حطيتهم بمال لديودرنت الرول اسهل




واهني جربتهم على ايدي

بـــــدون فـــــــــلاش

[/URL][/IMG]

مــــــع فــــــــــلاش


ترا رووووعه لا تطوفكم جربووووها

ان شاءالله تكووووون الفكره اعجبتكم وسلامتكم

لا احد يرد الا بعد ما اخلص

 

[s7r 3yonk]

๛๑ᇥฒ类¯ღ ماسك الكولاجين قالتلي عنه maryo0oma فديتها بس شنووو عجيب حق الخدووود ღ¯类ฒᇥ๑๛

قووووه حبايبي شلوونكم ​

بدش سيدا بالموضوع ​

ذيك المره انا و maryo0oma كنا قاعدين نسووولف ​

بالفون​

جان تسالني عن بودرة فيتامين سي ​

اللي اهيا قشور البرتقال المجففه ​

زين ​

المهم جان تقوولي شرايج احط بودره فيتامين سي ​

مع بودره الكولاجين مع روب ​

واسويها ماسك عشان خدووودي ​

قتلها والله خوووش فكره ليش لا جربي وقوليلي​

المهم ​

ومرت الايام <<< لووول ​

عاد انا ذيك المره قاعده اطالع ويهي بالمنظره​

واقول ياربي احس ويهي منكمش فاش صاير صغير ​

قبل خدودي مكبرين ويهي الحين ماكو شسالفه​

واسأل ريلي واسأل خواتي كلهم يقولون لاااا​

هذا ويهج ماتغير ​

انا ماقتنعت بكلامهم في شي بويهي متغير ​

المهم ذيك المره كان عندي موعد مع دكتورتي ​

عشان الحمل ​

ولا تقووولي وزنج نااااازل ​

قلت اهااااا عشان جذي ويهي خااااق ​

جان اروح واجرب ماسك maryo0oma​

بس صراحه ماتوقعته جذي​

كنت احطه كل يوم تقريبا 20 دقيقه لمدة 5 ايام ​

واليوم صارلي 6 ​

الحمدلله ويهي رد شوي خدودي نطت ​

طبعا غير النضاره والتوريد اللي راح تحصلينهم ​

وان شاءالله مستمره وحبيت افيدكم بهالماسك ​

من افكار الحلوه maryo0oma​

فديتها ​

اخليكم مع الماسك ​

طبعا انا استخدمت بودرة الميجي كولاجين ​

اليابانيه + بودرة فيتامين سي ​

استخدمت قفشة باسكن روبنز من كل بودره قفشه ​

+​

روب قفشه وحده ​

​

​

وقبل لا تحطين الماسك لازم ويهج يكون نظيف ​

وسلامتكم ​

واقروا الموضوع عدل اووكي ​

اي وبودرة الميجي كولاجين موجوده عند التاجره​

killer^girl ​

+​

almusk​

عشان ماتقولون من وين ​

 

[s7r 3yonk]

4-سويت حق اختي خلطة تفتيح وبعد اسبوع شوفوا شصار فيها .. صور ( قبل ) و ( بعد )

اختي طلبت مني اسويلها خلطه تفتح ايدها وعلى قولتها ما تبيها تدبق و اهم شي ريحتها حلووووه

قلت لها بسويلج بس على شرط تستمرين فيها عالاقل اسبوووع عشان تشوفين نتيجه ...



عااااد انا كنت توني مسويه خلطه بس ماجربتها على نفسي كنت بستخدمها حق ريولي لان تكرمون من الشحاااطه

صار فيها حز اسود

والخلطه سهله ومكوناتها اكيد موجوده عندكم واذا مو عندكم بالجمعيه والحواي




اول شي خلووونا نشوووف النتيجه هذي صور ايدها قبل و بعد استخدام الخلطه اسبوع وشي تقريبا :

[/URL][/IMG]


وهذي صورة الخلطه هذي العلبه الثانيه اللي اسويها لها لان هذيج خلصتها باسبوع :

[/URL][/IMG]




هااااااااااااااا تبون تعرفون شنو الخلطه ؟؟؟

هذي الخلطه :

[/URL][/IMG]




عباره عن :

كريم جليسوليد الاحمر ( 125 ml )

ليمون ( عصير 4 حبات )

زيت اللوز المر ( فنيان واااحد )

فيتامين سي الفوار ( 2 قرص )








الطريقه :


تخلطين الجليسوليد مع زيت اللوز المر عدل

تذوبين قرصين الفيتامين بعصير الليمون

تخلطين العصير مع الجليسوليد والزيت عدل مدل

تحطينهم بعلبه وتسكرينها وتخضين العلبه عددددل اوكي






مهم : لازم تحطين العلبه بالثلاجه ووتخلصينها باسبوع وكل

اسبوع تسوين يديده لان يمكن تخترب

الكميه اللي انا حاطتها تكفي اسبوع وشوي تقريبا






الاستعمال :

تحطين منها بالليل وتنامين او جم ساعه قبل السبوح

ترا اهيا ما تدبق ولا شي وتمتصها البشره جنها كريم عادي)))

 

[s7r 3yonk]

4-مع صابونة الجلوتاثيون وسنفرة الحليب وتونيك فيتامين c بتنبطين من النضاره والبياض

شلووونكم كويتياااات شخباااركم ؟؟


ان شاءالله تكوونوون بخير وصحه وعااافيه

اكيد بناااات كلنا نمر بظروووف مرات تخلينا مالنا خلق نسوي شي كلشششششششششش

يعني فوق انج تعبانه نفسيا وهم تهملين بشرتج عيل شبيصير فيها ؟؟ اكيد بتصير لوووعه :cxxxp:

((انا ابيها تنبط من النضاره والحيويه والبياض)) عاجبني مصطلح تنبط لوووول




انزين شسوي ؟؟ :gr4uu:

تعالي معااااي واقووولج شتسوين

كل اللي راح تستعملينه 3 اشياء ألا واهيا :


1) ســـــنفره

2) صـــابونه

3) تـــــونيك




هــــــذي صـــــورتهم

اولا : الســـــنفره ( انا مسميتها سنفرة البستني لان ريحتها بالضبط نفس ريحة البستني ) لووول


عباره عن : ( جلسرين السائل الشفاف + حليب بودر + شكر + ماي ورد + 2 كبسوله فيتامين E )

انا احب اضيف ليمون بس طبعا اخذ اللي يكفيني واضيف له ليمون لان اذا خلطته معاهم وظل مده بيخترب .



