انا كانت ريلي جذي فاهمتج شي يحر خصوصا لما تبين تلبسيو نفنوف و لا شي قصير من ورا ريلج سودة =/ بقولج عنايتي و شلون اختفوا
1) أول شي تحاولين ما تزيدين السواد اذا لبستي فلاتات لا تلبسينهم بدون دلاغ لبسي هذا الدلاغ الشفاف كنت اكرها احسه مال عيايز :krkrkr: بس و الله احسن شي و في طويل و قصير اللي ما يبين لأن احتكاك الجوتي بريلج من ورى أهو اللي يسبب السواد ... بعد اي جوتي حتى لو شكله حلو تحسينة ضيج قطية او عطيه لأي احد
2) أول ما تردين البيت فصخي الجوتي و غسلي ريلج بماي دافي مو شرط تنقعينها بس غسليها عدل انا استخدم ( الصابون الافريقي السائل ) من التاجرة قراس ! عجيبة الصابونة ترطب و تبيض ريلج بتصير لون واحد و كل السواد يروح
3 ) اسنفر ريولي كل يوم بسنفرة ( مون وايت ) من التاجرة قراس هالسنفرة اتبيض .. أو سنفرة ( براون شوقر و زبدة المانجو ) همن من جراس وايد حلوه .. أو سنفرة ( اس تيفز بالمشمش ) معروفة عجيبة و ماعليها كلام
4) مرة أو مرتين بالاسبوع أحط حق ريلي ماسك من ذا بودي شوب هذي صورتة :
http://www.realbeauty.com/cm/realbeauty/images/KG/rby-body-shop-peppermint-foot-mask-de.jpg
عجييييييييييييييييييب و الله احلى شي اذا حطيتيه على ريلج تحسين بعور مو صج ريلاكس حدج يرطب الريل يخليها جنها ريل بيبي و الترطيب يخفف السواد حيل و أحسن شي لو سويتي سكرب عقبها
5 ) الترطيب و اهو اهم خطوة مرطباتي اهي : جلسلويد الاحمر ، زبدة الشيا من التاجرة قراس هذي خيالية ، مرطب الريل من ذا بودي شوب
6 ) حاولي كثر ما تقدرين انج ما تمشين حافية
7) لما تتسبحين حكيها بمفراكة الريول
9) مرتين بالشهر سوي بدي كير و مني كير بالصالون أو بالبيت اذا تعرفين
:eh_s(9): سووا هالخطوات و باذن الله ريلكم بتصير زبدة ! :eh_s(22):
