جفتها قبل سنة لكن لما جفتها الحين سبحان الله !!

[بنوتة اماراتية]

السلام عليكم بنات

مادري اذا الموضوع مكانه هني ولا لا؟؟

ابي اقولكم سالفة وابي رد لها يعني اللي كانت مثل حال هالبنت الـسمرا واللي مب ذاك الجمال وتحولت لملاك ووحدة جميلة صج صج

الله يسلمكم انا اعرف بنت كانت بمدرستنا يعني هي شرات عمري لكنها اكبر عني بشهور 16 سنة جي بس عقب انتقلت من مدرستنا وكملت سنة وماجفتها مووول

وقبل جم من يوم امها يايبة لنا بطاقة عرسها وانا انصدمت قلت هذي صغيرة والمشكلة سمرا وغير مب وايد حلوة كيف جي معقولة سبحان الله يعني

ومن هذا اليوم لين ما استوا عرسها ماكنت انام عدل افكر وافكر فيها يالله كيف يمكن تطلع :eh_s(10):
وهم يابوا لنا البطاقة قبل عرسها بـ 6 ايام تقريبا

وايا يوم عرسها وانا متخبلة تلبست وحطيت ميك اب سرعة سرعة ورحنا العرس وماطعت اكل شي الا شربت عصير و صكوا الليتات اللمبة عسب تي العروس ولما جفتها :eh_s(1)::eh_s(1)::eh_s(1)::eh_s(1)::eh_s(1)::eh_s(1): تخبلت ماخازت عيني عنها ماشاء الله عليها
ابيضت كانت سمرا شو سوت وجسمها كان حلو وشعرها وكل شي اول مرة اروح عرس واجوف العروس جي ماشاء الله عليها ماكنت ابي اروح تخبلت عليها ووالله لما رجعت ماقدرت انام موول حتى ما قمت اصلي الفجر اعوذ بالله هههههههههههههههههههههههههههههههههه انا جي لما اجوف وحدة حلوة ما انام زين ههههههه

بلييز بنات وعروسات اللي كانت مثلها قبل العرس تقول لي شو سوت وكيف جي تغيرت اعتقد وايدات هني عرايس واكيد كانوا غير وتغيروا بللليز خبروني وانا بستفيد حتى البنات اللي هني بيستفيدون

:yaaaaaarb:وبارك الله فيكم بنات واشكركم صراحة واتمنى انكم تردوا علي :yaaaaaarb:

 

[ادمـنـ.ـت حبـبك]

هههههههههههههههههههههههههههههههههههههههههههه عجبتني لما اجوف حلوه ماانام .. حبيبتي انتي اكيد شايفتها ب عرسهاميك اب فول يقلب السمرا بيضه :eh_s(10):يعني ماشفتيها فيس تو فيس واذا تبين البياض يلق لق الله مااكثر من كريمات الكيرتيزون بس تيبيب امراض واضرار جانبيه :eh_s(16):

 

[ايمان7]

العروس شي طبيعي تطلع حلوة مع الكريمات والماكياج وابر النفخ والاكستينشن يعني شي يكمل على شي
والحين واايد انتشرت خلطات التبيييض

 

[*مطبخ الذواقة*]

صحيح نادر الحين تلقين عروس مو حلوة ...


حتى العيوب ممنك اخفائها بالميك اب وخبيره التجميل الشاطره تقدر تسوي للعروس نيو لوك طبيعي



والفال لعرسج ...يارب..


وتصيرين احلى عرووووووووووس

 

[بنوتة اماراتية]

ههههههههههههههههههه

انزين تراني جفت ايدها ابيض عن قبل حبيباتي :: مادري والله شو سوت بعمرها


حتى اللي كانوا قاعدين ويانا بالطاولة يالسين يرمسوا عنها وانا يالسة اسمعهم ههههه


فرحتوني بردودكم فديتكم والله

 

[^^ ǺГฬα]

وعليكم السلام ورحمه الله وبركاته

ماشاء الله تبارك الرحمن

الله يهنيها ويسعدها

مثل ماقالوا البنات المكياج والاكستينشن تغير

+ مهتمه بنفسها وعنايه خلطات طبيعيه صوابين سنفرات كريمات ترطيب

تغذية + ماء

اهتمي بنفسج وان شاء الله تطلعين مثل ماتبين

وينقل لقسم

العناية بالشعر والبشرة والجسم


راح تستفيدين من الخلطات والسنفرات وتجارب البنات بمواضيعهم:eh_s(15):


وشوفي موضوعي عن التغذية راح يفيدج



يآعروس غيري (صحتج بشرتج شعرج جسمج) للأفضل بـ ( الطبق الغذائي الهرم الغذائي ) متجدد






​

 

[عـِرۈۈق قلبــه]

ياربي شهالحسد حاطه موضوع مافي اي فايداا

آللھہ يهديج يارب

 

[عبقرية]

ماشاء الله عليها

ترى العرايس يحطون مكياج ع كامل الجسم وخاصة الجسم الظاهري يعني الذراع والصدر والظهر وفي بخاخ في الاسواق يخلي جسمك لونه ابيض خاص بالجسم