رااايي بالسنفره :


صراحه صكت على ستيفز وربعها تفتح بشرتج من اول استعمال وتحسين بنعووومه وصفاااااء وشعوور حلووو بعد

وااايد وااايد حبيتها وريحتها تينن

وطبعا كلكم تعرفووون ان الجلسرين ينعم ويطري والحليييب يفتح والشكر يوخر الخلايا الميته وينعم وماي الورد

ما يحتاي بعد توريد وتصفيه ونضاااره .



ثانيا : الــــــــصابونه ( اللي بالصوره هذي صابونة الجلوتاثيون ) تلقونها بمحلات الفلبن


هالصابونه تحتوي على مادة الجلوتاثيون اللي اهيا عبارة عن احماض امينيه واهيا اساسا موجوده في خلايا الجسم

وتعمل كمضاد للأكسده واذا استخدمتيها مع فيتامين سي راح تعطيج البياض اللي تبينه .



راااييي بالصابونه :


احلى صابونة استخدمتها لي الحين ريحتها حلوووه ومن اول استعمال تحسين بتفتيح ونظااافه وبشرتج منوووووووره

ومع الوقت راح يفرق عليج لووون بشرتج اهيا مكتوب عليها تفتح ب 7 ايام انصحكم فيها وبقوووووه .




ثالثا : التـــــــونيك


عباره عن ( كوب ماي او ماي ورد + قرص فيتامين سي فوار + قرص ملتي فيتامين فوار ) تلقونهم بالجمعيه

هذي صورة فيتامين سي الفوار + الملتي فيتامين الفوار

اول شي تخلينهم يفورون بالكوب بعدين تحطينهم فبخاخ اول غرشه عااديه انا حاطته فبخاخ بس استعمله

مع القطن وامسح ويهي احسن من البخ و ايي بنات مسحوا فيه ويهكم مو تشربونه واتوهق انا .


وفوائد فيتامين سي للبشره وااااايد سواء داخليا او خارجيا يجدد الخلايا ويعطي نضااااره وملمس نااعم

يقلل من ظهور التجاعيد يوخر الهالات السوده والبقع والكلف ويحفز انتاج الكولاجين .



راااايي بالتونيك :

والله يا بنااااات شي فظييييييييع يخلي وييييهج منووووووره ونضاااااره وبياض ويوخر الحبوووب والاثار

حتى لوو تعبتي الويه ما شاالله حلووو صج صج يعطي نضاااره .









الـــــــــــــــــحين طريقتي :


باللــيل قبل النوم احط من السنفره ( ترا السنفره حلووه وخفيفه تقدرين كل يوم تستخدمينها تعتبر مقشر يومي )

بعدين اغسل ويهي من الصابونه بعدين احط التونيك و اشرب بشرتي عددددل بعدن انطر لين ينشف وانام ...


اقعد الصبح اغسل ويهي من الصابونه واسوي كمادات من التونيك حق عيوني وامسح ويهي بعد واقعد 20

دقيقه بعدين اروح اغسل بماي واحط المرطب مااالي .



والحمدلله بشرتي باسبووووووووووووع بس صااارت رووووعه نضاره وتفتيح واشراااق والهالات بح عقب

التعب والظروووف اللي مريت فيها الحمدلله

جربوووها وماراح تندمووون سهله وحلوه وبسيطه

 

[s7r 3yonk]

5- سويت حق اختي خلطة تفتيح وبعد اسبوع شوفوا شصار فيها .. صور ( قبل ) و ( بعد )

اختي طلبت مني اسويلها خلطه تفتح ايدها وعلى قولتها ما تبيها تدبق و اهم شي ريحتها حلووووه

قلت لها بسويلج بس على شرط تستمرين فيها عالاقل اسبوووع عشان تشوفين نتيجه ...



عااااد انا كنت توني مسويه خلطه بس ماجربتها على نفسي كنت بستخدمها حق ريولي لان تكرمون من الشحاااطه

صار فيها حز اسود

والخلطه سهله ومكوناتها اكيد موجوده عندكم واذا مو عندكم بالجمعيه والحواي




اول شي خلووونا نشوووف النتيجه هذي صور ايدها قبل و بعد استخدام الخلطه اسبوع وشي تقريبا :

[/URL][/IMG]


وهذي صورة الخلطه هذي العلبه الثانيه اللي اسويها لها لان هذيج خلصتها باسبوع :

[/URL][/IMG]




هااااااااااااااا تبون تعرفون شنو الخلطه ؟؟؟

هذي الخلطه :

[/URL][/IMG]




عباره عن :

كريم جليسوليد الاحمر ( 125 ml )

ليمون ( عصير 4 حبات )

زيت اللوز المر ( فنيان واااحد )

فيتامين سي الفوار ( 2 قرص )








الطريقه :


تخلطين الجليسوليد مع زيت اللوز المر عدل

تذوبين قرصين الفيتامين بعصير الليمون

تخلطين العصير مع الجليسوليد والزيت عدل مدل

تحطينهم بعلبه وتسكرينها وتخضين العلبه عددددل اوكي






مهم : لازم تحطين العلبه بالثلاجه ووتخلصينها باسبوع وكل

اسبوع تسوين يديده لان يمكن تخترب

الكميه اللي انا حاطتها تكفي اسبوع وشوي تقريبا






الاستعمال :

تحطين منها بالليل وتنامين او جم ساعه قبل السبوح

ترا اهيا ما تدبق ولا شي وتمتصها البشره جنها كريم عادي)))

 

[s7r 3yonk]

من صجكم للحين ما جربتوا هالخلطه شناطرين!!!!! (للمنطقه الحساسه تفتيح + ترطيب)

شلووونكم شخباركم ان شاءالله تكونون بخير دوم

قبل فتره كنت ادور مرطب للمنطقه الحساسه طبعا كلكم تعرفون ان النشافه اهي اللي تسبب السواد
فريت بالقسم مالقيت شي سويت سيرج بقوقل ما عجبني شي كان كل اللي موجود خلطات جلسرين وليمون وهالسوالف
وسودو ماحبيته ثقيل ...
وانا ابي شي خفيف يعني احطه والبس واقعد عادي امارس حياتي الطبيعيه

المهم ذيك المره قريت موضوع العضوه sowsan كاتبه عن كريم درابولين انه يفتح الاندر آرم وبعد كريم مال يهال
يعني ما منه خوووف قلت يلا زلقه بطيحه انا ابي شي يرطب ومنها يفتح ليش ما اجربه ...

