جلسه طلاقي اخر الشهر شسوي محتاره

[farina]

بنات ماراح اطول عليكم بس ابي نصايح تفيدني

انا متزوجه من سنتين و عندي بنت اخذنا بعض عن حب و اقتناع بس الريال عقب الزواج تغير و صار راعي شرب و سهر و ينام بره البيت و قل اهتمامه فيني و فبنته يقولي انا جذي و مااقدر اتغير و مشاكلنا زادت اهو زهق و انا بعد زهقت من المشاكل مايبيني اغار و لا يبيني اتصل عليه و اهو بره البيت و لا يبي اشك بشي و انا طول الوقت بالبيت محبوسه ممنوع علي كل شي اخر وصلنا له الطلاق بعد ماتفقنا عليه احنا الاثنين و حطيت محامي علشان اضمن حقي و حق بنتي بس لما تحددت الجلسه قالي مابي انحرم من بنتي و عطيني فرصه اتغير و انتي بعد حاولي انج تقللين غيره علي و تخليني براحتي شوي يا بنات انا مو خانقته بالعكس بس سالفه الشرب و السهر هذي مرفوضه عندي مافي شي يجبرني على ريال جذي الله يعلم لما يشرب و يسهر بره شنو يسوي صح او لا ؟؟؟ مايصير مااغار و لا اشك لان بينا المفروض حب و عشره الحين مادري شسوي احنا للحين عايشين مع بعض فبيت واحد بس نفوسنا مو صافيه على بعض و انا مااقدر لغايه الحين اسامحه على اغلاطه و هوه بعد يقولي انا محتار ماادري اطلقج او اظل معاج بس مشكلته ان مايبي يبعد عن بنته تكفووون بنات بشنو تنصحوني

 

[يآلبى ضحكتي:$$]

حآووووولي آتغيرينه حبيبتي ​

 

[النوري نور عيني]

علشان بنتي ..تحملي وردي ..كل البيوت فيها مشاكل محد مرتاح ..وما الومج ان غرتي واحتريتي ...بس الوحده ودج تصبر خاصه السالفه فيها بنت ...وادعي له بالهدايه ..والله يسخره لج ...

 

[! بــدويه وآآيــد !]

،


اشرطي عليه يترك الحرااام اول شي والباااجي مقدور عليه !
واخذي منه شرط وشهود اخاف بيساحلج لما الجلسه تطووف بعدين ترد حليمه لعادتها القديمه !
الله يسهل عليج ياااارب ويكتب لج الي فيه الخير لج ولبنيتج

 

[classicyah]

تصبر على شو ؟؟ !!

الريـآل يشرب ، يسكر !

الريـآل اذآ وصل لمرحلة السكر ، خلآص ، مآ منـه فـآيده

لأنـه يروح عقله و يسوي كل الممنوعـآت ،

عـآد يقتل ، عـآدي يزني ، عـآدي يضربج ، عآدي و عآدي و عـآدي !!

،

وآضح إنه ريلج مآ يبـآ يتغير و يترك خرآبيطه ،

اتطلقيْ ، و مـآ عليـج من حـد . .

و اذآ على بنته ، مصلحتهآ تتربى في بيئه نظيفـه ، و خآليـه من المشـآكل . .

و هـو ، تتحدد له أيـآم معينه يشوفهـآ ،

من السآعه الفلآنيـه للسآعه الفلآنيـه ، و تحت إشرـآف بعد ،

الريـآل يسكر و مآ منه أمـآن ،

 

[قسوة الزمن]

شوفي ريلج شكله وطيب بس يمكن ربعه خربوه على العموم انتي سايسه بالكلام الحلو ودلعيه وذكريه بحبكم قبل الزواج ولا تسالينه وين رايح وراد

 

[زين ودلال]

الله يكتبلج اللي فيه الخير يارب

 

[brettey]

الله يهدي سركم

 

[فدوووو]

استخيري ثم استخيري ثلاث مراات قبل لاتفكرين بالطلاق خصوصا بينكم بنت

 

[Queenleo]

هذا مو كلامي بس سامعته من شيخ
دقت عليه وحده قالتله زوجي يسكر اتطلق حرام او لا
جان يسالها اذا عندها بنت
قالتله اي عاد قال لها خوفا على بنتج تطلقي لان ممكن يدش البيت واهوا مو صاحي وويقرب لها
ووايد سمعنا بهالشيء

