جماتي والسفر

[_زينه_]

اشلونكم كويتيات


تكفون شوفولي حل ؟؟ انا كل ما قلت انا وريلي بنسافر انشالله لو حتى يوم تنقز خالتي وتشيش حماتي تروح معانا شنو اسوي؟ شالحل عشان اخليها ماتروح لوعت جبدي حتى صرت اذا بفكر بالسفر الناس تستانس وانا افكر فيها والمشكله بريلي لازم يقول لامه قبل الحجز لان ريلي وحيدهم وابوه متوفي مع العلم انه ما يبيها بعد اشلون انا وريلي واهي بغرفه حضرتها تخاف بغرفه بروحها وانا رايحه استانس مع ريلي واهي حاشرتنا
قولولي شنو الحل

 

[( مي )]

واحد من ال 2
يا ان زوجج يعطي امه خبر عن سفرتكم قبل السفرة بيوم ويفهمها انه خلص كل الحجوزات وماكو مجال لزيادة أي شخص يعني يقولها حزة الحزة بحيث ما يمديها أخته تجهز نفسها للسفر ،، مع ان حرام امه معتمدة عليه ولازم تعرف قبلها بوقت بس اهي اللي يهديها على كلامج تشيش حماتج تيي معاكم ،،
او
يقولها أشكره بويه اخته نبي نسافر بروحنا ناخذ راحتنا

يعني غريبة صراحة
اذا كل سفرة معاكم للحين ما حست حماتج ان وجودها غلط بينكم وموماخذين راحتكم ؟؟

 

[Tom ♥ Jerry]

.

خلي ريلج يقطها بالوي بس مو جدامج لانه فشله
يمكن يفتشلون منج

او خليها تسافر معاكم و طول الطريج بينولها انكم مو مستانسين
عشان تحس على دمها شووووووي

 

[بنوته عوبه]

امبيه مثل حالتي لاعت جبدي كرهت السفر من اهله حسبي الله عليهم

 

[كنوشة 2009]

شون هالبلشة ما تستحي رازة ويها في كل سفرة انتو حجزوا قبل فترة بعدين اذا قالتو لهم قولو لها ما في حجز

 

[BiiShOoO]

امبييييييييييييه

انا مع مي و لازم يحاجي اخته مو كل تروح معاكم

 

[سارووونه22]

الله يعينج

 

[الأميرة جوري]

رد : جماتي والسفر

الله يعينج ....جم عمرها ؟؟

 

[ام الدرر]

مشكلتج ما ترقع
حتى لو حجزتو المشكله كرسي واحد تحصلون بسهالة
ما كو الا ريلج يقول حق امه بروحهم وينبها ماتقول لحماتج تمويه انه مايدري ان الام هي اللي تشيش
ويفهمها ان وده تروحون بروحكم هالمرة
او يقط الحجوة على ابو انه غشمرة يقولها بنروح شهر عسل ما نبي عذال جوووووووووووود تفهم

 

[د.شريفة]

رد : جماتي والسفر

يكلمهم ويقول لهم انا باجر مسافر
واذا تكلموا
يقول والله باخذ راحتي مع زوجتي بنغير جو مانبي احد
حتى لو اختي على عيني وعلى راسي بس ابي اقعد مع زوجتي شوي
شكوووووووووووووووووو وااااااااااااااااي لالالالالالالالالالالالالا

 

[الـفـجـر الـبـعـيـد]

رد : جماتي والسفر

لا يقولها الا قبلها بيوم ولا يومين ويقولها بطريقة مؤدبة انه يبي ياخذ راحته وتسافرون بروحكم

 

[Lovley]

واي جنج تكلمين عني بالضبط بالضبط نفس الشي
بس انا اذا جات سالفة تنم عندي بالدار اقلبها كلش و لا هالسالفه نو وي اخليها بقولها اشكره لا ما تنامين ويانا

 

[DooLy88]

يقولها أشكره بويه اخته نبي نسافر بروحنا ناخذ راحتنا

يعني غريبة صراحة
اذا كل سفرة معاكم للحين ما حست حماتج ان وجودها غلط بينكم وموماخذين راحتكم ؟؟

:lololoe:
الصراحة
لنتو ساكتين عبالهم ان عادي - لازم يعرفون انكم تبون راحتكم
ولو ان هالشي مايبي له تعلوم على قولتهم

 

[امواج الكويت]

الله يعينكم
خل زوجج يقولها بالويه ما نبيج معانا

 

[fdeet_shosho]

الله يعينج صراحه خلى زوجج اهوا اللى يتصرف والولد يعرف شلون يقنع امه واخته

 

[آم آحمدو]

رد : جماتي والسفر

حبيبتي حجوزا تذاكركم وبنفس اليوم حطوا جناطكم واذا سألوكم وين على الله خل ريلج يقولهم مسافرين والطياره فل مافيها كرسي واحد

واذا حنجت علكم خل ريلج يقطها بويوهم والله انا ابي اسافر مع زوجتي بروحنا

 

[فوفو22]

رد : جماتي والسفر

المشكله ان

لان ريلي وحيدهم وابوه متوفي

*ان الخاله تبي تونًس بنتها على اساس انها يتيمه .......مالها محرم غير اخوها

*والزوج يشوف ان اخته من ....ضمن مسئولياته كأخ

*والزوجه .....تشوف ان زوجها كله على بعضة ملكها ولا يحق لاحد يتمتع فيه ومعه غيرها<<<وهذا شعور طبيعي

الحل النهائي

1- تسعين بزواج حماتج عشان ترتاحين وسط رضا الجميع

2-تاخذين مرافق رابع تنشغل الاخت فيه مثل عيالج او حماتج الثانية او بنات الاخت او بنات الاخو

طبعا هالخطط بالنهاية انتي المستفيده منها

نصيحه من فوفو

الزوج بالذات لا تداحرينه بأهله

لانه لو يشوف الغلط بعينه .....يجذبج ويصدقهم

كسبيه لصالحج باللسان الحلو

فوفو

 

[واصله]

تسافر معاكم بلعناها بس تنام بنفس الغرفة لااااااااااااااا شالسالفة امبي كلش مو حلوة وعيب عليها ترضى
خلاص قطوها بالوية

 

[جروح الحب]

انا مع فوفو