رحت الجمعية وشريت واحد عاد قعدت افكر قلت ليش ما اخلط معاه شي ثاني شفت جدامي البيبانثين وانا كنت استعمله
حق حلمة الصدر يرطبها لانها كانت متشققه اول مارضعت بنتي

حطيت علبة كامله درابولين وعلبة كامله بيبانثين وزدت عليهم زيت اللوز المر وخلطتهم وحطيتهم بعلبه السنفره مالت
بودي شوب فاضيه عاد كانت سنفرة فراوله وصبغت الريحه بالخلطة صارت ريحتها فراوله وناسسه ...

وجربتها بالليل حطيتها ونمت قمت الصبح ولا ششوف والله بنات افتحت المنطقه شي بسيط بس الملمس عجييييييييييب
نعومه مو طبيعيه وتحسين اليلد طري تونس واستمريت عليها اسبوع وشي واحس كل يوم قاعده تفتح وللحين استخدمها
واستخدمتها للأندر آرم والخلفيه بس صج صج رووووووووعه ...

واهم شي انها ماتدمر هدومج وقمت احط منها كل وقت اغسل اول بغسولي بالي سيكرت واحط منها ومرتين بالاسبوع
اسوي تقشير ( شكر وليمون وجلسرين ) عشان جان يلد ميت ما ميت يطلع وعشان اليلد يتشرب الخلطة

انصحكم فيها وصدقوني راح تستفيدون منها اذا مو تفتيح ترطيب لان ترطيبها مو طبيعيييييييي شي شي وعليكم بالعافيه
اخليكم مع الصور :

الدرابولين

البيبانثين

غسول بالي سيكرت

 

[s7r 3yonk]

برنامج عنايه للجسم والبشره والشعر .. للدهنيات .. مع الليمون والقهوه والسدر ((خياآلي))

بقوولكم عن
[URL="http://m-nsaim.net/vb/t52207/"]برنامج كنت مستمره فيه من فتره ​

بس مع الحمل تعبت وماقدرت استمر يعني يوم اي ​

والف لااا [URL="http://m-nsaim.net/vb/t52207/"]http://m-nsaim.net/vb/t52207/​

طبعا الحين صرت جذي >> ​

من الاهمال لووول http://m-nsaim.net/vb/t52207/http://m-nsaim.net/vb/t52207/​

لا تضحكون بس شسوي غصب عني واااايد واايد تعبانه​

بس ناويه على نفسي عن قريب لاني ماتحمل جذي ​

​

​

خل اقولكم عن هالبرنامج وااايد حلوو وخلال ​

اسبوعين تشوفين الفرق ​

اهوا الشغل كله حزة السبوووح وبعده ​

عباره عن :​

( ماسك + صابونيه + سنفره )​

وبعد السبوح :​

( لوشن ترطيب + خلطة الليل )​

اووووكيك ​

بتكلم عن كل شي بروح اول شي الماسك​

(عباره عن بيوريه ليمونتين + 2 م.ك سدر) ​

يعني تاخذين ليمونتين تقصصينهم 8 قطع​

وتحطينهم بالخلاط مع شووووية ماي يطلعلج ​

قوام كريمي تالي ضيفي السدر هالماسك تسوينه اذا بتتسبحين فقط ​

ماصورته لكم سوري

طبعا هالماسك للشعر والويه والجسم

تدشين بلون وتطلعين بلون ثاني

وحبيته للشعر وااااايد لانه ينشف حيل خو انا شعري

قوطي دهن

وللويه عجييييييب بعد ينوووور فيسج ​

***​

نيي حق الصابونيه عباره عن :​

(الصابون الاسود السايل + صابونة من اختيارج + 3 م.ك قهوه تركيه + 3 م.ك بودرة v.c + بيوريه ليمونتين )​

الطريقه :​

1\ تسيحين الصابون الاسود بجدر عالنار وتضيفين له الصابونه اللي اخترتيها انا حطيت صابونة الاحماض لين يذوبون​

2\ تضيفين القهوه 3 م.ك مع نص كوب ماي وتحوسينهم​

3\ خليها تبرد شوي تالي ضيفي بيوريه ​

[URL="http://m-nsaim.net/vb/t52207/"]الليمون مع بودره v.c وحوسيهم عدل ​

4\ حطيها بعلبه وخليها بالثلاجه دااااايم ماتنحط برا اوكي ​

وهذي صورتها : طبعا انا مستعملتها


[URL=http://m-nsaim.net/vb/t52207/][URL="http://m-nsaim.net/vb/t52207/"]

الحين السنفره عباره عن :

(بيوريه ليمونتين + سنفره ستيفز الرعاص كامل + 3 فنايين شكر + علبة كامله بيكربونات الصوديوم)


الطريقه :

1\ تاخذين طاسه كبيره تحطين فيها البيوريه + السنفره والشكر وتخلطين

2\ تاخذين البيكربونات وتكبينه كله عليهم راح يفور عااادي

3\ تاخذين خلاط الكيك وتخلطينهم عدل كلهم لين يصير القوام كريمي



هذا البيوريه :

[URL=http://m-nsaim.net/vb/t52207/]


وستيفز الرعاص

[URL=http://m-nsaim.net/vb/t52207/]