فاول شيء استخيري
وثاني شيء ياايقطع الشرب يا الطلاق مافيها روح وتعال

 

[غيــرة انثى]

بدال ما يقولج خلاص بهد السهر و الشرب و اهم شي زواجنا يقولج لا تغارين و انا محتار اطلقج ولا لا ؟ شهالعله ؟ ماكو قعدت شرب الا فيها بنات يعني اكو رياييل يجابلون بعض و يشربون ؟
تطلقي من الحين احسنلج باجر البنت تكبر و تفهم ماله داعي

 

[GaLbI t7aWaL]

يا قلبي والله كسرتي خاطري
وادري الشرب مو شويه الله يهديه ان شااء الله

بس حاولي انكم تسافرون او تطلعون شاليه بحيث انكم تكونون مع بعض ٢٤ سااعه

غيري روتين حياتكم

والله الهادي

 

[aloooya]

الله يعينج

 

[* ملكني الخوف *]

حبيبتي هذا اختيارج وينج عنه من زمان ليش ماشفتي عيوبه صبريه عليه شوي عشان مستقبل بنتج قوليله ياتترك هلمنكر ولاخلاص نبعد عن بعض احسن وانتي بعد بأيدج تغيرينه وتكسبين فيه اجر عوديه ع الصلاه اذا مايصلي الصلاه تنهى عن الفحشاء والمنكر خليه يمسك قرآن قعديه كل جمعه على الصلاه وليش ماتروحون تعمرون انتي حجزي كلشي وسويله مفاجأه وادعي هناك الله يهديه خلي شيخ دين يكلمه ويقويله عن الاخره وعن عقاب اهمال الزوجه وان لج حق عليه يمكن زوجج جاهل بالدين يمكن لمن يسمع هلكلام يخاف خلي هدايته على ايدج دقي عليه قوليله حبيبي تعال مسويتلك عشا حلو عوديه عليكم سويله كيك حلو فطاير قعدو مع بعض المغرب والعصر شوفلكم مسرحيه خليه مايستغني عنج خصصو لكم يوم تطلعون مع بعض وصبري مو كلشي بسرعه اول شي راح تتعبين معاه بعدين راح يتعود وانتي بعد اتقربي من ربج وادعيله بالهدايه مو يعني كل وحده تتزوج وتيب يهال وتتطلق حرام هاذا اختيارج وتحملي وغيريه بأيدج والله تقدرين سويله ليالي رومانسيه يعني في قصه اول ما الله سبحانه وتعالى فرض الصلاه كانو الناس يشربون الخمر وماكانو يدرون ان حرام والله سبحانه بالتدريج خلاهم يقطعون هلمنكر ويصلون بس ناسيه هلقصه دوريها بقوقل شوفي كلشي بالتدريج لاتزعلين من كلامي انتي مثل اختي وابيلج الخير والله يوفقكم ويهديه يارب*

 

[فخامه كبريائي]

اخاف صج تفكرين تقعدين عنده و الا لا !!هذا يشرب يعني منتهي !!
تطلقي اضمن لج و لبنتج

 

[*ريما*]

عطية فرصة اخيرة
يمكن صج يتغير
والله يهدية

 

[farina]

بنات والله كل شي سويت علشان اصلحه دخلت اهلي و اهله هم ماكو فايده انا الله شاهد علي مو مقصره بشي معاه بالمره لا فبيته و لا فنفسي و لا فبنته بعد مولعه اصابعي العشر شمع بس ماكو فايده الريال محسسني ان في وحده ثانيه بحياته و انا مليت من الهواش كل يوم حتي بنتي قامت بس تسمع صراخنا تصارخ و تبجي اهوه كله يقولي بنتي كاسره ظهري يعني معني كلامه ان بنته اهي سبب وجوده معاي بس ماكو اى حب و لا شي وين راح كل للى كان بينا انا استخرت وايد و مو لاقيه حل غير الطلاق حتى اهو مو راضي يتغير كلش

 

[النوري نور عيني]

تصبر على شو ؟؟ !!