 

[حبيبه جاسم]

مدري شقولج صرآآآححه ..
هو مب موضوع حسد آكيد . جفتي وحده آبيضت وتبين تصيرين مثلهآ
بس آلمشكله بطريقه كلآمج للموضوع. يعني البنت انسترت وتزوجت وانتي تقولين
مدري صغيره وسمرآ مدري شلون جذيه آنهآ تزوجت .
بأمكأنج تدخلين تقولين أبي أصير بيضآ
آبي آوحد لون جسمي .. آي شي بس آنآ مآحبيت طريقه آسلوبج بصرآحه
لدرجه الغيره اللي فيج تقولين مآكليت ولآ شربت ولآ نمت زين

ع آلعمووم الله يعطيج ع قد نيتج وتلآقين آللي تبينه

 

[مـوعــوده]

اعوووووووووووووذ بالله
ومن شر حاسد اذا حسد ومن شر حاسد اذا حسد
خافي الله واذكري اسم الله على البنت ياعمري عليها جايه تعزمك وتسلمك الكروت بيدينها وانتي ميته من الحره والتفكير لدرجة لا اكلتي ولا نمتي يااااارب لطفك ورحمتك
وبعد عرسها ماقدرتي تصلين من التفكير فيها!!!!
اعوذ بالله من نفسك لااله الا ات سبحانك اني كنت من الظالمين

 

[CHARIS]

خفوا على البنت تراها عمرها 16 سنه....
شوفي حبيبتي البنات بهالوقت بالذات اللي بعمرك صار اهتمامهم بأنفسهم اووفر وفقدوا حتى متعة هالمرحلة وحده عمرها 15 تحسين عمرها 25 من اللي مسويته بروحها ،، اما تكون صديقتك مكياج ورجيم وكورسيه واكستنشن،، او تكون مستخدمه اشياء ثانيه قويه لان مستحيل الاشياء الطبيعيه تجيب نتائج سريعه تقلب الوحده فوق تحت بأقل من سنه،، ومن ضمن هالاشياءالقوية الخلطات الكميائية اللي ضررها ع البشره بهالعمر اكثر من اي عمر ثاني لان الهرمونات مسويه مثل الثوره داخل اجسام المراهقين وطبعاً الهرمونات تلعب دور بظهور الحبوب ومشاكل كثيره للبشره واي عبث ممكن يخليك تندمين كل عمرك الجاي،، انا لما كنت بعمرك كنت استخدم ماسكات طبيعيه زبادي او زيت لوز او شوفان واسوي فقط ماسكات طبيعيه وما اقرب للكميائي نهائي وبشرتي ما اقولك كانت حلوه مره لا عاديه واستخدم واقي الشمس ضروره من ضرورات الحياه عندي من ذاك الوقت،، وعندي صديقتين وحده كانت تستخدم الدريموفيت لحاله وكانت بشرتها جنان جنان مثل المرايه مع انها ما كانت بيضاء والثانيه كانت تستخدم خلطة السبع كريمات المعروفه وهي سمراء مو حلوه بس بعد الخلطة صبغت شعرها اشقر و صارت احلى وحده بالمدرسه وشكلها يجذب الانتباه،، طبعاً انا كنت ابغى اسوي زيهم بس امسكتني امي وفهمتني ان الخلطات هاذي مضره للكبار فكيف ع بشرتي وانا 15 سنه وعلمتني ع الخلطات الطبيعيه انا وخواتي،، طوال الثانويه وهم ع حالهم وكريماتهم وانا كنت متأكده انهم راح يندمون وكنت انصحهم يتركونها بس ما يردون علي ،، لما دخلنا الجامعه ثاني سنه تقريباً تعالي شوفي وش صار في وجيهم اللي كانت تستخدم الدريموفيت امتلئ وجها خطوط حمراء صغيره بخدودها ورقبتها حاجه مشوهه مررره عند عيونها حول فمها كلها خطوط حمراء كأنها عروق بس صغيره حيل وحمراء مره وجها اعوذ بالله والثانيه كل وجها نقط بنيه زي النمش او الكلف مليان بخدودها وهي لسى بنت وسمّرت سمار مو طبيعي وتزوجوا ولما حملوا زاد الوضع اسوأ والله العظيم ما ابالغ ولا اقول شي سمعته صديقاتي من عمر وشفت تجربتهم بعيوني ،، والحين اعمارنا 25 وشوفي بشرتي وشوفي بشرتهم كأنهم بالثلاثينات من التعب اللي في وجيههم الله يكون بعونهم وترجع بشراتهم مثل قبل،، وانا ولله الحمد بشرتي عاديه ولا فيها مشاكل خطيره من فضل ربي ثم تنبيهات امي عن اللعب بالوجه وحنا صغار.. انسي تفكيرك بصديقتك والله يستر عليها اذا هي مستخدمه مثل هالخلطات وانتي الحين استمتعي بعمرك وخليك ع الطبيعي وواقي الشمس وصابون الغار خليه صابون استحمامك مع ليفه متوسطه مو خشنه ولا ناعمه وركزي ع الترطيب الدايم،، اذا اسنانك فيها مشاكل الحين عدليها وحبوب الشباب اذا عندك روحي لدكتور يساعدك بكريمات طبيه اهتمي بالتغذيه والشعر ودرااااستك وغيره لا تفكرين بشي نهائي...وبتوصلين للجامعه وانتي احلى بنوته واذا الله كتب لك لقاء مع صديقتك بعد كم سنه راح تتذكرين كلامي... الله يوفقك ي قلبي...