وهني بالعلبه

[URL=http://m-nsaim.net/vb/t52207/]


جذي نكون خلصنا عاد اللوشن وخلطة الليل بخليها عليكم كل وحده تختار اللي يناسبها


اوووكي الحين مثلا بتروحين تتسبحين


[URL="http://m-nsaim.net/vb/t52207/"]

:


1\ تسوين الماسك

2\ تاخذين اللي يكفيج من الصابونيه بطاسه صغيره وتردينها بالثلاجه

3\ تاخذين اللي يكفيج من السنفره وتردينها بالثلاجه

4\ تدشين الحمام تكرمون وتغسلين شعرج بشامبوج
تالي حطي من الماسك على شعرج وربطيه

5\ تاخذين من الماسك وتحطين على ويهج وتحطين على جسمج كاامل وتتفركين فيه بيدج بو 5 دقايق وكل ماطولتي احسن

6\ غسلي الماسك بس لا تغسلين ويهج خليه الاسك عليه وكملي بالصابونيه تفركي عدل مدل اول شي وزعيها بيدج تالي تفركي بالليفه

7\ غسلي من الصابونيه وغسلي الماسك اللي بويهج وتفركي بالسنفره بيدج على جسمج كله واللي يبقى من الصابونيه غسلي فيه ويهج



وبسسسسسسسس


نشفي عدل وحطي مرطبج واذا كان بالليل حطي خلطة الليل بدال المرطب واذا كان نهار حطي المرطب وبالليل قبل لا تنامين حطي خلطة الليل


وبعد اسبوعين شوفي جسمج شلون بيصير متوحد وفاتح

ونااعم


بعد اسهل من جذي [URL="http://m-nsaim.net/vb/t52207/"]برنامج ماااكو لووول



وان شاءالله يعجبكم الموضوع وتدعونلي الله يسهل علي

الحمل والولاده



والليمون ترا ما ارضى عليه لحد يتحجه عنه بسوء

​

 

[s7r 3yonk]

—(•·÷[ تطبيقي لخلطة فيتامين c بالصور حق العضوات لعليميه ]÷·•)—

قوووه كويتيااات ​

شلووونكم ​

:eh_s(8):​

انا حبيت احطلكم تطبيقي بالصور ​

لخلطة فيتامين سي ​

( خلطة 2011 )​

يسمونها بالنت جذي لوول ​

اي لان في بناات وااايد لما يسوونها يخوورونه​

مادري ليش مع انها سهله ​

وانا بعد ضفت عليها تعديلات من عندي ​

واحس صارت احلى ​

:eh_s(22):​

هذا رابط الموضوع الاصلي ​

http://www.*****.com/t736530.html​

وهذا رابط التجارب ​

http://www.*****.com/t816844.html​

نيي حق الخلطه :​

هذا عصير 4 ليمونات ​

​

ضفت عالعصير 3 اقراص فيتامين سي الفوار ​

كانوا 2 انا زدت وحده بعد​

خليتهم يفورون على راحتهم ​

​

​

حطيت علبة الجليسوليد ام 250 مل كلها​

انا قبل قتلكم 125 مل​

بس ال 250 احسن​

وضفت عليهم خلطة الزيوت المبيضه شاريتها ​

من التاجره ماي ورد​

تقدرين تسوينها بنفسج انا كاتبه مكوناتها​

بموضوع ثاني ​

​

​

بعدين خلطيهم بقفشه تالي بالخلاط الكهربائي​

​

بعدين ضيفي عصير الليمون اللي ذوبنه فيه الفوار​

شويه وخلطي وشويه وخلطي لين يخلص ​

وراح تصير الخلطه جذي ​

​

انا حطيتها بعلبه زجاج ومو شفافه ​

عشان فيتامين سي ما يتأكسد ​

وحده قالتلي هالمعلومه قبل ما كنت ادري​

وبسسسسسس​

ونطروني بموضوع شامبو السدر والفيتامينات ​

حده عجييييييييييب ​

ومع السلامه ​

 

[s7r 3yonk]

قوووه كويتيات شلووونكم


صراحه مادري شقول لوووول احس جني اول مره اكتب موضوع

:eh_s(22):

بس كل اللي بقوله قبل لا دش بموضوعي اني اشتقتلكم وااايد

و 3 شهور وااايد بالنسبه لي فتره طويله

بس ماحبيت ارجع لكم وايدي فاضيه هههههه




وابي اشكر كل عضوه اسألت عني سواء برساله خاصه او بمسج على فوني او بالواتس اب

وان شاءالله ما اقاطعكم ابد

ندخل بالموضوع

خلال هالفتره اللي غبت فيها عنكم كنت اسوي سيرج عن اكثر المواد الآمنه اللي ( تفتح )

انا قلت تفتح لاني ماحب اقول تبيض صراحه كل ما اقول تبيض اتذكر كلوركس وتايد وهالسوالف

لوووووووول

المهم طبعا المادة اللي تحتل المرتبه الاولى بالتفتيح اهيا :

1- الالفا اربوتين ( alpha arbutin )

طبعا هالماده غااااااااليه ومو متوفر كخام عندنا

الثانيه :

2- حمض الكوجيك ( kojic acid )

تقدرين تلقينه كسيروم او كريم بالصيدليات بس مادري اذا موجود او لا بس

ماينفع البشره الحساسه والجافه لان يمكن يتحسسون منه






و من ضمن الشغلات اللي تفتح اللي لقيتها وسويت عليها سيرج وشفت انها من مكونات

اغلب كريمات التفتيح والصوابين واللي استعملته بخلطتي اهوا :












العرقسوس ( licorice )

هذي صورته واهوا مطحون :

وبنقل لكم فقره عنه لقيتها بمنتدى عروس من العضوه منووووشه كاتبه عنه :