الريـآل يشرب ، يسكر !

الريـآل اذآ وصل لمرحلة السكر ، خلآص ، مآ منـه فـآيده

لأنـه يروح عقله و يسوي كل الممنوعـآت ،

عـآد يقتل ، عـآدي يزني ، عـآدي يضربج ، عآدي و عآدي و عـآدي !!

،

وآضح إنه ريلج مآ يبـآ يتغير و يترك خرآبيطه ،

اتطلقيْ ، و مـآ عليـج من حـد . .

و اذآ على بنته ، مصلحتهآ تتربى في بيئه نظيفـه ، و خآليـه من المشـآكل . .

و هـو ، تتحدد له أيـآم معينه يشوفهـآ ،

من السآعه الفلآنيـه للسآعه الفلآنيـه ، و تحت إشرـآف بعد ،

الريـآل يسكر و مآ منه أمـآن ،

مستغربه منج ..انج محاميه وهذا ردج ...الريال يوم ياخذها ..كان زين ...وتغير ..عني الي يتغير للشين ..ما فيه مجال يرد ويصير احسن ويمكن يلتزم واف الله فيها ...عندها بنت ..يعني ام ..الامومه عمرها ما تخلي الوحده انانيه وما تفكر الا بنفسها ...تطلقت ..باجر الله يهداه ويصير محد احسن واحد ..بتسالها بنتها عن ابوها ..شتقول ..كان يسكر ...كان يخربط ..كان ..والبنت بتلومها ..ان صارت مشكله ..الواحد يحاول مرة ومرتين وثلاث ..حتى الطلاق ..ثلاث طلاقات ..مو مرة وحده ..ويصبر وبدعي .. يعطي فرصه ..يتناقشون ...يهددونه ..يكلمون اهله ...يضغطون عليه ..بعض المرات الطلاق رحمه ...بس بعد ..انتهاء كل الحلول ..

وبعدين ..لا تظنين كل البيوت ..مثاليه ..البيوت اسرار ..وحريم تصبر علشان عيالها ..ويا ما سمعنا عن ناس ..في بداية حاتهم مشاكل ..وبعدين تعدلت حياتهم ..

 

[النوري نور عيني]

بنات والله كل شي سويت علشان اصلحه دخلت اهلي و اهله هم ماكو فايده انا الله شاهد علي مو مقصره بشي معاه بالمره لا فبيته و لا فنفسي و لا فبنته بعد مولعه اصابعي العشر شمع بس ماكو فايده الريال محسسني ان في وحده ثانيه بحياته و انا مليت من الهواش كل يوم حتي بنتي قامت بس تسمع صراخنا تصارخ و تبجي اهوه كله يقولي بنتي كاسره ظهري يعني معني كلامه ان بنته اهي سبب وجوده معاي بس ماكو اى حب و لا شي وين راح كل للى كان بينا انا استخرت وايد و مو لاقيه حل غير الطلاق حتى اهو مو راضي يتغير كلش

ابتعدي عنه فتره ...روحي لبيت اهلج ...ولا تستعجلين ...وفكري بعيد عن جو المشاكل والنفسيه التعبانه ..,خل اعصابج تهدأ ..والجئي لله ...استخيري ..وادعي ..وشوفي ..

 

[farina]

انا ادري ان لازم اصبر علشان بنتي و اتحمل و اطنش الريال و اخليه براحته مثل ما اهو يبي بس برايكم هذي تتسمي زواجه ؟ ليش متزوجه انا عيل و خصوصا الريال اللى حبيته و خذيته و اهلي ماكانوا راضين عنه لان حسب كلامهم مو تكانه بس للاسف الشي هذا شفته بعدين متاخر حيل بس مااقدر اعيش بالطريقه هذي و اخلي زواجي حبر على ورق يعني الشون بخلي ريال راجع سكران من سهره يلمسني او اتقبله اصلا اكيد انتو فاهميني علشان جذي قررت انفصل عنه مع اني مو هاين علي لاني احبه و احب بيتي و بنتي ابيها تعيش بيننا بس شالفايده زواج بدون ريال زواج بدون ابو ريال طوووول اليوم بره البيت مايدري عن شي لو بتكلم ماراح اخلص بس قاعده افضفض سامحوني