 

[هدوووشه]

مشاءالله الله يووفقها
بس صح كلام البنات مو حلوة انك تقولين سمرة وكيف كذا ؟؟ هااذي ارزاق يااختي ربك اللي مقسم الرزق
وليش ماتصصلين عشان اللي شفتيه معقوولة ؟! الله يعينك

 

[عروسة كانون]

لا تعليق صراحة!!

بس إذا تريدي تصيري أحلى منها ..
اهتمي بصلاتك عشان تكوني في الجنة من الحور العين
الدنيا فانية وجمالها زائل..

ربي يهديك ويصلح حالك
​

 

[طيبة83]

هههههههه ما عجبني من الموضوع االا الرابط اللي حاطته اروى

 

[pink123]

ياربي شهالحسد حاطه موضوع مافي اي فايداا

آللھہ يهديج يارب

1000+
معها حق :eh_s(15):
وليش الشينه والسمرا ماتتزوج !!! مالها رب يعني!
ماتدرين انه الدنيا ارزاق والدليل البيوت مليانه بيض ولا اعرسوا وجميلات بعضهم لان البياض مومعناته انه البنت حلوه هذا في مجتمعنا المتخلف
لو اعرف بيت هاللي تتكلمين عنها خبرتهم ياخذون غساااالك
حشششى حسسد عيني عييينك
قل اعوذ برب الفلللللللق ..اللهم صلي على محمممممد
هذا جزاها جايبتلك البطاقات تعزمك لزواجها وانتي مييييته من القهرررر ليش تتزوج وهي شينه؟؟؟؟ وبعد يوم رجعتي ماقدرتي تصلين ياساااااااتر انا ماقد شفت زي كدا
حسبي الله ونعم الوكيل
طيب يالحلوة ورى ما اعرستي انتي؟؟
البنت الله عطاها على قد نيتها وتوفقت مو زي بعض الناس

 

[بنوتة اماراتية]

انزين بنات بلاكم انا ما حسدتها ولا قصدي اغلط على السمراوات تراني انا بعد مب بيضة وايد

انا اصلا محد يفهمني وما عرف اشرح شي:jumpon::jumpon: اسفة على طرحي لهذا الموضوع :0bee2e8d89::0bee2e8d89:

مادري شلون افهم الناس وانا ماقصدي يصير لها شر انا اتمنى اصير نفسها جي وانا قلت ماشاء الله عليها ما قلت خيبة وجي فهموني بلييز انا ماقصدي شي والله :eh_s(11)::eh_s(11)::eh_s(11):

خلاص اسفة بشدة :eh_s(16):واشكركم على الردود الحلوة وربي لايحرمني منكم !!!!:yaaaaaarb:

 

[لوليتااا]

يوهه بنات خفوا على البنت شوي مايسوى عليها نزلت موضوع والبنت صغيره ترى

 

[VET-Nour]

خلاص اشفيكم عليها مو قصدها قسم بالله

قولي اللهم ابطل عيني وحسدي و تعلق نفسي ممن اصبتهم بقصد او غير قصد وبس !!

ترى ماصار شيء بس كانت بتسال!!

اسالي العروس :d

 

[baby lotion]

الله يهداج راجعي كلامج شوي ..... السمرا ماتتزوج ؟ ترى نصيب

وبعدين حتى الجسم والايد يحطون لهم كريما واساس والخ

واخيرا ---- ذكري ربج

 

[بنوتة اماراتية]

انزين انا مب قصدي هي سمرا يعني ماتتزوج

انا حتى سمرا يعني بلاكم جي والله مب قصدي احسدها شي فرق بين الحسد والغبط

وانا اغبط البنت مب حسدتها هههههههههه

( أن الغبط هو أن تتمنى أن يكون مثل حال المغبوط لك من غير أن تريد زوالها عنه، والحسد أن تتمنى أن تكون حاله لك دونه فلهذا ذم الحسد ولم يذم الغبط، فأما ما روي أنه عليه السلام سئل فقيل له أيضر الغبط فقال نعم كما يضر العصا الخبط فإنه أراد أن تترك مالك فيه سعة لئلا تدخل في المكروه وهذا مثل قولهم ليس الزهد في الحرام إنما الزهد في الحلال، والاغتباط الفرح )

جفتوا بنات ان شاء الله تكونوا فهتموني صح

وشكرا لكل الردود

واشكرج VET-Nour لاني ماكنت اعرف هذا الدعاء