((العرقسوس أو أصل السوس نبات شجري معمر ينبت في كثير من بقاع العالم مثل سوريا ومصر وآسيا الصغرى وأواسط آسيا وأوروبا.
تستخرج من جذور الشجرة مادة العرقسوس، وهي أكثر حلاوة من السكر العادي ويمكن مضغها أو تؤكل كحلويات. وهناك 12 نوع من جذور العرقسوس تختلف في الطعم
المادة الفعالة في السوس هي الكلتيسريتسن، وثبت أن عرق السوس يحتوي على مواد سكرية وأملاح معدنية من أهمها البوتاسيوم، الكالسيوم، المغنسيوم، الفوسفور، ومواد صابونية تسبب الرغوة عند صب عصيره، ويحتوي كذلك على زيت طيار. ففي عام (1955- 1960) تم فصل مركب سيترويدي أطلق عليه اسم


حمض الجلسريزيك glycerrhysic acid من جذور نبات العرقسوس وقد تبين أن هذا الحمض يشبه في بنيته الكيميائية مركب الكورتيزون المعروف إلا أنه يتميز عنه بخلوه تماما من الآثار الجانبية المعروفة عند التداوي بالكورتيزون خصوصا لمدة طويلة.

يحتوي مستخلص عرق السوس (Licorice extract) علي مادة الجلابريدين، وهي مادة آمنة لتبييض الجلد، حيث تمنع كثرة التصبغ بمادة الميلانين عن طريق منع تخليق إنزيم التيروزيناز، ويعتبر هذا الإنزيم هو المسؤول عن تخليق صبغة الميلانين، كم أن مستخلص عرق السوس له تأثير فعال كمضاد للالتهابات.
وهو مضمون من ادارة الغذاء والادويه الامريكيه fda وقد ادرج فى قائمه الاعشاب آمنه الاستعمال بصورة عامه


ويدخل مستخلص عرق السوس فى مستحضرات التجميل ويعالج حب الشباب ويقلل من حروق الشمس ويساعد فى علاج تلون البشرة الداكنه الكلف . وفى اخر دارسه اجرتها جامعه كاليفورنيا اتضح ان عرق السوس له اثر كبير فى منع تسوس الاسنان))


عشان جذي سميتها خلطة الكورتيزون الطبيعي طبعا انا سويت كريم للجسم وصابونيه وسنفره



اول شي



1- كريم الجسم :


علبة جليسوليد 250 مل تحطينها كامله

كوب واحد من مستخلص العرقسوس ( راح اكتب شلون تسوونه )

زيوت ( زيت لوز - زيت افوكادو - زيت جوجوبا - زيت جلسرين ) من كل زيت ملعقتين كبار

الطريقه :


اول شي تشترين عرقسوس مطحون وتاخذين منه مقدار ملعقتين وتصبين عليه مقدار كوب ماي

وتخلينه ينقع بالثلاجه يوم كامل , تالي صفي المنقوع بقماش واخذي مايه , اخذي الجليسوليد و

حطي عليه كوب مستخلص العرقسوس مع الزيوت من كل زيت ملعقتين وخلطيهم بخلاط الكيك

راح تطلع النتيجه جذي :

2- الصابونيه :



انتي حره باستخدام الصوابين اللي تبينهم بس انا بكتبلكم اللي انا افضله

وماتزيدين عن 3 صابونات


انا اخترت الصابون السائل الافريقي ( اذا استعملتي الافريقي تزيدين عليه صابونه وحده كافي )

( التاجره Grass تبيعه )

مع

صابونه بالمرز بزبدة الككاو ( موجوده بلولو هايبر وفي منها بزيت الزيتون )

او

صابونة سكن سكسس ( موجوده بلولو هايبر )

او

صابونة فير اند وايت ( so white ) ( طالبتها من النت )

كلهم مجربتهم وحلوين


الطريقه :


تاخذين العرقسوس المطحون وتطحنينه زيااااده لين يصير ناااعم انعم من اللي شريتيه اوكي

تقطعين الصابون الافريقي قطع صغيره كلش وتبشرين معاه صابونه وحده من اللي حطيتهم لج

تالي بعدين حطي 4 ملاعق من العرقسوس الناعم وصبي عليهم 2 كوب ماي وخلطيهم بملعقه

عاديه وخليه ينقع بو جم ساعه اللي مافيها صبر لووووول تحطه بخلاط العصير سيدا مو مشكله

بعدين عبيه بعلبه وحطيها بالثلاجه يوم كامل بعدين استعمليها


هذي صورتها :

طبعا اهيا يوم عن يوم راح يصير لونها غامج من العرقسوس يتركز فيها اكثر فا عادي لا تخافون

مو عبالكم اختربت


وهني صورة الكريم مع الصابونيه

بالنسبه للسنفره اختاري اي سنفره تعجبج ستيفز وربعها وضيفي عليها العرقسوس المطحوون

الناااااعم وخلطيهم عدل واستعمليها بس خليها يوم كامل بدون استعمال عشان يتركز فيها وبس

واذا تبين تضيفين لها زيوت مو مشكله



وتقدرين تسوين تونر حق جسمج منه تنقعينه وتاخذين مايه وتحطينه فبخاخ كبير وبخي فيه

جسمج بعد السبوح






الحين نيي للبرنامج اللي بتمشون عليه سهل وايد :

1- تتسبحين بالصابونيه وتتفركين فيها وتخلينها شوي على جسمج بو 5 - 10 دقايق تالي غسلي

وتسنفري و غسلي ونشفي وجان تبين بخي من التونر وخليه ينشف على جسمج

2- اخذي الكريم وتدهني منه على كامل جسمج ونطري شويه تتشربه البشره ولبسي ملابسج


وكل يوم جذي لمدة شهر وبتشوفين شي يسرج ,طبعا كل وحده على حسب جسمها تبين النتيجه



ملاحظه :

قبل لا تسوين هاللي قلته كله نقعي العرقسوس واخذي مايه وسوي تست ( تجربه ) حق جسمج

شوفي تتحسسين ولا لا اوووووووكي مو تقولون ماقلت

اي صح نسيت اقول تحفظون الكريم والصابونيه بالثلااااااااااااااجه عشان ماتخترب وتكون فرش

حزت السبوح اخذي منها اللي يكفيج فباديه ورجعيها الثلاجه مو تبربسون فيها لووول ومدة الحفظ شهر



وهذي النتيجه بعد الانتظام والاستمرار لمدة شهر بعد اسهل من جذي برنامج ماكو لوووول

على فكره ترا انا ما اسوي مغربي ولا احط خلطات قبل السبوح الله يخلي الماجيك بيلنق و

بخار الحمام

ترا واااايد حلوه الخلطه اقوى من خلطة فيتامين سي

لمعه

نعومه

تفتيح

صفاء

:rerrerek:


واتمنى تجربونها وتعجبكم وبس خلصت

واسفه اذا الموضوع مو مرتب

 

[s7r 3yonk]

قوووه كويتيااات


شلووونكم شخباااركم


انا قبل جم اسبوع قريت اهني بالقسم موضوع حسافه نسيت اسم العضوه اللي كاتبته بس جزاها الله خير


عن ماسك العسل مع حليب بودر انا من زماااااااان اسمع ان العسل مفيد للبشره يصفي ويعطي نضاره بس ماجربته


احس مادري شلون لما احطه على ويهي ما يمشي دبق وبعدين يسيح بس قلت بجرب هالماسك وصراحه كنت محتاجه


هالماسك لانه ويهي حده كان تعبان من السهر بنتي ماتنااااااام مخسبقتني



المهم جربته وصج روووووووعه بس تلفني




عاد انا شغلت مخي وهذا اللي طلع معاي قلت ليش ما اخلطه مع شي ثاني ؟؟ :gr4uu:


شوفوا شنو سويت




طبعا مكيالنا راح يكون قفشة باسكن روبنز



• يبت سنفرة كريم كاب وحطيت 3 قفشات​

• و زيت اللوز المر 6 قفشات

• وعسل البشرة من العويد 6 قفشات​

• وحليب بودر 3 قفشات​

وخلطيهم عدددددل مددددددددل اوكي بعدين انا حطيت عليها بودرة دم الغزال عشان تورد الويه بس بنات هذا اختياري


اللي ماتبي لا تحط بس حطو براااااااااااااس القفشه انتييييييييييفه عشان يطلع اللون وردي مو تحطون وااايد ويصير احمر


ديروبالكم ...



وترا اهيا سنفرة ومااسك يعني 1X2



وهذي صورتها:

*ملاحظه: بنات القفشه اللي حطيتي فيها زيت اللوز المر لا تمسحينها حطي عليها العسل تدرون ليش عشان العسل ما


يلصق بالقفشه ويطيح كله لانه الزيت راح يكون طبقه عازله عن القفشه ماراح يلصق فيها اوكي ...




وقبل لا تحطون الماسك سوو تقشير للبشره ( شكر + جلسرين + حليب بودر ) <<< انا احب احط حليب اللي ماتبي لا


تحط اوكي وتخلينها على ويهج 15 دقيقه الي 20 دقيقه وتحت العيون حطو طبقه ثقيله عشان الهالات ...



وبعدين تعالي شوفي ويهج بالمنظره نضاره حيويه تفتيح االسواد تحت العيون يخف شوي بنات انا هذي الاشياء اللي


لاحظتها ومن عقب هالماسك قطيت كل الماسكات اللي عندي وكل ما حسيت ويهي تعبان ومقفي رحت ولطختها بويهي


وانا خلصت علبه وهذي العلبه الثانيه توني سويتها وقلت اقولكم ...




واتمنى انكم تجربونها وتييون تقولون لي شصار معاكم بنات عفيه جربوها والله حلووووووه :yaaaaaarb:


واكيد كلكم تعرفون فوايد العسل للبشره والجسم يعني خارجي وداخلي وسلامتكم ...:hjy5jewf:​

 

[s7r 3yonk]

ودعي بشرتج الجافه والباهته وقطي كل خلطاتج الزين هني؟؟؟؟


السلام عليكم ورحمة الله وبركااته



شلووونكم وشخباااركم يااا أحلى بناااات بأغلى منتدى كويتياااات

طبعا انا الحين قااعده الكتبي الموضوع مره ثااانيه حدي انقهرت على اخر

شي ولا اطق باااك وانا ماردي ويروووح كل شي :eh_s(2):



لااااعت جبدي وانا اسوي العنوووااان كل شوي يقولي خطأ

ليش غيروووا المنتدى قبل احلى :eh_s(2):





المهم انا بتكلم عن كريم انا مسويته بيدي ومن نتااايجه حسيت انه علاااج متكاامل

حق مشااكل البشره من هالات و حبوب و بقع و جفاف و و و ..


تقريبا الحين صاارلي اسبوعين وشي او 3 اسابيع وانا استخدمه والنتيييجه الحمدلله

وااااايد حلوووه والفرق وااااااضح طبعا الكريم راااح يكفيج شهووووور لانه ماراح

تاخذين منه وااايد جم مسحه راح ترطب ويهج كله عاااد انا كنت بنطر لين شهر واقولكم

بس ايدي تحكني ودي اكتبلكم بسرعه لووول



هذي صورته :










مكونات الكريم :


1- زبدة الكاكاو الخام + زبدة المانجو الخام ( من التاجره ^Grass^ )

2- غذاء ملكات النحل ( من الجمعيه عند رف منتجات العويد )

3- فيتامين E كبسولات 1000 ml ( من الصيدليه )

4- زيت زهرة الربيع كبسولات 1000 ml ( من الصيدليه )

5- زيت جنين القمح كبسولات 700 ml ( من الصيدليه )

6- فيتامين C سيروم ريكسول ( من الصيدليه )

7- كولاجين سيروم ريكسول ( من الصيدليه )






الطريقه :


1- تذوبين زبدة الكاكاو والمانجو بحمام ماائي وتنطرين لين تبرد شوي

2- تذوبين ملعقه شاي صغيره من غذاء الملكات بنص فنجان ماي وتضيفينه الزبده

3- تفرغين 4 كبسولات من فيتامين e وزيت زهرة الربيع عالزبده

4- تفرغين 5 كبسولات من زيت جنين القمح عالزبده

5- تضيفين عالزبده 4 ml من سيروم الكولاجين وفيتامين سي

6- خلطي المكونات بخلاط الكيك الكهربائي لين تصير مثل الكريمه وعبيها بعلبه زجاج




الاستعمال :



قبل النوم تغسلين ويهج بغسولج او صابونج ويفضل تسوين سنفره خفيفه وتنشفين

تالي تحطين مسحااااااات من الكريم نتفه مو تترسين ويهج لااا وسوي مسااج خفيف

لين تحسين ان البشره تشربت الكريم وحطي عالشفايف بعد ونامي واذا قعدتي الصبح

غسلي واذا ماراح تطلعين ردي حطي من الكريم الصبح



النتيجه :

النتيجه بينت معااي بعد الاسبوعين وراح تحسين ان بشرتج كلها نضااااروه و

حيويه وهااالاتج خفووا والبقع اختفوووا وان لون بشرتج واااحد وراح تحسين بامتلاء

واستدااره بالويه والشفااايف غييير التفتيح طبعا :eh_s(15):




و المكونات انتوا تعرفون فوااايدهم ما يحتاااي اكتب



وانا قااعده ادور على جم عضووه عشااان ابي اعطيهم عينات من الكريم يجربونها ويقولون لكم

النتااايج بهالموضوع بعد شتبون بعد :eh_s(9):







وسلااااااامتكم وان شاءالله يعجبكم الموضوع والكريم العجييييييييييب



واخيرا لووول اول مره اكتب هالكلام :


ما احلل اي شخص ينقل الموضوع بدون ذكر اسمي واسم المنتدى

مااااااااااااااا احلل اي شخص يستغل الموضوع بالغرض التجاااري


انا قبل ما كنت اقول جذي بس الحين لااا صراااحه قمت اشوف مواضيعي

برا المنتدى وكل وحده تنسبهم حق نفسها :eh_s(4):

وشكرا :eh_s(8):




واتمنى اتمنى انكم تجربونه

 

[s7r 3yonk]

قوووه يا حلوووين شلونكم ان شاءالله بخير

بدش بالموضوع سيدا




موضوعنا اليوم عن غسول يومي للوجه بمكونات طبيعيه

تعالج البشره وتغذيها


هالغسول يناسب كل البشرات بما فيها الحساسه

من مكوناته :


1- سكر القصب الخام ( cane sugar )

شاريته من جمعية مشرف ومره من جمعية الروضه

( ترا اهوا يااااابس مثل الصخر او ماتبطلينه

من جيسه حطيه بعلبه ومعاه قطعه توست وسكري

العلبه وخليها طول الليل ومن باجر الصبح

فتحيها وضغطي عالسكر راح يتفتف ويصير ناعم مثل

الصوره )

يعتبر اهوا المصدر الطبيعي لحمض الجيلكوليك وهالحمض غني

عن التعريف بذكرلكم بعض فوايده :


- تقشير سطح البشره

- يعطي نضاره للبشره

- يفتح البشره

- يصغر المسامات

- يشد البشره ويقلل الخطوط والتجاعيد

- يعالج حب الشباب





2- العرقسوس

تكلمت عنه بموضوع سابق وحبيته وايد ومن فوايده :



- تفتيح البشره

- مهدئ طبيعي للبشره

- يعالج حب الشباب





3- الترمس

كلكم تعرفونه وتحبونه وتستعملونه بماسكاتكم

من فوايده :



- يفتح البشره

- ينعم البشره

- مهدئ طبيعي للبشره




4- العسل


معروف طبعا كغذاء وشفاء للجسم داخليا وخارجيا

ومن فوايده للبشره :


- نضاره

- تغذيه

- ترطيب

- يعالج حب الشباب




5- الجاي الابيض

الجاي الابيض احسن بوااايد من الجاي الاخضر او بمعنى

اخر يعتبر اقوى منه ليش لان الجاي الابيض يقطفون اوراقه

واهوا توه ماستوا فتكون مضادات الاكسده فيه اقوى من

الاخضر


من فوايده :



- يعطي نضاره للبشره بفضل مضادات الاكسده

- يحارب التجاعيد

- ينعم البشره






6- الصابون الاسود الافريقي

كلكم تعرفونه و Grass فديتها ماقصرت وفرته لنا

من فوايده :


- يعالج حب الشباب واثاره

- يعالج الطفح الجلدي ويهدي تهيج البشره

- منظف فعال للوجه

- يشد البشره ويحارب التجاعيد









الحين نبلش بطريقة عمل الغسول :


1- تاخذين 3 م.ك من ( بودرة الترمس ) وتصبين عليه كوب

ماي دافي وتخلينه ينقع

2- تاخذين 3 م.ك من بودرة العرقسوس و 3 جياس من الجاي

الابيض وتنقعينهم مع بعض بكوب ماي دافي


( التنقيع نص يوم )


3 - تبشرين الصابونه وتضيفين عليها نص صابونه من

اختيارج انا ضفت صابونة الحليب يوكو المدوره

4 - تشخلين منقوع الترمس والعرقسوس والجاي بقماش

وتصبينه على الصابون المبشور

طبعا الاكواب اللي قست فيهم بالاول كانو اصغر عشان جذي

بالصوره صار الماي ناقص ولا اهوا نفسه مقدار كوب



5- تخلين الصابون ينقع لمدة ساعه او نص ساعه تالي حطيه

بالخلاط و ضيفي 3 م.ك سكر القصب و 2 م.ك عسل و

كبسولتين فيتامين E

6 - شغلي الخلاط شوي لين تشوفين كل شي اختلط فبعضه بعدين

راح يطلعلج القوام كريمي عبيه بعلبه من عندج

استعملوه مرتين باليوم اول ماتقعدون الصبح

وقبل النوم وراح تشوفون نتيجه باول اسبوع من

الاستخدام ومن اول استخداااااام راح تشوفين فرق



راح تشوفون نعومه ونضاره وتفتيح ونظاااافه و

بشره متوحده ومنوره



على ضمانتي :rerrerek:



عاد جربوا عاد :eh_s(2):


واللي بشرتها جافه حيل وخايفه تنشف تضيف ملعقتين

زيت الجلسرين



وسلامتكم وتعيشون

 

[s7r 3yonk]

°©• تبين تسوين صابونة ليمون ولا بابايا ولا خياار او اي صابونة تطري على بالج تعالي •©°

قوووه


شلووونكم شخباااركم




اليوم يايبتلكم خووش موضوع طبعا للي


يحبون هالسوالف مثلي


:rerrerek:


واللي مايحبون خل يتطمشون


انا استوحيت هالفكره من فيديو


شفته باليوتيوب



وطبقتها بس لاني حبيت الفكره


ولانها سهله وتونس







المهم طبعا كل وحده وبشرتها


وتعرف شنو اللي ينااسبها ومايناسبها



انا نوعية بشرتي مختلطه مايله


للدهنيه



عشااان جذي واااايد احب الليمون


واحب احطه بكل شي



طبعا اكيد كلكم تعرفون فوايد الليمون


مايحتاااج اقوول




نييي حق موضوعنا شلوون تسوين


صابونة ليمون او بابايا او بابونج


او خيار او بطاط


اي شي




انا طبقت عالليمون



شنو نحتاج :






* صابونة نيتروجينا بالتركيبه الاصليه لازم

هالصابونه اوكي لانها شفافه


* بيوريه ليمون


(تقصصين الليمون وتحطينه بالخلاط مع شوية ماي


وتخلطينهم راح يصير عندج بيوريه ليمون)


* فيتامين E اويل


* زيت لوز او ليمون او كيفج





الطريقه :



* تذوبين الصابونه بحمام مائي






* تضيفين البيوريه وتخلطينه عدل


وتضيفين عليه جم قطره من الفيتامين


وقفشه كبيره زيت لوز او اللي عندج






* تخلطينهم عدل وتصبينه بعلبه






* وحطيها بالثلاجه عشان تصك




وبسسسسس صار عندج صابونة ليمون







بنات ترا انا ماجربتها للحين لان


توني سويتها ونزلت لكم الموضوع


وكان ودي اسوي على بابايا وخيار

 

[s7r 3yonk]

.^* تبـيـن نـووور ونـضااااره واشـراااقه بفـيسج تعاااالي عندي ( عنايتي للأزماااات )*^.

تبـيـن نـووور ونـضااااره واشـراااقه بفـيسج تعاااالي عندي ( عنايتي للأزماااات

​

انا احب عنايتي تكون بسيطه يعني اهم شي استمر على غسول او صابونه معينه + سنفره وماسك واحب تكون 2 في 1 +

خلطة الليل او كريم الليل + تونيك )



بتكلم اول شي عن السنفره والماسك انا مسويه سنفره واهيا ماسك بعد


عباره عن :


* نصف ثمرة البابايا نبيها بقشورها وبذرها



* ليمونتين بقشرهم



* حليب بودر ( 6 ملاعق )



* سكر بني ( 3 فنجان )




* 4 كبسولات فيتامين e






الحين الطريقه :


* تقطعين البابايا قطع صغار وتحطينهم بالخلاط مال العصير

* تقطعين الليمون قطع صغار وتحطينه مع البابايا بالخلاط

* تضيفين ربع كوب ماي بس عشان ينخلطون وتشغلين الخلاط لين يصير عندج مثل لبيوريه

* تحطينه بطااسه وتضيفين الحليب البودر والسكر البني والكبسولات تبطينهم وتضيفين الزيت وتخلطينهم عدل مدل


وهذي النتيجه النهاااائيه :





وتحطينها بالثلاااااااجه لانها مواد طبيعيه وفيتامين e راح يحفظها لج

بنااات انا هالكميه اخلصها بالكثير 3 اسابيع

بس اذا انتي من النوع اللي مايستمر وبتنقعين الخلطه بالثلاجه شهر وشهرين احسن لج ما تسوينها


الاستعمال :

انا اول شي اغسل ويهي بخلطة الصابون الاسود مع الليمون بعدين احط هالخلطه وافرك ويهي فيها واخليها بو 3 دقايق

واغسل ومن حلاتها ارد احط مره ثااانيه لوووول

وبعدين انشف واحط كريم الليل بغذاء ملكات النحل اللي انا مسويته وقريب بنزل موضوع عنه



واحب اضيف تعديل على خلطة الصابون الاسود السايل مع الليمون اللي كتبت عنه بهالموضوع :

http://www.q8yat.com/t786228.html


التعديل : بدال لا تعصرون الليمون حطوا الليمون كااامله بقشورها بالخلاط بس قطعوها اول راح يصير

عند بيوريه ليمون وحطيه عالصابون الاسود السايل وخلطي مثل الصوره :




و اهني بعد الخلط :





جذي احسن عشان نستفيد من عصير الليمون وقشر الليمون وتصير ثقيله شوي مو نفس اللي قبل

كااانت وااايد ساايله





الصـــــــــااااافي : ( الصافي بالبحريني بالكويتي الزبده )


احس بنووور واشرااااقه ونضااااره بويهي وصار صااافي الحمدلله عقب النفسيه الصفر وصااار وااايد افتح من قبل

لان طبعا تعرفووون الليمون يفتح واااااااااايد واذا فيج حبوب يصغرهم لج لما تختفي وما تبقع

ومن اول استعمال راح تحسون بفرق نظاافه وتفتيح واحساااس حلووووو كل هذا بعد اسبوعين من الاستمرار

 

[s7r 3yonk]

هذا الذى لقيته عند بحثي وجمعته لكم ليسهل عليكم البحث
وبسسسس أتمنى يسآعدكم

الموضوع من تجميعي ومتعوب عليه

 

[تبيني آرضى عليك]

يعطيييييج العااااااااااااااااافيييييييييييييييييه

 

[بنك بااستا]

Thank

 

[عزوتي خمس صقور]

مشكوووره

 

[مصممهــ]

يزاج الله خير

وجعله بميزان حسناتج حبيبتي

الله يوفقج وين مارحتي​